यशैया 1:1 - नेवाः बाइबल

¹ यहूदाया जुजुपिं उज्‍जियाह, योताम, आहाज व हिजकियां शासन यानाच्‍वंबलय् आमोजया काय् यशैयां यहूदा व यरूशलेमया बारे खंगु दर्शन।

यशैया 1:1 ပူးပေါင်းရင်းမြစ်များ

२ राजा 15:1

यारोबामं इस्राएलय् राज्‍य यानाच्‍वंगु निइन्‍हय्‌गूगु दँय् अमस्‍याहया काय् अजर्याह यहूदाया जुजु जुल।

२ राजा 15:13

यहूदाया जुजु उज्‍जियाहं राज्‍य यानाच्‍वंगु स्‍विगूंगु दँय् याबेशया काय् शल्‍लूम इस्राएलया जुजु जुल। वं सामरियाय् लच्‍छि राज्‍य यात।

२ राजा 15:32

इस्राएलया जुजु रमल्‍याहया काय् पेकहं राज्‍य यानाच्‍वंगु निगूगु दँय् उज्‍जियाहया काय् योताम यहूदाया जुजु जुल।

२ राजा 15:7

अजर्याह थः पुर्खात थें सीधुंकाः वयात इपिंनापं दाऊदया शहरय् थुन। वया थासय् वया काय् योताम जुजु जुल।

२ राजा 18:1

इस्राएलया जुजु एलाहया काय् होशियां राज्‍य यानाच्‍वंगु स्‍वंगूगु दँय् आहाजया काय् हिजकिया यहूदायाम्‍ह जुजु जुल।

२ राजा 19:2

वं दरबारया प्रशासक एल्‍याकीम, छ्यान्‍जे शेब्‍ना व मू मू पुजाहारीतय्‌त आमोजया काय् यशैया अगमवक्तायाथाय् छ्वल। उपिं सकसिनं भांग्रा हिनातःगु दु।

२ इतिहास 26:1

अले यहूदायापिं फुक्‍कं मनूतय्‌सं झिंखुदँ दुम्‍ह उज्‍जियाहयात वया अबु अमस्‍याहया थासय् जुजु दय्‌कल।

२ इतिहास 26:22

उज्‍जियाह जुजु जुयाच्‍वंबलय् जूगु फुक्‍क खँ, आमोजया काय् यशैया अगमवक्तां च्‍वःगु दु।

२ इतिहास 27:1

योताम निइन्‍यादँ दुबलय् जुजु जूगु खः, वं यरूशलेमय् झिंखुदँ राज्‍य यात। वया मांया नां यरूशा, सादोकया म्‍ह्याय् खः।

२ इतिहास 28:1

आहाज निइदँ दुबलय् जुजु जूगु खः। वं यरूशलेमय् झिंखुदँ राज्‍य यात। वया पुर्खा दाऊदं परमेश्‍वरया मिखाय् भिंगु ज्‍या याःगु खःसां आहाजं अथे मयाः।

२ इतिहास 29:33

मेलबलि बीत फ्‍यायातःपिं पशुत खुसःम्‍ह (६००) द्वहं व स्‍वद्वःम्‍ह (३,०००) फै व दुगु दु।

भजनसंग्रहया सफू 89:19

यक्‍व न्‍हापा छिं थः विश्‍वास यायेबहःपिं मनूतय्‌त दर्शन बियाः थथे धयादिल, “जिं छम्‍ह नांजाःम्‍ह सिपाइँयात ग्‍वाहालि यानागु दु, जिं मनूतय् दथुं ल्‍ययाम्‍ह छम्‍ह मनूयात राज्‍ययागु सिंहासन बियागु दु।

यशैया 13:1

आमोजया काय् यशैयां बेबिलोनया बारे दर्शनय् खंगु अगमवाणी थ्‍व हे खः–

यशैया 2:1

आमोजया काय् यशैयायात यहूदा व यरूशलेमया बारे परमेश्‍वरं ब्‍यूगु दर्शन थ्‍व हे खः–

यशैया 20:2

उगु हे दँय् परमप्रभुं आमोजया काय् यशैयालिसें न्‍ववानादिल। वय्‌कलं वयात थथे धयादिल, “हुँ, छंगु म्‍हय् च्‍वंगु भांग्रा त्‍वःति अले छंगु तुतिइ च्‍वंगु लाकां नं त्‍वः।” अले वं अथे हे यात, अले व पचिंनांगा व लाकां मदय्‌क हे न्‍यासि जुल।

यशैया 21:2

जिं तसकं ग्‍यानापुगु दर्शन खनागु दु तसकं धोखा बीम्‍हं धोखा बी, लुतय् याइम्‍हय्‌सिनं लुतय् याइ। अय् एलाम, हमला या, अय् मादी, शहरयात घेरा लगय् या! बेबिलोनं ब्‍यूगु दुःखकष्‍ट परमप्रभुं दिकादी।

यशैया 37:2

वं दरबारया प्रशासक एल्‍याकीम, छ्यान्‍जे शेब्‍ना व मू मू पुजाहारीतय्‌त आमोजया काय् यशैया अगमवक्तायाथाय् छ्वल। उपिं सकसिनं भांग्रा हिनातःगु दु।

यशैया 38:1

उबलय् हिजकिया जुजु उसाँय् मदयाः सी थें च्‍वन। आमोजया काय् अगमवक्ता यशैयां वयाथाय् वनाः धाल, “परमप्रभुं थथे धयादी – छेँय् फुक्‍क खँ मिलय् या, छाय्‌धाःसा छ सीत्‍यंगु दु। छंगु ल्‍वय् लनी मखुत।”

यशैया 40:9

हे भिंगु खँ हइम्‍ह सियोन, तज्‍जाःगु पर्वतय् थाहां हुँ, अले थ्‍व भिंगु खँ न्‍यंकि! हे भिंगु खँ हइम्‍ह यरूशलेम, ततःसलं हा, मग्‍यासें ततःसलं हा! अले यहूदाया शहरयात धा, “छिमि परमेश्‍वर झायाच्‍वंगु दु।”

यशैया 6:1

उज्‍जियाह जुजु सीगु दँय् जिं परमप्रभुयात तज्‍जाःगु व तःधंगु सिंहासनय् च्‍वनादीगु खना। वय्‌कःया भान्‍ता लंया बालां देगः दुने जाःगु दु।

यशैया 7:1

योतामया काय् अले उज्‍जियाहया छय् आहाज यहूदाय् जुजु जूबलय् छगू लडाइँ जुल। अले अरामया जुजु रसीन व इस्राएलया जुजु रमल्‍याहया काय् पेकहनापं मिलय् जुयाः यरूशलेमय् हमला यात, अय्‌नं इमिसं त्‍याके मफुत।

यर्मिया 23:16

दक्‍व शक्ति दुम्‍ह परमप्रभुं थथे धयादी, “अगमवाणी ल्‍हानाः छिपिंलिसें नवाइपिं अगमवक्तातय्‌गु खँ छिमिसं न्‍यने मते। इमिसं छिमित मखुगु आस क्‍यनी। इमिसं थःगु हे मनयागु दर्शन कनी, जि परमप्रभुपाखेंयागु मखु।

इजकिएल 1:1

स्‍विगूगु दँया प्‍यंगूगु लाया न्‍यान्‍हु दुखुन्‍हु जि यहूदां ज्‍वनाहःपिंनापं कबार खुसिया सिथय् दुबलय् स्‍वर्ग चाल अले जिं परमेश्‍वरया दर्शनत खना।

होशे 1:1

यहूदाया जुजुपिं उज्‍जियाह, योताम, आहाज व हिजकिया अले येहोआशया काय् इस्राएलया जुजु यारोबामं राज्‍य यानाच्‍वंबलय् परमप्रभुया वचन बेरीया काय् होशेयाथाय् वल।

आमोस 1:1

तकोय् च्‍वंपिं फैजवाःत मध्‍ये छम्‍ह आमोसया वचन। वं इस्राएलय् भुखाय् ब्‍वःगु निदँ न्‍ह्यः इस्राएलया बारे थ्‍व दर्शन खन। उबलय् उज्‍जियाह यहूदाया जुजु व येहोआशया काय् यारोबाम इस्राएलया जुजु खः।

आमोस 4:5

सोडा तःगु मरिं सुभाय्‌या बलि छा, थःयसें बलिया निंतिं धक्‍कु त्‍वःताः न्‍यासि हुँ­, उकिया निंतिं घमण्‍ड या, छाय्‌धाःसा अथे यायेगु छिमित यः,” परमप्रभु परमेश्‍वरं धयादी।

मीका 1:1

यहूदाया जुजुपिं योताम, आहाज व हिजकियां राज्‍य यानाच्‍वंबलय् मोरेशेत शहरय् च्‍वंम्‍ह मीकायाथाय् वःगु परमप्रभुया वचन, थ्‍व दर्शन वं सामरिया व यरूशलेमयागु बारे खंगु खः।

नहूम 1:1

निनवेया खँय् अगमवाणी। एल्‍कोशी नहूमं खंगु दर्शनया सफू।

हबकूक 2:2

अले परमप्रभुं जिगु लिसलय् धयादिल, “जिं धयागु खँ पौलय् बांलाक च्‍व, बुखँ हइपिन्‍सं थ्‍व खँ बांलाक ब्‍वने खनी।

गन्‍ती 12:6

वय्‌कलं धयादिल, “जिगु खँ न्‍यँ! “छिमिगु दथुइ सुं अगमवक्ता दुसा अले जिं थःत वयात दर्शनय् क्‍यनेगु जिं व नाप म्‍हगसय् खँ ल्‍हायेगु।

गन्‍ती 24:16

परमेश्‍वरं धाःगु वचन न्‍यने फुम्‍ह दक्‍व शक्ति दुम्‍ह परमेश्‍वरपाखें वःगु वचन न्‍यने फुम्‍ह। दक्‍वसिबय् बल्‍लाःम्‍हपाखें दर्शन काये फुम्‍ह अले मिखा चाय्‌काः बँय् भ्‍वपुइम्‍ह मनूया अगमवाणी।

गन्‍ती 24:4

परमेश्‍वरं धाःगु वचन न्‍यने फुम्‍ह दक्‍वसिबय् बल्‍लाःम्‍हपाखें दर्शन काये फुम्‍ह, अले मिखा चाय्‌काः बँय् भ्‍वपुइम्‍ह मनूया अगमवाणी।

मत्ती 17:9

पर्वतं क्‍वहां झाया च्‍वंबलय् वय्‌कलं इमित धयादिल – “मनूया काय् सिनाः म्‍वाना मवतले छिमिसं थ्‍व खँ सुयातं कने मते।”

प्रेरित 10:17

थथे पत्रुसं थःम्‍हं खंगु दर्शनयागु अर्थ छु जुइ धकाः मतिइ तया च्‍वंबलय् लाक्‍क हे कर्नेलियसं छ्वयाहःपिं मनूत सिमोनयागु छेँ लुइकाः लुखाय् दनाः

प्रेरित 26:19

“थथे जूगुलिं हे, जुजु अग्रिपास, जिं स्‍वर्गपाखेंयागु दर्शनय् खनागु खँ गथे मन्‍यनेगु?

२ कोरिन्‍थी 12:1

फुइँ यानाः भिं जुइ मखु धकाः सीक सीकं नं जिं फुइँ याये माल। प्रभुं जितः क्‍यनादीगु दर्शन जिं आः कने।

२ पत्रुस 1:21

अगमवक्तातय्‌सं धाःगु खँ मनूतय्‌सं यसें धाःगु मखु। इपिं परमेश्‍वरया मनूत खः। अय्‌जूगुलिं पवित्र आत्‍मां इमित धयादीगु खँ जक इमिसं धयावंगु खः।