होशे 8:4 - नेवाः बाइबल

⁴ इमिसं जितः न्‍यं हे मन्‍यंसे जुजुत ल्‍यल, इमिसं जितः न्‍यं हे मन्‍यंसे भारदारत ल्‍यल। इमिसं थःगु हे नाशया निंतिं थःगु लुँ व वहलं थःगु निंतिं मूर्ति दय्‌की।

होशे 8:4 ပူးပေါင်းရင်းမြစ်များ

१ राजा 12:28

अले सल्‍लाह बीपिनिगु सल्‍लाह कयाः जुजुं लुँयाम्‍ह निम्‍ह द्वहंचा दय्‌कल। वं मनूतय्‌त धाल, “छिमित यरूशलेमय् वनेत थाकुइ। हे इस्राएलीत, छिमित मिश्र देशं पित हयादीपिं छिमि द्यःत थुपिं हे खः!”

१ राजा 13:34

यारोबामया घरानाया थ्‍व हे पापं यानाः व पतन जुल अले पृथ्‍वीं व नाश जुल।

१ राजा 16:31

नबातया काय् यारोबामं याःगु पाप वयागु निंतिं कम खः। वं सीदोनीतय् जुजु एताबालया म्‍ह्याय् ईजेबेलयात ब्‍याहा यात अले बालद्यःयात पुजा यानाः अझ अप्‍वः पाप यात।

यर्मिया 16:20

छु मनूतय्‌सं थः द्यःत दय्‌के फइ ला? फइ, तर इपिं ला परमेश्‍वर मखु।”

इजकिएल 18:31

छिमिसं यानाच्‍वनागु फुक्‍क अपराध त्‍वःति, न्‍हूगु नुगः व न्‍हूगु आत्‍मा का, अय् इस्राएलया घराना, छिपिं छाय् सीगु?

दानिएल 3:1

नबूकदनेसर जुजुं स्‍विगू मिटर तःजाःगु व स्‍वँगू मिटर ब्‍या दुगु छगू लुँयागु मूर्ति दय्‌कल, अले वं वयात बेबिलोन प्रान्‍तया दूरा धाःगु मैदानय् पलिस्‍था यात।

होशे 13:1

एफ्राइम कुलं नवाइबलय् मनूत ग्‍यानाः थरथर खाइगु। इस्राएलय् एफ्राइम कुलयात तःधंकल, तर बालद्यःयात पुजा याःगुलिं इपिं दोषी जुल, अले इपिं सित।

होशे 13:11

जिं जिगु तमं छिमित छम्‍ह जुजु बिया, अले जिगु तःच्‍वगु तमं वयात लिकया।

होशे 13:2

इमिसं धातुयागु मूर्तित दय्‌काः आः झन यक्‍व पाप याइ, अले इमिसं थःगु हे निंतिं शिल्‍पकारतय्‌सं दय्‌कूगु वहःयागु मूर्तित दय्‌कल। थुपिं मनूतय्‌गु खँय् थथे धयातःगु दु, “इमिसं मनू बलि छाइ, द्वहंया मूर्तियात चुप्‍पा नइ।”

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

होशे 8:3

तर छु बांलाः व इस्राएलं इन्‍कार याःगु दु। छम्‍ह शत्रुं वयात लिनाछ्वइ।

मत्ती 25:12

“जिलाजंनं धाःसा ‘जिं छिमित म्‍हमस्‍यू’ धकाः लिसः बिल।

लूका 13:25

छेँ थुवालं खापा ति धुंकाः हानं चाय्‌काबी मखु। अले छिपिं पिने च्‍वनाः थथे धयाः खापा संका च्‍वनेमाली – ‘प्रभु, खापा चाय्‌कादिसँ।’ वय्‌कलं थथे लिसः बिया हइ – ‘छिपिं गनं वयापिं खः? जिं छिमित म्‍हमस्‍यू।’

लूका 13:27

छिमिसं वय्‌कःयात अथे धाःसां वय्‌कलं छिमित थथे धया हइ – ‘धात्‍थें हे छिपिं गनं वःपिं खः धकाः जिं मस्‍यू। अले गज्‍याःपिं खः धकाः नं जिं मस्‍यू। मभिंगु जक ज्‍या यानाजुइपिं, हालाच्‍वने मते, हुँ।’

यूहन्‍ना 10:14

“जि भिंम्‍ह फैजवाः खः। अथे जूगुलिं जिं जिम्‍ह फैचात फुक्‍कं म्‍हस्‍यू, अले फैतय्‌सं नं जितः म्‍हस्‍यू।

गलाती 4:9

आः छिमिसं परमेश्‍वरयात म्‍हसी धुंकल। वय्‌कलं नं छिमित म्‍हसीकादिल। आः हानं छिपिं गथे यानाः व हे ज्‍यालगय् मजूपिं व पुलांपिं द्यःतय्‌थाय् लिहां वनेफुगु? छु छिपिं हानं इमि दास जूवनेगु ला?