यशैया 1:10 - नेवाः बाइबल

¹⁰ अय् सदोमया शासकत, परमप्रभुया वचन न्‍यँ! अय् गमोराया मनूत, परमेश्‍वरया आज्ञा मानय् या! परमप्रभुं छिमित छु धयादीगु दु व बांलाक न्‍यँ!

यशैया 1:10 ပူးပေါင်းရင်းမြစ်များ

उत्‍पत्ति 13:13

सदोमया मनूत तसकं दुष्‍ट व परमप्रभुया विरोधय् पाप यानाजुइपिं खः।

यशैया 28:14

अथे जुयाः हे हेबाय्‌चबाय् याइपिं मनूत, सुनां यरूशलेमय् थुपिं प्रजातय्‌त शासन याइ, परमप्रभुया वचन न्‍यँ।

यशैया 3:9

इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यशैया 30:9

थ्‍व छगू जिराहा जातिया मनूत खः, धोखा बिइपिनि काय्‌म्‍ह्याय्‌पिं खः, वा परमप्रभुया स्‍यनातःगु खँ मानय् मयाःपिं काय्‌म्‍ह्याय्‌पिं खः।

यशैया 33:22

छाय्‌धाःसा परमप्रभु झी न्‍यायाधीश खः, परमप्रभु झीत व्‍यवस्‍था बियादीम्‍ह खः, परमप्रभु झी जुजु जुयादी, वय्‌कलं हे झीत बचय् यानादी।

यशैया 8:20

परमेश्‍वरं छिमित स्‍यनातःगु खँ व साक्षीइ ध्‍यान ब्‍यु! इमिसं थ्‍व स्‍यनातःगु खँ कथं न्‍वमवात धाःसा इमिके सुथसिया जः दइ मखु।

यर्मिया 23:14

यरूशलेमयापिं अगमवक्तातय्‌के नं जिं छगू ग्‍यानापुगु खँ खना। इमिसं व्‍यभिचार याइगु अले मखुगु खँ ल्‍हाइगु। इमिसं मखुगु ज्‍या यायेत मनूतय्‌त ग्‍वाहालि याइगु। सुनानं मभिंगु ज्‍या यायेगु मत्‍वःतू। इपिं सकलें जिगु लागि सदोम थें खः, यरूशलेमयापिं मनूत गमोरा थें जूगु दु।”

यर्मिया 9:26

थुपिं मनूत मिश्रीत, एदोमीत, अम्‍मोनीत, मोआबीत, मरुभूमिइ ताताःपाःगु थासय् च्‍वंपिं मनूत खः। जिं यहूदायापिं मनूतय्‌त तकं सजाँय बी। थुपिं विदेशी जातितय्‌के थें इस्राएलया घरानायाके नं चिं मतःगु नुगः दु।”

इजकिएल 13:2

“अय् सीमानिम्‍ह मनू, आः अगमवाणी ल्‍हानाच्‍वंपिं इस्राएलया अगमवक्तातय्‌गु विरोधय् अगमवाणी ल्‍हा, थःगु हे मनं अगमवाणी ल्‍हाइपिन्‍त धा, ‘परमप्रभुया वचन न्‍यँ।

इजकिएल 16:35

“‘उकिं अय् वेश्‍या, परमप्रभुयागु वचन न्‍यँ!

इजकिएल 16:46

छिमि तता थःम्‍ह्याय्‌पिंनापं छंगु उत्तरपाखे च्‍वनीम्‍ह सामरिया खः, छिमि केहेँ थः म्‍ह्याय्‌पिंलिसें छंगु दच्‍छिनपाखे च्‍वनीम्‍ह सदोम खः।

इजकिएल 16:49

“‘स्‍व! छिमि केहेँ सदोमया पाप थ्‍व खः, व अले वया म्‍ह्याय्‌पिं जिराहा खः, प्‍वाः जाय्‌क नइगु, याउँक च्‍वनीगु, तर इमिसं गरीबत व मगाःमचाःपिन्‍त ग्‍वाहालि मयाः।

आमोस 3:1

अय् इस्राएलयापिं मनूत, परमप्रभुं छिमिगु विरोधय् अर्थात मिश्र देशं जिं हयापिं फुक्‍क खलःया विरोधय् धयादीगु थ्‍व वचन न्‍यँ –

आमोस 3:8

सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?

आमोस 9:7

“अय् इस्राएलीत, छिपिं जिगु निंतिं कूशया सन्‍तान थें खः” परमप्रभुं धयादी। “छु जिं इस्राएलीतय्‌त मिश्र देशंनिसें, पलिश्‍तीतय्‌त कप्‍तोरंनिसें, अले अरामीतय्‌त कीरंनिसें लिकानाः हयागु मखु ला?

मीका 3:1

अले जिं धया, “हे याकूबया नायःत, हे इस्राएलया घरानायापिं शासकत, ध्‍यान बिया न्‍यँ। न्‍याययात सिकाकायेगु छु छिमिगु ज्‍या मखु ला?

रोमी 9:29

यशैयां हानं थथे धयातःगु दु – “दक्‍व शक्ति दुम्‍ह परमेश्‍वरं झीत सन्‍तान ल्‍यंका मदीगु जूसा सदोम व गमोरायागु गति जू थें तुं झीगु नं अथे हे गति जुइगु खः।”

व्‍यवस्‍था 32:32

इपिं सदोम व गमोराया मनूत थें स्‍यने धुंकूपिं खः, खाइसेच्‍वंगु व बिखं जाःगु दाख थें।

प्रकाश 11:8

इमि प्रभुयात क्रूसय् यख्‍खाःगु तःधंगु शहरय् च्‍वंगु लँय्‌सं इमिगु सीम्‍ह अथें लानाच्‍वनी। मेकथं धायेगु खःसा थ्‍व शहर सदोम व मिश्र देश थें च्‍वंगु खः।