होशे 8:5 - नेवाः बाइबल

⁵ अय् सामरिया! छंगु द्वहंचाया मूर्ति वान्‍छ्‌वया ब्‍यु। जिगु तं इमिगु विरोधय् च्‍यानाच्‍वंगु दु। इपिं गुबलें शुद्ध जुइ मफुपिं जुयाच्‍वनी?

होशे 8:5 ပူးပေါင်းရင်းမြစ်များ

होशे 10:5

सामरियाय् च्‍वंपिं मनूतय्‌सं बेथ-आवनय् इमि द्वहंचाया मूर्तियात छु गथे जुइ धकाः धन्‍दा काइ। इपिं व मूर्तिया निंतिं दुखं च्‍वनी, अले मूर्तियात पुजा याइपिं पुजाहारीत नं, गुपिं महिमाया कारणं लय्‌लय् ताःगु खः, छाय्‌धाःसा व मूर्तियात देशं पिने यंकी।

यर्मिया 13:27

जिं छ व्‍यभिचारी जूगु व येचाःगु खनागु दु। ख्‍यलय् ख्‍यलय् व डाँडा डाँडाय् छं घचाइपुगु मूर्तित पुजा याना जूगु जिं खनागु दु। हे यरूशलेम छन्‍त धिक्‍कार! गुबलय् तक छ अशुद्ध जुयाच्‍वनेगु?”

हितोपदेश 1:22

हे बुद्धि मदुपिं मनूत! गुबलय् तक छिपिं बुद्धि मदय्‌क च्‍वंच्‍वनेगु, गुबलय् तक कर्पिन्‍त नागःतुगः यानाः न्‍ह्यइपुकाच्‍वनेगु छिपिं, गुबलय् तक छिपिं मूर्खतय्‌सं ज्ञानयात मयय्‌का च्‍वनेगु?

प्रेरित 7:41

अले इमिसं द्वहंचाया मूर्ति दय्‌काः व हे मूर्तियात बलि बियाः भ्‍वय् न्‍याय्‌कल। इपिं थःगु हे ल्‍हाःयागु ज्‍या खनाः लय्‌लय्‌ताल।

होशे 8:6

इपिं इस्राएलीत खः। थ्‍व द्वहंचा कारीगरतय्‌सं दय्‌कूगु खः। व ला परमेश्‍वर मखु। सामरियायाम्‍ह व द्वहंचायात कुचा कुचा याइगु जुइ।

यर्मिया 4:14

हे यरूशलेम, छ बचय् जुइत थःगु नुगलं मभिंगु खँ सिलाछ्व। गुबलय् तक मभिंगु बिचाः छंगु नुगलय् तया तयेगु?

यशैया 45:20

“छिपिं फुक्‍कं छथाय् मूंवा। छिपिं जात-जातियापिं शरण कायेत वःपिं, फुक्‍क जिगु न्‍ह्यःने वा। सिँया मूर्तित क्‍वबिया जुइपिं, अले बचय् याये मफुपिं द्यःतय्‌के प्रार्थना याइपिं छुं हे मस्‍यूपिं खः।

व्‍यवस्‍था 32:22

जिगु तं आः मि च्‍याःथें च्‍याये धुंकल। थुकिं पृथ्‍वीइ च्‍वंगु फुक्‍कं भस्‍म यानाबी। थ्‍व पातालय्‌ तक न्‍यनावनी, अले पहाडया हा तकं च्‍याकाबी।

भजनसंग्रहया सफू 19:13

चायेक चायेकं जुइगु पापपाखें नं जि दासयात तापाक तयादिसँ। थुमित जितः त्‍याके बियादी मते अले जि छुं दोष मदुम्‍ह जुइ। अले जि तःधंगु पापं मुक्त जुइ।

यर्मिया 48:13

गथे थःम्‍हं भलसा तःगु लुँयाम्‍ह द्वंहचाया मूर्तिपाखें बेथेलय् इस्राएल मछालेमाःगु खः, अथे हे मोआब नं वयागु मूर्ति कमोशपाखें मछालेमाली।

होशे 13:2

इमिसं धातुयागु मूर्तित दय्‌काः आः झन यक्‍व पाप याइ, अले इमिसं थःगु हे निंतिं शिल्‍पकारतय्‌सं दय्‌कूगु वहःयागु मूर्तित दय्‌कल। थुपिं मनूतय्‌गु खँय् थथे धयातःगु दु, “इमिसं मनू बलि छाइ, द्वहंया मूर्तियात चुप्‍पा नइ।”

आमोस 8:14

सामरियाया मूर्तितय्‌गु नामं पाफइपिं वा ‘दानया द्यःत व बेर्शेबाया द्यःतय्‌गु’ नामं पाफइपिं दक्‍वं क्‍वदली, अले हाकनं गुबलें दने फइ मखु।”

२ इतिहास 13:8

“आः छिमिसं परमप्रभुं दाऊदया सन्‍तानया ल्‍हातय् बियादीगु राज्‍यलिसें ल्‍वायेगु बिचाः यानाच्‍वंगु दु। छिमिके छगू तःधंगु सेना व यारोबामं छिमिगु निंतिं द्यः धकाः दय्‌काब्‍यूगु लुँयापिं द्वहंचात दु।

होशे 10:8

इस्राएलया पाप अर्थात दुष्‍टताया ततःजाःगु थाय् नाश जुइ। इमिगु वेदीइ कं व झाः बुया वइ। अले इमिसं पाहाडयात धाइ, “जिमित त्‍वपु।” अले डाँडायात धाइ, “जिमित ल्‍हाः वा।”

मीका 1:7

वयागु फुक्‍क मूर्तितय्‌त कुचा कुचा याइ। वयागु दक्‍व देगःया क्‍वस्‍यालित मिइ छ्वय्‌काछ्वइ। अले वयागु फुक्‍क मूर्तित जिं नाश यानाबी। उपिं क्‍वस्‍यालित वेश्‍याया ज्‍या यानाः वं मुंकूगु खः, अले उपिं वेश्‍याया ज्‍याला थें हाकनं छ्यली।”