होशे 8:9 - नेवाः बाइबल

⁹ गुँगधा याकःचा थुखे उखे वना जूगु थें इपिं अश्‍शूरय् वन। एफ्राइमं ज्‍याला कयाः थः प्रेमीतनापं थःत मियाछ्वःगु दु।

होशे 8:9 ပူးပေါင်းရင်းမြစ်များ

२ राजा 15:19

अश्‍शूरयाम्‍ह जुजु तिग्‍लत-पिलेसेरं इस्राएलय् हमला यात। अले मनहेमं देशय् थःगु शक्ति बल्‍लाकेत वयागु ग्‍वाहालि कायेगु बिचाः यानाः वयात ३४,००० किलोग्राम वहः बिल।

यशैया 30:2

इमिसं जिगु सल्‍लाह मकासे मिश्रय् वनी, फारोया रक्षाया निंतिं ग्‍वाहालि फ्‍वनेत वनी। मिश्र देशय् शरण कायेत वनी।

यशैया 30:6

नेगेव देशया पशुतय्‌गु निंतिं अगमवाणी– सिंह व सिंहनी, नाग व तसकं बिष दुम्‍ह सर्प पिहां वइ, दुःख व कष्‍टं जाःगु देशपाखें जुयाः राजदूततय्‌सं थःगु सम्‍पत्ति गधाया म्‍हय् तयाः व थःपिनिगु धुकूया तसकं मू वंगु सामानत ऊँटया म्‍हय् ग्‍वारा छ्वांवःगुलिइ क्‍वखाय्‌काः व जातिया निंतिं यंकी। अथेसां इमित छुं नं फाइदा दइ मखु।

यर्मिया 2:24

छ मरुभूमिइ च्‍वनीम्‍ह ज्‍वःचिनीगु इलय् फसय् नँतुनाजुइम्‍ह मिसाम्‍ह गुँगधा थें खः। सुनां वयागु येचाःगु पने फइ? वयात यय्‌कीपिन्‍सं वयात माला जुइम्‍वाः, छाय्‌धाःसा व इमिथाय् ब्‍वाँय् वइ।

होशे 12:1

एफ्राइम छम्‍ह घाँय्‌या पलेसा फय् नइम्‍ह पशु थें खः। वं न्‍हिच्‍छिं हे मरुभूमिं वःगु फय्‌यात लित्तुलिनाच्‍वनी। वं छलकपट व ल्‍वायेलीगु अप्‍वय्‌की। वं अश्‍शूरनापं सन्‍धि याइ, अले मिश्र देशय् जैतूनया चिकं छ्वइ।

होशे 12:2

यहूदाया विरोधय् परमप्रभुयाके छगू द्वपं दु। अले याकूबयात वं याःगु व्‍यवहारया कारणं वय्‌कलं सजाँय बियादी, वं याःगु ज्‍याकथं वय्‌कलं वयात पलेसा बियादी।

होशे 2:10

वया प्रेमीतय्‌गु न्‍ह्यःने जिं लं त्‍वकाः पचिंनांगा यानाबी, सुनानं वयात जिगु शक्तिं बचय् याये फइ मखु।

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।

होशे 7:11

“एफ्राइम बुद्धि मदुम्‍ह छम्‍ह बखुं थें खः – अःपुक हे ध्‍वं लायेफुम्‍ह व मूर्ख। आः हे इमिसं मिश्रयाके ग्‍वाहालि फ्‍वनी, आः हे इपिं अश्‍शूरपाखें वनी।