होशे 5:7 - नेवाः बाइबल

⁷ इपिं परमप्रभुनापं विश्‍वास यायेबहः मजुल। इमिसं मेमेपिंपाखें काय्‌म्‍ह्याय् बुइकल। अले अमइया नखः चखतं इपिं व इमिगु बुँनापं इमित नाश याइ।

होशे 5:7 ပူးပေါင်းရင်းမြစ်များ

भजनसंग्रहया सफू 144:11

जितः बचय् यानादिसँ अले परदेशीतय्‌गु ल्‍हातं त्‍वःतकादिसँ। इपिं मखुगु खँ ल्‍हाइपिं खः, इमिसं खःगु खँ ल्‍हाये धकाः पाफयाः नं मखुगु खँ ल्‍हाइ।

भजनसंग्रहया सफू 144:7

स्‍वर्गं कुहां झासँ, तःजाःगु समुद्रं सालाः जितः थकयादिसँ अले बचय् यानादिसँ। परदेशीतय्‌गु ल्‍हातं जितः त्‍वःतकादिसँ।

यशैया 1:14

छिमिगु अमाइया दिं व क्‍वःछिनातःगु नखःचखःयात जिगु नुगलं तसकं हेला याये। उपिं फुक्‍क जिगु निंतिं क्‍वबी मफुगु कु जूगु दु।

यशैया 48:8

थुपिं खँया बारे छं न न्‍यंगु दु, न छुं स्‍यू। न्‍हापांनिसें हे छंगु न्‍हाय्‌पं चाःगु मदु। छ गुलि धोखा बीम्‍ह खः धकाः जिं स्‍यू। छ बूसांनिसें हे जिराहा धकाः धयातःगु खः।

यशैया 59:13

परमप्रभुया विरोधय् विद्रोही जूगु व वय्‌कःपाखें फस्‍वयागु दु, झी परमेश्‍वरयात हेला यानाः क्‍वत्‍यलेगु व विद्रोहया जाः ग्‍वःगु दु, अले झीगु नुगलय् ब्‍वलनावःगु मखुगु खँ हे झीसं धयाच्‍वनागु दु।

यर्मिया 3:20

तर विश्‍वासघाती कलातं थें छं जितः ध्‍वंलात, हे इस्राएलया घराना,” परमप्रभुं धयादी।

यर्मिया 5:11

इस्राएलया घराना व यहूदाया घरानां जितः विश्‍वासघात यात,” परमप्रभुं धयादी।

इजकिएल 12:28

“उकिं इमित धा, ‘परमप्रभु परमेश्‍वरं थथे धयादी – जिं धयागु छगू खँ नं पूरा जुइत आः लिबाइ मखुत तर जिं छु धयागु दु व पूरा जु हे जुइ, परमप्रभु परमेश्‍वरं धयादी।’”

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

होशे 2:4

वया काय् म्‍ह्याय्‌पिन्‍त नं दया याये मखु। छाय्‌धाःसा इपिं व्‍यभिचारपाखें बूपिं सन्‍तान खः।

होशे 6:7

इमिसं ला आदमं थें बाचा त्‍वाथल। इमिसं अन जिगु विरोधय् विश्‍वास यायेबहः मजुइक व्‍यवहार यात।

होशे 7:13

धिक्‍कार इमित, छाय्‌धाःसा इपिं जिपाखें फहिलाः वंगु दु। इमिगु भज्‍यंक नाश जुइमा, छाय्‌धाःसा इपिं जिगु विरोधय् विद्रोही जूगु दु। इमित मू पुलाः त्‍वःतकेगु जिगु इच्‍छा दु, अय्‌नं इमिसं जिगु विरोधय् मखुगु खँ ल्‍हाइ।

जकरिया 11:8

जिं लच्‍छिया दुने स्‍वम्‍ह फैजवाःतय्‌त पितिनाछ्वया। अले उगु फैबथानं जितः मयय्‌कल। जितः इपिं खनाः वाक्‍क वल।