होशे 5:8 - नेवाः बाइबल

⁸ “गिबाय् तुरही व रामाय् नेकू पु। बेथ-आवनय् लडाइँया सः पिका। अय् बेन्‍यामीन, न्‍ह्यलुवाः जु।

होशे 5:8 ပူးပေါင်းရင်းမြစ်များ

२ शमूएल 21:6

व हे मनूया घरानाया न्‍हय्‌म्‍ह मनूत जिमित ब्‍यु। अले परमप्रभुं ल्‍ययातःम्‍ह जुजु शाऊलया गिबाय् परमप्रभुयागु हे न्‍ह्यःने जिमिसं इमित स्‍यानाः निभालय् व फसय् तयाबी।” अनंलि जुजुं लिसः बिल, “जिं छिमित इपिं बी।”

१ राजा 12:29

वं छम्‍ह द्वहंचा बेथेलय् व मेम्‍ह दानय् थापं यात।

यशैया 10:29

इपिं घाटी जुयाः वन, अले थथे धाइ, “झीपिं गेबाय् बाय् च्‍वने।” रामाय् च्‍वंपिं थुरथुर खाइ। अले शाऊलया शहर गिबाय् च्‍वंपिं फुक्‍क मनूत थथःगु छेँय् बिस्‍युं वनी।

यर्मिया 4:5

“यहूदाय् थ्‍व न्‍यंकि, यरूशलेमय् थ्‍व च्‍वय्‌कि, ‘देशन्‍यंक तुरही पु!’ तःसलं हालाः धा, ‘छथाय् मुं! झीपिं छचाःखेरं पःखाः ग्‍वयातःगु शहरय् बिस्‍युं वनेनु।’

यर्मिया 6:1

“हे बेन्‍यामीन कुलयापिं मनूत, बचय् जुइत बिस्‍युं हुँ! यरूशलेम शहरं बिस्‍युं हुँ! तको शहरय् तुरही पु! बेथहक्‍केरेमय् झण्‍डा धस्‍वाकि! छाय्‌धाःसा उत्तरपाखें विपत्ति व छगू तःधंगु नाश वयाच्‍वंगु दु।

होशे 10:5

सामरियाय् च्‍वंपिं मनूतय्‌सं बेथ-आवनय् इमि द्वहंचाया मूर्तियात छु गथे जुइ धकाः धन्‍दा काइ। इपिं व मूर्तिया निंतिं दुखं च्‍वनी, अले मूर्तियात पुजा याइपिं पुजाहारीत नं, गुपिं महिमाया कारणं लय्‌लय् ताःगु खः, छाय्‌धाःसा व मूर्तियात देशं पिने यंकी।

होशे 4:15

“अय् इस्राएल, छं व्‍यभिचार याःसां नं यहूदा दोषी मजुइमा।” “छिपिं गिलगालय् वने मते बेथ-आवनय् नं वने मते, अले म्‍वानाच्‍वंम्‍ह परमप्रभुयात साक्षी तयाः पाफये मते।

होशे 8:1

“तुरही पु! छम्‍ह इमा परमप्रभुया देगलय् च्‍वय् ब्‍वयाच्‍वंगु दु, छाय्‌धाःसा मनूतय्‌सं जिगु बाचा त्‍वथूगु दु, अले जिगु व्‍यवस्‍थाया विरोधय् विद्रोही जूगु दु।

होशे 9:9

गिबाया दिनय् थें इमिसं थःम्‍हं थःत तसकं स्‍यंकूगु दु। परमेश्‍वरं इमिगु अधर्मया ज्‍या लुमंकी, अले वय्‌कलं इमित पापया सजाँय बियादी।

योएल 2:1

सियोनय् तुरही पु! जिगु पवित्र पर्वतय् ख्‍याच्‍वःया सः न्‍यंकि! देशय् च्‍वंपिं सकल मनूत थरथर खायेमा, छाय्‌धाःसा परमप्रभुया दिं वयाच्‍वंगु दु, व लिक्‍क वयाच्‍वंगु दु।

योएल 2:15

सियोनय् तुरही पु! पवित्र अपसंया दिं घोषणा या, पवित्र मुँज्‍या सःति!

आमोस 3:6

गुगुं शहरय् लडाइँया तुरही पुइबलय् मनूत मग्‍याइ ला? परमप्रभुं मछ्वतले छु गुगुं शहरय् विपत्ति वइ ला?

यहोशू 7:2

यहोशूं बेथेलया पुर्बपाखे व बेथ-आवनया न्‍ह्यःने लाःगु ऐ शहरय् यरीहों थथे धयाः मनूत छ्वल, “अन वनाः उकियागु चिवा का।” उपिं मनूत वन अले ऐ शहरयागु चिवा काल।

न्‍यायकर्ता 5:14

इपिं एफ्राइमं बेसी तक वल, बेन्‍यामीन कुलयापिं ल्‍यूल्‍यू वल। माकीरं कप्‍तानत कुहां वल, जबूलून कुलं सेनाया कप्‍तानया कथि ज्‍वनाः मनूत वल।

१ शमूएल 15:34

अनं लिपा शमूएल रामाय् वन, तर शाऊल थःगु छेँय् गिबाय् वन।

१ शमूएल 7:17

तर व न्‍ह्याबलें रामाय् हे लिहां वइगु खः। छाय्‌धाःसा वयागु छेँ अन हे खः अले अनं नं वं इस्राएलीतय्‌गु न्‍याय याइगु खः। वं अन परमप्रभुया निंतिं छगू वेदी दय्‌कल।

१ शमूएल 8:4

अथे जुयाः इस्राएलया सकलें थकालित मुनाः रामाय् शमूएलयाथाय् वल।