होशे 6:3 - नेवाः बाइबल

³ वा! झीसं परमप्रभुयात म्‍हसिकेनु, झीसं वय्‌कःयात मानय् यायेत कुतः यानाच्‍वनेनु। वय्‌कः झाइगु सूर्य लुया वइगु थें हे पक्‍का खः। वय्‌कः झीथाय् वा वःगु थें, बुँयात प्‍याकीगु वा थें झायादी।”

होशे 6:3 ပူးပေါင်းရင်းမြစ်များ

२ शमूएल 23:4

व सुपाँय् मदुबलय्‌या सुथसियागु निभाजः थें खः। व वा वये धुंकाः जमिनं घाँय् बुइकीगु जः थें खः।”

अय्‍यूब 29:23

मनूतय्‌सं वा वइगु पियाच्‍वं थें जितः नं पियाच्‍वनीगु। बसन्‍तया इलय् वइगु वा थें इमिसं जिगु वचनयात त्‍वनीगु।

भजनसंग्रहया सफू 19:4

इमिगु सुचं संसार न्‍यंक न्‍यनाच्‍वंगु दु, अले संसारया कुंकुलामय् थ्‍यंक ताये दयाच्‍वंगु दु। परमेश्‍वरं सूर्यया लागि आकाशय् च्‍वनेत थाय् दय्‌कादीगु दु।

भजनसंग्रहया सफू 19:6

व आकाशया छगू कुनं पिहां वयाः मेगु कुनय् तक थ्‍यनी, वयागु क्‍वाःजलं छुं नं सुलाच्‍वनेफइ मखु।

भजनसंग्रहया सफू 63:8

जिगु आत्‍मा छिलिसे प्‍यपुनाच्‍वंगु दु। छिगु जव ल्‍हातिं जितः तिबः बियाच्‍वंगु दु।

भजनसंग्रहया सफू 65:9

छिं पृथ्‍वीयागु च्‍यूताः कयादी, अले उकियात लः बियाः सय्‌कीगु यानादी। बुँइ अन्‍न सय्‌केत परमेश्‍वरया खुसि लखं जाः। छिं थथे थुकथं यानादी –

भजनसंग्रहया सफू 72:6

घाँय् लयातःगु ख्‍यलय् वा वये थें जुजुं राज्‍य यायेमा, झ्‍वार्र वा वयाः बँयात प्‍याकू थें जुजुं राज्‍य यायेमा।

हितोपदेश 4:18

धर्मीतय्‌गु लँ सुथसिया निभाः थें खः, बान्‍हि मजुतले व थिनावं वइ।

यशैया 2:3

अले यक्‍व मनूत वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

यशैया 32:15

च्‍वय्‌नं आत्‍मा झीके प्‍वंकामहतले अले मरुभूमि बांलाक अन्‍न सइगु बुँ व बांलाक अन्‍न सइगु बुँत गुँ मजुतले अथे जुइ।

यशैया 44:3

छाय्‌धाःसा जिं गंगु बँय् लः प्‍वंकाबी, व सुख्‍खा बुँइ खुसिचात न्‍ह्याकाबी। जिं छिमि सन्‍तानयाके जिगु आत्‍मा प्‍वंकाबी, अले जिं छिमि सन्‍तानतय्‌त आशिष बी।

यशैया 5:6

जिं व क्‍यबयात ज्‍याख्‍यलय् मदुगु यानाबी, उकियात न कचा न्‍हाय् न बुँ पाले, तर झाः व कँ बुया वइ। अन वा मवयेमा धकाः सुपाँय्‌यात नं उजं बी।”

यशैया 54:13

छिमि सकलें काय्‌पिन्‍त परमप्रभुं हे स्‍यनेगु याइ, अले छिमि काय् म्‍ह्याय्‌पिन्‍त सुख शान्‍ति दइ।

यर्मिया 24:7

जि हे परमप्रभु खः धकाः म्‍हसीगु नुगः जिं इमित बी। अले इपिं जि प्रजा जुइ। जि इमि परमेश्‍वर जुये, छाय्‌धाःसा इपिं दुनुगलंनिसें जिथाय् लिहां वइ।

इजकिएल 36:25

जिं छिमिके शुद्ध लः छ्वाके, अले छिपिं शुद्ध जुइ। छिमिगु फुक्‍क अशुद्धतापाखें अले छिमिगु फुक्‍क मूर्तितपाखें जिं छिमित शुद्ध यानाबी।

होशे 10:12

थःगु निंतिं धार्मिकताया पुसात प्‍यु, न्‍ह्याबलें दयाच्‍वनीगु दयामायाया फल मुंकी। छिमिसं बाझः तयातःगु छाःगु बुँ पा, छाय्‌धाःसा परमप्रभुयात मालेगु ई थ्‍व हे खः, गुकिं यानाः वय्‌कः झायाः छिमित धार्मिकताया आशिष प्‍वंकादीमा।

होशे 14:5

जि इस्राएलया निंतिं सुतिलः थें जुये। व लिली स्‍वां थें ह्वइ, अले लेबनानया देवदार सिमात थें वं हा काइ,

होशे 14:6

उकिया नकतिनि ह्वःगु मुखू थाहां वइ। उकिया गौरव जैतूनया सिमा थें जुइ, अले व लेबनानया देवदारुया सिमा थें बास्‍ना वइ।

होशे 2:20

जिं छन्‍त जिगु विश्‍वास बहःगुलीं थः कलाः यानातये, अले छं जितः परमप्रभु धकाः म्‍हसी।”

मीका 4:2

अले यक्‍व जातित वयाः थथे धाइ, “वा, झीपिं परमप्रभुया पर्वत, याकूबया परमेश्‍वरयागु देगलय् वनेनु। अनंलि वय्‌कलं हे झीपिं वय्‌कःयागु लँपुइ वने फयेमा धकाः झीत थःगु लँपु स्‍यनादी।” अले व्‍यवस्‍था सियोनं व परमप्रभुया वचन यरूशलेमं पिहां वइ।

मीका 5:2

“तर, हे बेथलेहेम एप्राता, छ यहूदाया कुलत मध्‍ये दकलय् चिधंगु जूसां जिगु लागिं छंकेनं छम्‍ह मिजं पिहां वइ गुम्‍हय्‌सिनं इस्राएलयात शासन याइ, गुम्‍हय्‌सिगु शुरु पुलांगु इलंनिसें हे, अर्थात दकलय् न्‍हापाया इलंनिसें हे दु।”

मीका 5:7

यक्‍व मनूतय्‌गु दथुइ याकूबया ल्‍यंदुपिं परमप्रभुं छ्वयाहयादीगु सुतिलः व घाँसय् द्यःने लाःगु लः थें जुइ। इमिसं सुयात नं पियाच्‍वनी मखु, वा न मनूतय्‌के भलसा तइ।

जकरिया 10:1

बसन्‍त ऋतुया इलय् परमप्रभुयाके वा वय्‌का ब्‍यू धकाः फ्‍वँ। छाय्‌धाःसा वा वय्‌कीगु सुपाँय् दय्‌कादीम्‍ह परमप्रभु हे खः। वय्‌कलं मनूतय्‌गु निंतिं वा वय्‌कादी। अले फुक्‍कसिगु क्‍यबय् बुँ ह्वइ।

मलाकी 4:2

“अथे जूसां छिपिं जिगु ग्‍याःभय काइपिन्‍त धाःसा धार्मिकताया शक्ति निभाः लूगु थें वइ। अले वयागु किरणं छिमिगु ल्‍वय् लनी। छिपिं सागलं पिहांवःपिं साचात थें लय्‌तायाः तिंतिंन्‍हुया जुइ।

मत्ती 13:11

वय्‌कलं धयादिल – “स्‍वर्गयागु राज्‍ययागु गुप्‍ति खँ छिमित जक सीके ब्‍यूगु दु। इमित सीके मब्‍यू।

लूका 1:78

झी परमेश्‍वर तसकं भिंम्‍ह व दया माया दुम्‍ह खः। अय्‌जूगुलिं वय्‌कलं तसकं थीगु मुक्तियागु निभाः जः झीत खय्‌कादी।

यूहन्‍ना 17:3

छि छम्‍ह हे जक सत्‍य परमेश्‍वरयात व छिं छ्वयाहयादीम्‍ह येशू ख्रीष्‍टयात म्‍हसीकेगु हे अनन्‍त जीवन खः।

यूहन्‍ना 7:17

सुनानं परमेश्‍वरयागु इच्‍छा पालन यायेगु मतिइ तःसा व मनुखं जिं स्‍यनाच्‍वनागु खँ परमेश्‍वरयागु खः ला कि जिगु थःगु हे खँ खः धकाः सीके फइ।

प्रेरित 17:11

अन च्‍वंपिं मनूत थेसलोनिकेय् च्‍वंपिं मनूत स्‍वयाः गुलिखय् भिं। इमिसं परमेश्‍वरयागु वचन यइपुक न्‍यन। पावलं धाःगु खँ पाय्‌छि जू ला कि मजू धकाः इमिसं न्‍हिथं धर्मशास्‍त्र पुइकाः स्‍वयेगु यात।

व्‍यवस्‍था 32:2

जिं स्‍यनेकने यायेगु खँ वा वः थें कुहां वइ अले वाउँगु घाँसय् च्‍वंगु सुतिलः थें च्‍वनी, वाउँगु घाँसय् फुति फुति वःगु वा थें, क्‍यातूगु माचाय् झ्‍वार्र वःगु वा थें।

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

प्रकाश 22:16

“मण्‍डलीतय्‌त थ्‍व खँ धाय्‌केत जि येशूं छन्‍थाय् जिम्‍ह स्‍वर्गदूत छ्वयाहयागु खः। जि दाऊदया कुल व सन्‍तान खः। सुथय् थीगु नगु नं जि हे खः।”