होशे 7:8 - नेवाः बाइबल

⁸ “एफ्राइम यक्‍व जात जातितनापं ल्‍वाकःबुकः जुइ। एफ्राइम छखें जक बूगु मरि थें खः।

होशे 7:8 ပူးပေါင်းရင်းမြစ်များ

१ राजा 18:21

एलियां मनूतय् न्‍ह्यःने वनाः थथे धाल, “छिपिं गुबलय् तक दोमन जुयाच्‍वनेगु? परमप्रभु हे परमेश्‍वर खःसा वया ल्‍युने हुँ। बाल परमेश्‍वर खःसा वया ल्‍युने हुँ।” तर मनूतय्‌सं छुं मधाः।

एज्रा 9:1

थ्‍व फुक्‍क ज्‍या यायेधुंकाः नायःत जिथाय् वयाः धाल, “इस्राएलयापिं मनूत, पुजाहारीत व लेवीतय्‌सं नं थः जःलाखःला कनानी, हित्ती, परिज्‍जी, यबूसी, अम्‍मोनी, मोआबी, मिश्री व एमोरीतय्‌गु घच्‍चाइपुगु पुजायागु ज्‍यापाखें थःत अलग तःगु मदुनि।

एज्रा 9:12

उकिं छिमिसं थः म्‍ह्याय्‌पिन्‍त इमि काय्‌पिंलिसें व छिमि काय्‌पिन्‍त इमि म्‍ह्याय्‌पिंलिसें ब्‍याहा यानाबी मते। छिमिसं गुबलय् नं इपिं लिसे स्‍वापु तये मते, छिमिसं थ्‍व उजं पालन यात धाःसा छिपिं बल्‍लाइ अले छिमिसं थ्‍व देशयागु भिंगु भिंगु नसा नइ। अले थ्‍व देश छिमि सन्‍तानयागु अधिकारय् न्‍ह्याबलें दयाच्‍वनी।’

भजनसंग्रहया सफू 106:35

अय्‌नं इपिं उपिंनापं भेलय् पुनाजुल, इमिगु चलन स्‍यनाकाल।

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।

होशे 5:7

इपिं परमप्रभुनापं विश्‍वास यायेबहः मजुल। इमिसं मेमेपिंपाखें काय्‌म्‍ह्याय् बुइकल। अले अमइया नखः चखतं इपिं व इमिगु बुँनापं इमित नाश याइ।

होशे 7:9

विदेशीतय्‌सं वयागु बल नाश यानाबी, अय्‌नं वं व खँ मस्‍यू। वयागु छेनय् गनं गनं तुयुगु सँ खनेदयावःगु दु अय्‌नं वं व खँ नं मस्‍यू।

होशे 9:3

इपिं परमप्रभुया देशय् च्‍वनी मखु। एफ्राइम मिश्र देशय् लिहांवनी। अश्‍शूरय् अशुद्धगु नसा नइ।

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

मलाकी 2:11

यरूशलेमय् व इस्राएल देश न्‍यंकं यहूदायापिं मनूत विश्‍वासघाती जूगु दु अले घच्‍चाइपुगु ज्‍या याःगु दु। यहूदाया मिजंतय्‌सं परदेशी द्यःत पुजा याइपिं मिस्‍तलिसें ब्‍याहा यानाः परमप्रभुं माया यानादीगु पवित्र थाय्‌यात अपवित्र याःगु दु।

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।