होशे 8:7 - नेवाः बाइबल

⁷ “इमिसं फय् ह्वली अले ग्‍वःफय् मुंकी। दंचाय् छुं नं बाला सइ मखु, उकियागु बालिं छ्वचुं दइ मखु। छुं दत धाःसां विदेशीतय्‌सं व नयाबी।

होशे 8:7 ပူးပေါင်းရင်းမြစ်များ

उत्‍पत्ति 41:23

अले हानं सालुसे च्‍वंगु व पुर्बया फसं झ्‍वाः जूगु अन्‍नया न्‍हय्‌गुँइँ सल।

२ राजा 15:19

अश्‍शूरयाम्‍ह जुजु तिग्‍लत-पिलेसेरं इस्राएलय् हमला यात। अले मनहेमं देशय् थःगु शक्ति बल्‍लाकेत वयागु ग्‍वाहालि कायेगु बिचाः यानाः वयात ३४,००० किलोग्राम वहः बिल।

२ राजा 15:29

इस्राएलया जुजु पेकहया इलय् अश्‍शूरया जुजु तिग्‍लत-पिलेसेर वल। वं इयोन, हाबिल-बेथ-माका, यानोह, केदेश, हासोर, गिलाद, गालील व नप्‍तालीया फुक्‍क लागा त्‍याका काल। अले मनूतय्‌त ज्‍वनाः अश्‍शूर देशय् यंकल।

अय्‍यूब 4:8

जिं खनागु दु, अधर्म जोतय् याइपिन्‍सं अले विपत्ति ह्वलिपिन्‍सं व हे लइ।

हितोपदेश 22:8

सुनां मभिंगु पी, वं मभिंगु हे लइ, अले इमिगु अन्‍याय नं फुइ।

उपदेशक 5:16

थ्‍व नं छगू दुःखबलय् जूगु तसकं ग्‍यानापुगु खँ खः। मनू गथे वःगु खः अथे हे तुं लिहां वनेमानि। वयात छु फाइदा दइ धकाः? छाय्‌धाःसा वं दुःखसिया याःगु ज्‍या फुक्‍क फय् थें सितिं वनी।

यशैया 17:11

अले छं व प्‍यूगु दिनय् तःमा जुयाः मुखू स्‍वाँ नं ह्वय्‌की अय्‌नं ल्‍वय्‌यागु दिं व मलनीगु कष्‍टया दिनय् वयागु बाली नाश जुइ। छुं नं बाली दइ हे मखु। खालि ल्‍वय्‌या दिं व स्‍याःचा जक जुइ।

यशैया 55:2

गुगु नयेगु नसा हे मखु, उकिया निंतिं छाय् धिबा पुलेगु? अले गुकिं प्‍वाः जाइ मखु, उकिया निंतिं छाय् ज्‍या यायेगु? न्‍यँ, जिगु खँ बांलाक न्‍यँ! गुगु नये ज्‍यू व हे जक न, अले साःगु साःगु नयाः छं थःगु प्राणयात लुधंकी।

यशैया 66:15

स्‍व, परमप्रभु मिनापं झायादी, अले वय्‌कःया रथत ग्‍वःफय् थें खः। वय्‌कलं तच्‍वःगु तमं पलेसा कयादी, अले मिप्‍वालं सजाँय बियादी।

यर्मिया 12:13

इमिसं छ्व ह्वल, तर कं बुल। इमिसं दुःख सियाः ज्‍या यात, तर इमित छुं फाइदा मदु। जि तसकं तंम्‍वयागुलिं इमिगु बाली मदुगु जुयाः इपिं मछाले माल।”

विलाप 5:2

जिमिगु सर्बय परदेशीतय्‌गु ल्‍हातय् लाःगु दु। जिमिगु छेँ परदेशीतय्‌गु जूगु दु।

होशे 2:9

“अथे जुयाः जिं थःगु अन्‍न बाली लयेगु इलय् अन्‍न व दाख खायेगु इलय् सःगु दाख दाखमद्यया निंतिं काये, अले पुनेत जिं बियातयागु वसः लाकाकाये।

होशे 7:9

विदेशीतय्‌सं वयागु बल नाश यानाबी, अय्‌नं वं व खँ मस्‍यू। वयागु छेनय् गनं गनं तुयुगु सँ खनेदयावःगु दु अय्‌नं वं व खँ नं मस्‍यू।

होशे 9:16

एफ्राइमया मनूत हानापं गनावंगु व फल सइ मखुगु सिमा थें जूगु दु। इमिसं काय्‌म्‍ह्याय् बुइकुसां इमि यःपिं मस्‍तय्‌त जिं स्‍यानाबी।”

नहूम 1:3

परमप्रभु तं चाय्‌त लिबाकादीम्‍ह व तसकं शक्ति दुम्‍ह खः। दोषीतय्‌त परमप्रभुं सजाँय मब्‍यूसें त्‍वःती मखु। ग्‍वःफय् व वाफय् वय्‌कःया लँपु खः अले सुपाँय् धाःसा वय्‌कःया तुतिया धू खः।

हाग्‍गै 1:6

छिमिसं यक्‍व पी, कम जक लइ, नयेत ला नइ, लुधनी मखु, त्‍वनेत ला त्‍वनी, प्‍याःचाः लनी मखु, वसः ला पुनी तर लुमुइ मखु। कमय् याःगु धिबा नं ह्वगं म्‍हिचाय् तः थें जुइ।”

गलाती 6:7

धोखा नये मते, परमेश्‍वरयात गिजय् यायेगु जुइ मखु। मनूतय्‌सं छु पिना तल व हे सय्‌की।

गलाती 6:8

सुनानं थःत यःथें पापी ज्‍या याना जूसा वयात नरकय् छ्वइ। सुनां परमेश्‍वरयात यःथें याना जुइ वयात अनन्‍त जीवन दइ।

व्‍यवस्‍था 28:33

छिमिसं थाकुगु ज्‍या यानाः सयेकूगु अन्‍न बाली म्‍हमस्‍यूपिं मनूतय्‌सं लाकायंकी। छिमित धाःसा इमिसं न्‍ह्याबलें क्‍वत्‍यला हे तइ।