यशैया 1:12 - नेवाः बाइबल

¹² जितः आराधना यायेत वय्‌बलय् उपिं फुक्‍कं हयेमाः धकाः छिमित सुनां धाल? सुनां छिमित जिगु चुकय् न्‍हुत्तुन्‍हुयेत धाल?

यशैया 1:12 ပူးပေါင်းရင်းမြစ်များ

भजनसंग्रहया सफू 40:6

छिं जितः थ्‍व खँ थुइके बियादिल, जिगु न्‍हाय्‌पं चाय्‌कादिल, बलि बीगु व छाय्‌छी यायेगु ज्‍यां छि लय्‌मताः, छिं होमबलि व पापबलि नं यय्‌कामदी।

प्रस्‍थान 23:17

“दँय् स्‍वक्‍वः फुक्‍क मिजंत परमप्रभुया न्‍ह्यःने खनेदः वयेमाः।

प्रस्‍थान 34:23

दँय् स्‍वक्‍वः फुक्‍क मिजंत परमप्रभु इस्राएलया परमेश्‍वरया न्‍ह्यःने खनेदय्‌कः वयेमाः।

उपदेशक 5:1

परमेश्‍वरया देगलय् बांलाक बिचाः यानाः जक हुँ, अन मूर्ख जुयाः बलि छायेत वनेगु स्‍वयाः न्‍यनेत हुँ, छाय्‌धाःसा मूर्खतय्‌सं द्वंकागु दु धकाः थुइके फइ मखु।

यर्मिया 7:11

छु छिमिसं जिगु देगःयात खुँ दाखुँतय्‌गु छेँ धकाः च्‍वना ला? छिमिसं छु यानाच्‍वंगु दु, जिं स्‍यू, परमप्रभुं धयादी।

मीका 6:8

हे मनू, बांलाःगु अले भिंगु खँ वय्‌कलं छन्‍त क्‍यनादीगु दु। छपाखें परमप्रभुं छु यय्‌कादी? खःकथं ज्‍या यायेगु, मायायात यय्‌केगु, थः परमेश्‍वरलिसें क्‍वमिलु जुयाः जुयेगु।

जकरिया 7:5

“देशय् च्‍वंपि मनूत व पुजाहारीतय्‌त न्‍यँ, ‘वंगु न्‍हयेदँय् छिमिसं न्‍यागूगु व न्‍हय्‌गूगु लाय् अपसं च्‍वनाः शोक याःबलय् छु छिमिसं धात्‍थें हे जिगु हे निंतिं अपसं च्‍वनागु खः ला?

मत्ती 23:5

“इमिसं न्‍ह्यागु ज्‍यां मनूतय्‌त क्‍यनेत जक याइ। इमिसं व्‍यवस्‍थायागु खँपुयात चिनाः गुलि फत तःधं यानाः थःगु लप्‍पाय् व कपालय् चिना जुइ। अले थःगु वसतय् ताःहाकय्‌क फुर्का तया जुइ।

व्‍यवस्‍था 16:16

परमप्रभु छिमि परमेश्‍वरं ल्‍ययादीगु थासय् दँय् स्‍वक्‍वः छिमि मिजंत धाक्‍व वय्‌कःया न्‍ह्यःने खनेदः वनेमाः, सोडा मतःगु मरिया नखःबलय्, सामाज्‍याया नखःबलय् अले बल्‍चाबाय्‌या नखःबलय् परमप्रभुया न्‍ह्यःने सुं नं खालि ल्‍हातं वने मते।