होशे 9:2 - नेवाः बाइबल

² तर अन्‍नया खलां अले दाख तिसीगु थासं मनूतय्‌त नकीत्‍वंकी मखु, न्‍हूगु दाखमद्य इमिगु निंतिं गाइ मखु।

होशे 9:2 ပူးပေါင်းရင်းမြစ်များ

उत्‍पत्ति 50:10

यर्दन लिक्‍क च्‍वंगु आतादया छ्व पाइगु ख्‍यलय् थ्‍यंसेंलि इमिसं तसकं दुःख यानाः ख्‍वल। योसेफ अन थः बौया न्‍हय्‌न्‍हुया दुःखं च्‍वन।

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

होशे 2:12

जिं वयागु दाखमा व यःमरिया सिमात नाश यानाबी। थुकियागु खँय् वं धाइ, थुपिं जिमि प्रेमीपिन्‍सं ब्‍यूगु जिगु ज्‍याला खः। जिं उपिं मायात छगू गुँ यानाबी, व गुँपशुतय्‌सं उपिं नयाबी।

होशे 2:9

“अथे जुयाः जिं थःगु अन्‍न बाली लयेगु इलय् अन्‍न व दाख खायेगु इलय् सःगु दाख दाखमद्यया निंतिं काये, अले पुनेत जिं बियातयागु वसः लाकाकाये।

आमोस 5:11

छिमिसं मगाःमचाःपिन्‍त क्‍वत्‍यला च्‍वन, इमिगु अन्‍न लुतय् यानाच्‍वन। अथे जुयाः ल्‍वहंया ततःखाःगु छेँ छिमिसं दय्‌कूसां छिपिं उकी च्‍वने दइ मखु। छिमिसं लहलह वइगु दाखमा प्‍यूसां छिमिसं उकियागु दाखमद्य त्‍वने खनी मखु।

हाग्‍गै 1:9

“छिमिसं यक्‍व लयेगु आसा याइ, अय्‌नं कम जक सइ, छिमिसं छेँय् हःगु बाली नं जिं फसं पुइकाछ्वये। थथे छाय् जुल?” दक्‍व शक्ति दुम्‍ह परमप्रभुं धयादी। “जिगु देगः दुनाच्‍वन, छिपिं धाःसा थथःगु बांलाःगु छेँ दय्‌केगुलिइ जुयाच्‍वन।

हाग्‍गै 2:16

निइमुरिया अन्‍न आशा याःम्‍हसित झिगू मुरी जक दइगु। दाख तिसीगु थासय् नेय्‌गू लिटर दाखमद्य काः वःम्‍हसिनं निइगू लिटर जक काये खनीगु।