होशे 7:2 - नेवाः बाइबल

² तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

होशे 7:2 ပူးပေါင်းရင်းမြစ်များ

अय्‍यूब 34:21

“वय्‌कलं मनूतय्‌गु पहःचहः स्‍वयाच्‍वनादी, अले इमिगु फुक्‍क पलाखय् वय्‌कलं थःगु मिखा ब्‍वयाच्‍वनादी।

भजनसंग्रहया सफू 10:11

इमिसं मतिइ तइ, “परमेश्‍वरं थुकिया च्‍यूताः तइ मखु। वय्‌कलं थःगु ख्‍वाः फहिकादीगु दु, अले छुनं खनी मखु।”

भजनसंग्रहया सफू 25:7

जिं ल्‍याय्‌म्‍हबलय् यानागु पापयात ल्‍वःमंकादिसँ। जितः लुमंकादिसँ, अले छि धात्‍थें गुलि दया माया दुम्‍ह खः धकाः क्‍यनादिसँ।

भजनसंग्रहया सफू 50:22

हे परमेश्‍वरयात ल्‍वमंकीपिं न्‍यँ, छिमिसं जितः वास्‍ता मयाः। जिं छिमित कुचा कुचा थलाः बी। छिमित बचय् याइपिं सुं हे दइ मखु।

भजनसंग्रहया सफू 9:16

परमप्रभुयात वय्‌कःया न्‍यायया हुनिं म्‍हसीकी। दुष्‍टत धाःसा थःगु हे जालय् तक्‍यनाच्‍वनी। हिग्‍गायेन सेला

भजनसंग्रहया सफू 90:8

छिं जिमिगु पाप थःगु न्‍ह्यःने तयादी, जिमिगु सुलाच्‍वंगु पापयात थःम्‍हं खनीगु थासय् तयादी।

यशैया 1:3

द्वहंनं थः मालिकयात म्‍हस्‍यू, अले गधानं थः थुवालं नकिगु थल म्‍हस्‍यू, अय्‌नं इस्राएलं जितः म्‍हमस्‍यू। जि थः हे मनूतय्‌सं छुं हे मथू।”

यशैया 26:16

परमप्रभु, छिं थः प्रजायात सजाँय बियादीगु दु। अले मनय् दुःखकष्‍ट जुयाः इमिसं छितः बिन्‍ति यात।

यशैया 44:19

सुनां मूर्ति दय्‌की वं थथे गुबलें बिचाः याइ मखु छाय्‌धाःसा वयाके छुं ज्ञां व दुग्‍यां हे दइ मखु। “जिं बच्‍छि सिँ छ्वय्‌का, उकिया ह्यंग्‍वालय् मरि व ला छुनाः नया। छु उकिया ल्‍यं दुगु ब्‍वं घच्‍चाइपुगु खँत दय्‌कीगु ला? छु जिं सिँगःयात क्‍वछुनाः भागि यायेगु ला?”

यशैया 5:12

इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

यर्मिया 14:10

थ्‍व प्रजाया बारे परमप्रभुं थथे धयादी, “इमित ला चाचाःहिलाः जुइगु तसकं यः। इमिसं थःगु तुतियात पनी मखु। उकिं परमप्रभुं इमित नालादी मखु। आः वय्‌कलं इमिगु अधर्म लुमंकादी अले इमिगु पापया सजाँय इमित बियादी।”

यर्मिया 16:17

इमिगु फुक्‍क ज्‍या जिं खं। छुं नं ज्‍या जिपाखें सुलाच्‍वंगु मदु। इमिसं याःगु पाप जिं खं।

यर्मिया 17:1

“यहूदाया पाप नँयागु ज्‍याभलं कियातःगु दु। अले इमिगु नुगःया ग्‍वरलय् व इमिगु वेदीया नेकुलिइ च्‍वल्‍वहंया च्‍वकां कियातःगु दु।

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 32:19

छिगु बिचाः तःधं अले छिगु ज्‍याखँय् शक्ति दु, मनूतय्‌गु फुक्‍क पहःचहः छिं खं। छम्‍ह छम्‍ह मनूयात वयागु पहःचहः व ज्‍याकथं फल बियादी।

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

यर्मिया 44:21

“छिमिसं, छिमि पुर्खात, छिमि जुजुपिं व हाकिमत व देशयापिं मनूतय्‌सं यहूदाया शहर शहरय् व यरूशलेमया गल्‍लि गल्‍लिइ च्‍याकूगु धुपाँय्‌या बारे छु परमप्रभुयात लुमंसे मवः ला? छु! वय्‌कलं बिचाः याना मदिल ला?

इजकिएल 21:29

छंगु बारे मखुगु दर्शन खंसां तबि, छंगु लागि मखुगु ज्‍वखना स्‍वःसां तबि उपिं स्‍याये हे माःपिं दुष्‍टत, गुपिनिगु दिं वये धुंकल, गुपिनिगु लिपांगु सजाँयया ई वये धुंकल, इमिगु ककुइ पालेत व तरवारयात छ्यलीगु जुइ।

होशे 12:2

यहूदाया विरोधय् परमप्रभुयाके छगू द्वपं दु। अले याकूबयात वं याःगु व्‍यवहारया कारणं वय्‌कलं सजाँय बियादी, वं याःगु ज्‍याकथं वय्‌कलं वयात पलेसा बियादी।

होशे 4:9

पुजाहारीतय्‌सं नं मनूतय्‌सं थें सजाँय फयेमाली। जिं इमित सजाँय बी अले इमिसं थःम्‍हं याःगु मभिंगु ज्‍याया लिच्‍वः जिं इमित बी।

होशे 6:2

निन्‍हु लिपा वय्‌कलं झीत हाकनं म्‍वाकादी। झीपिं वय्‌कःया न्‍ह्यःने हे म्‍वानाच्‍वनेमा धकाः स्‍वन्‍हु दुखुन्‍हु वय्‌कलं झीत हाकनं थनादी।

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

होशे 9:15

“इमिसं गिलगालय् याःगु दक्‍व बांमलाःगु दुष्‍ट ज्‍याया कारणं जिं इमित घृणा याना। इमिगु मभिंगु ज्‍याया कारणं जिं इमित जिगु देगलं पितिनाछ्वये। आः जिं आवंलि इमित माया याये मखुत। इमि दक्‍व न्‍ह्यलुवाःत विरोधी जूगु खः।

होशे 9:9

गिबाया दिनय् थें इमिसं थःम्‍हं थःत तसकं स्‍यंकूगु दु। परमेश्‍वरं इमिगु अधर्मया ज्‍या लुमंकी, अले वय्‌कलं इमित पापया सजाँय बियादी।

आमोस 8:7

याकूबया गर्व, परमप्रभुं थःगु नामं थथे धयाः पाफयादीगु दु, जिं इमिसं याःगु छुं ज्‍यायात नं ल्‍वःमंके मखु।

योना 1:2

“तःधंगु शहर निनवेयापिं मनूतय्‌सं यानाच्‍वंगु मभिंगु ज्‍याखँ जिं स्‍यू। अथे जुयाः याकनं छ अन वनाः इमित उकिया लागि छिमित परमेश्‍वरं सजाँय बियादी धकाः धाः हुँ।”

गन्‍ती 32:23

“छिमिसं थःपिन्‍सं धाःथें मयात धाःसा छिमिसं परमप्रभुया न्‍ह्यःने पाप याःगु जुइ। अले छिमिगु पाप छिमित लाइ।

लूका 12:2

त्‍वपुयातःगु खने दइतिनि। सुचुकातःगु सी दइतिनि।

१ कोरिन्‍थी 4:5

उकिं ई स्‍वयाः न्‍हापा छुं खँय् न्‍याय यायेगु याये मते। तर प्रभु झाया मदितले पियाच्‍वँ। छाय्‌धाःसा वय्‌कलं मनूतय्‌गु नुगलय् च्‍वंगु गुप्‍ति ज्‍याखँ, अले हानं सुनानं मसीक याःपिनिगु ज्‍याखँ नं उलादी। थथे जुइ धुंकाः स्‍याबास बी माःपिं मनूतय्‌त परमेश्‍वरं हे स्‍याबास बियादी।

व्‍यवस्‍था 32:29

इपिं बुद्धि दुपिं जूगु जूसा थ्‍व खँ थुइके फइगु खः। थःपिन्‍त छु जुइ धकाः इमिसं सीकेफइगु खः।

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।