होशे 7:9 - नेवाः बाइबल

⁹ विदेशीतय्‌सं वयागु बल नाश यानाबी, अय्‌नं वं व खँ मस्‍यू। वयागु छेनय् गनं गनं तुयुगु सँ खनेदयावःगु दु अय्‌नं वं व खँ नं मस्‍यू।

होशे 7:9 ပူးပေါင်းရင်းမြစ်များ

२ राजा 13:22

यहोआहाजं राज्‍य यानाच्‍वंतले अरामया जुजु हजाएलं इस्राएलीतय्‌त क्‍वत्‍यलातल।

२ राजा 15:19

अश्‍शूरयाम्‍ह जुजु तिग्‍लत-पिलेसेरं इस्राएलय् हमला यात। अले मनहेमं देशय् थःगु शक्ति बल्‍लाकेत वयागु ग्‍वाहालि कायेगु बिचाः यानाः वयात ३४,००० किलोग्राम वहः बिल।

हितोपदेश 23:35

अले छं धाइ, “जितः इमिसं दाल, तर जिं मचाः। इमिसं जितः गुबलय् दाल धकाः नं जिं मचाः। जि गुबलय् न्‍ह्यलं चाइ, अले हाकनं त्‍वने फइ?”

यशैया 1:7

छिमिगु देय् झिजांमिजां जूगु दु। छिमिगु शहरत मिं च्‍याःगु दु। छिमिगु हे न्‍ह्यःने परदेशीतय्‌सं छिमिगु बुँ लाकाकयाः नाश यानाब्‍यूगु दु।

यशैया 48:8

थुपिं खँया बारे छं न न्‍यंगु दु, न छुं स्‍यू। न्‍हापांनिसें हे छंगु न्‍हाय्‌पं चाःगु मदु। छ गुलि धोखा बीम्‍ह खः धकाः जिं स्‍यू। छ बूसांनिसें हे जिराहा धकाः धयातःगु खः।

यशैया 57:1

धर्मी मनूत नाश जुयावनी अय्‌नं थ्‍व खँयात सुनानं वास्‍ता याइ मखु। भक्ततय्‌त ल्‍ह्वनाः यंकी, तर मभिंपाखें बचय् यायेत धर्मी मनूयात ल्‍ह्वनाः यंकूगु खँ सुनानं थुइ मखु।

होशे 4:6

जिमि प्रजा जिगु ज्ञान मदुगुलिं नाश जुल। “छिमिसं ज्ञानयात हेला याःगुलिं जिं नं छिमित थः पुजाहारीया ज्‍याय् तये मखु। छिमिसं थः परमेश्‍वरया ब्‍यवस्‍थायात त्‍वःतूगुलिं, जिं नं छिमि काय् म्‍ह्याय्‌पिन्‍त त्‍वःताबी।

होशे 8:7

“इमिसं फय् ह्वली अले ग्‍वःफय् मुंकी। दंचाय् छुं नं बाला सइ मखु, उकियागु बालिं छ्वचुं दइ मखु। छुं दत धाःसां विदेशीतय्‌सं व नयाबी।