होशे 7:3 - नेवाः बाइबल

³ “इमिसं थःगु दुष्‍ट ज्‍यां हे जुजुयात व थःगु मखुगु खं राजकुमारतय्‌त लय्‌ताय्‌की।

होशे 7:3 ပူးပေါင်းရင်းမြစ်များ

१ राजा 22:13

मीकायायात सःताहयेत वंम्‍ह दूतं वयात धाल, “स्‍वयादिसँ, फुक्‍क अगमवक्तातय्‌सं जुजु त्‍याइ धकाः अगमवाणी ल्‍हानाच्‍वंगु दु। छिं नं अथे हे धयादिसँ। बांलाःगु खँ धयादिसँ।”

१ राजा 22:6

उकिं इस्राएलयाम्‍ह जुजुं प्‍यसःम्‍ह (४००) अगमवक्तातय्‌त मुंकाः इमित न्‍यन, “जिं रामोत-गिलादय् हमला याये ला कि मयाये?” इमिसं लिसः बिल, “हमला यानादिसँ, छाय्‌धाःसा परमप्रभुं व छिगु ल्‍हातय् बियादी।”

यर्मिया 37:19

‘छितः व थ्‍व देशयात हमला यायेत बेबिलोनयाम्‍ह जुजु वइ मखु’ धकाः छितः अगमवाणी ल्‍हाःपिं छिकपिनि अगमवक्तात गन दु?

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

यर्मिया 9:2

जिके मरुभूमिइ लँजुवाःत च्‍वनीगु छगूथाय् दुगु जूसा, जि थः मनूतय्‌त त्‍वःताः तापाक च्‍वंवनेगु। छाय्‌धाःसा इपिं सकलें व्‍यभिचारी खः, विश्‍वासघातीतय्‌गु पुचः।

होशे 10:13

तर छिमिसं ला अधर्मया पुसात पित, अन्‍यायया फल मुंकल। छिमिसं छलया फल नःगु दु। छिमिसं थःगु हे शक्तिइ भलसा तल, थःगु यक्‍व सिपाइँतय्‌के भलसा तःगुलिं,

होशे 11:12

एफ्राइमं जितः मखुगु खं घेरय् याःगु दु, अले इस्राएलं जितः ध्‍वंलानाः घेरय् याःगु दु। तर यहूदां आः नं परमेश्‍वरया आज्ञा मानय् मयाः, आः नं पवित्र परमेश्‍वर प्रति इमान्‍दार मजू।

होशे 4:2

थन सराः बीगु, मखुगु खँ ल्‍हायेगु, मनूया ज्‍यान कायेगु, खुयाकायेगु, व्‍यभिचार यायेगु ज्‍या जक जुइ। छिमिगु मभिंगु ज्‍या झन अप्‍वया वनी, छगूया ल्‍यू मेगु स्‍यायेगु ज्‍या जुया हे च्‍वनी।

होशे 5:11

एफ्राइमयात क्‍वत्‍यलातःगु दु। न्‍यायलय् वयात न्‍हूत्तुमतु न्‍हूगु दु। व मूर्तिया ल्‍यू वनेत स्‍वःगु दु।

होशे 7:5

झी जुजुया नखःया दिनय् राजकुमारत दाखमद्यं तसकं काय्‌काच्‍वनी। थःत गिजय् याइपिंनापं ल्‍हाः मिलय् याइ।

मीका 6:16

छिपिं ओम्रीया विधित व आहाबया घरानायागु दक्‍व खँ पालन यानाः इमिगु थितिकुथिया ल्‍यूल्‍यू जुयाच्‍वंगुलिं जिं छिमित नाश यानाबी। छिमि मनूत दक्‍वसिनं हेपय् याकाः च्‍वनाच्‍वने माली। अले जाति जातियापिं मनूतय्‌सं नं छिमित हेस्‍यानाच्‍वनी।”

मीका 7:3

सकलें मभिं ज्‍या याये सः, शासकत व न्‍यायाधीशतय्‌सं घुस फ्‍वनीगु, शक्ति दुपिन्‍सं इमित छु यः व हे आज्ञा बियाच्‍वनी। थुकथं इपिं सकलें मिलय् जुयाः मखुगु ज्‍या यायेत ग्‍वसाः ग्‍वइ।

रोमी 1:32

थज्‍याःगु ज्‍याखँ यानाजुइपिं मनूतय्‌त परमेश्‍वरं नरकय् छ्वयादी धकाः वय्‌कःयागु आज्ञा सीक सीकं हे इमिसं थज्‍याःगु ज्‍याखँ जक याना जूगु मखु, थथे मभिंगु ज्‍याखँ यानाजुइपिंनापं छगू हे मन जुयाजुल।

१ यूहन्‍ना 4:5

इमिसं ला थ्‍व संसारय् च्‍वंगु खँ जक स्‍यने फु। अले संसारयापिं मनूतय्‌सं इमिसं धाःगु खँ मानय् नं जुइ। अथे जूगुलिं इपिं फुक्‍कं थ्‍व हे संसारयापिं मनूत खः।