होशे 9:9 - नेवाः बाइबल

⁹ गिबाया दिनय् थें इमिसं थःम्‍हं थःत तसकं स्‍यंकूगु दु। परमेश्‍वरं इमिगु अधर्मया ज्‍या लुमंकी, अले वय्‌कलं इमित पापया सजाँय बियादी।

होशे 9:9 ပူးပေါင်းရင်းမြစ်များ

प्रस्‍थान 32:7

अले परमप्रभुं मोशायात धयादिल, “याकनं क्‍वय् क्‍वहां हुँ छाय्‌धाःसा छं मिश्रं पित हःपिं मनूत स्‍यनावने धुंकल।

यशैया 24:5

परमेश्‍वरया नियम अले वय्‌कलं सदांया निंतिं चिनादीगु बाचा त्‍वथुलाः मनूतय्‌सं पृथ्‍वीयात अशुद्ध याःगु दु।

यशैया 31:6

हे इस्राएलीत, सुयागु विरोधय् छिमिसं तःधंगु विद्रोह याःगु दु, वय्‌कःपाखे लिहां वा।

यर्मिया 14:10

थ्‍व प्रजाया बारे परमप्रभुं थथे धयादी, “इमित ला चाचाःहिलाः जुइगु तसकं यः। इमिसं थःगु तुतियात पनी मखु। उकिं परमप्रभुं इमित नालादी मखु। आः वय्‌कलं इमिगु अधर्म लुमंकादी अले इमिगु पापया सजाँय इमित बियादी।”

इजकिएल 21:28

“अय् सीमानिम्‍ह मनू, छं अगमवाणी यानाः धा, ‘अम्‍मोनीत व इमिगु अपमानया बारे परमप्रभु परमेश्‍वरं थथे धयादी, “‘छपु तरवार, छपु तरवार, दापं स्‍याये पालेत लिकाःगु दु। हाबलासा थें प्‍वालाक्‍क च्‍यायेत व थीकातःगु दु।

होशे 10:9

परमप्रभुं धयादी, “अय् इस्राएल, गिबाय् पाप याःबलय् निसें छं आः तक नं जिगु विरोधय् पाप यायेगु मत्‍वःतूनी। दुष्‍ट ज्‍या याइपिनिगु विरोधय् लडाइँनं छु गिबाय् इमित नाप मलाइ ला?

होशे 4:9

पुजाहारीतय्‌सं नं मनूतय्‌सं थें सजाँय फयेमाली। जिं इमित सजाँय बी अले इमिसं थःम्‍हं याःगु मभिंगु ज्‍याया लिच्‍वः जिं इमित बी।

होशे 5:8

“गिबाय् तुरही व रामाय् नेकू पु। बेथ-आवनय् लडाइँया सः पिका। अय् बेन्‍यामीन, न्‍ह्यलुवाः जु।

होशे 7:2

तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

होशे 9:8

अगमवक्ता जिमि परमेश्‍वर नापनापं एफ्राइमयात नं स्‍वयेत तयातःम्‍ह खः, अथे जूसां वयागु दक्‍व लँय् जाः ग्‍वयाच्‍वन, अले व थःगु हे परमेश्‍वरया देगलय् शत्रु जुल।

सपन्‍याह 3:7

जिं मनय् तया, ‘धात्‍थें वं जिगु भय काइ, अले वं जिगु न्‍वाखँयात नाला काइ।’ अनंलि वयागु शरण कायेगु थाय् नाश जुइ मखु। न वयाके जिगु सजाँय वइ। तर फुक्‍क कथंया बांमलाःगु ज्‍या यायेत इपिं झन हथाय् चाल।”

न्‍यायकर्ता 19:12

तर वया मालिकं धाल, “मखु, इस्राएलीत मदुगु थ्‍व परदेशी थासय् झीपिं च्‍वने मज्‍यू। बरु झीपिं गिबाय् वनेनु।”

न्‍यायकर्ता 19:16

व सन्‍ध्‍याकाः इलय् गिबाय् च्‍वनीम्‍ह छम्‍ह बुराम्‍ह मनू बुँइ ज्‍या यानाः लिहां वयाच्‍वंगु जुल। व एफ्राइमया पहाडी देशयाम्‍ह तर गिबाय् च्‍वनीम्‍ह खः। (अन बेन्‍यामीनीत च्‍वनीगु खः)

न्‍यायकर्ता 19:22

इपिं न्‍ह्यइपुका च्‍वंबलय् हे आकाझाकां व शहरयापिं छुं मभिंपिं मनूत वयाः व छेँयात घेरय् यात। खापाय् घारा घारा यानाः इमिसं व छेँयाम्‍ह बुराम्‍ह थुवाःयात धाल, “छंगु छेँय् दुहां वःम्‍ह मनूयात पिका, जिमित वलिसें लसपस याये मास्‍ति वः।”

न्‍यायकर्ता 20:43

इमिसं बेन्‍यामीनीतय्‌त घेरय् यात। अले दि हे मद्युसे लिना हे च्‍वन, गिबाया पुर्बय् छगू थासय् इमित त्‍याकल।