होशे 5:3 - नेवाः बाइबल

³ जिं एफ्राइमया बारे फुक्‍कं खँ स्‍यू, इस्राएल जिपाखें सुलाच्‍वंगु मदु। अय् एफ्राइम छं वेश्‍या ज्‍या यानाच्‍वंगु दु। इस्राएलं थःत हे अशुद्ध याःगु दु।

होशे 5:3 ပူးပေါင်းရင်းမြစ်များ

यशैया 7:16

व मचां मभिंयात त्‍वःतेगु व भिंयात ल्‍यय्‌गु सी न्‍ह्यः हे छन्‍त ख्‍याच्‍वः बीपिं निम्‍ह जुजुया देय् झिजांमिजां जुइ।

यशैया 7:17

“परमप्रभुं छन्‍त, छिमि प्रजा व फुक्‍क जुजुया परिवारतय्‌त संकष्‍टया दिं हयाबी। अज्‍याःगु दिं यहूदापाखें इस्राएल राज्‍य अलग जुइगु दिनंनिसें कयाः थौं तक वःगु मदुनि। वय्‌कलं अश्‍शूरया जुजुयात देशय् हमला याकेबियादी।”

यशैया 7:5

अराम, इस्राएल व रमल्‍याहया काय्‌पिं मिलय् जुयाः थथे धकाः छंगु नाश यायेत जाः ग्‍वःगु दु,

होशे 1:2

परमप्रभुं होशेपाखें दकलय् न्‍हापा नवानादीबलय्, परमप्रभुं होशेयात धयादिल, “हुँ, वनाः छम्‍ह वेश्‍यालिसें ब्‍याहा या। वयागु वेश्‍या ज्‍यां बूम्‍ह सन्‍तानयात थः नाला का, छाय्‌धाःसा इस्राएलं परमप्रभुया ल्‍यू वनेगु त्‍वःताः वेश्‍यायागु थें यक्‍व ज्‍या याःगु दु।”

होशे 12:1

एफ्राइम छम्‍ह घाँय्‌या पलेसा फय् नइम्‍ह पशु थें खः। वं न्‍हिच्‍छिं हे मरुभूमिं वःगु फय्‌यात लित्तुलिनाच्‍वनी। वं छलकपट व ल्‍वायेलीगु अप्‍वय्‌की। वं अश्‍शूरनापं सन्‍धि याइ, अले मिश्र देशय् जैतूनया चिकं छ्वइ।

होशे 13:1

एफ्राइम कुलं नवाइबलय् मनूत ग्‍यानाः थरथर खाइगु। इस्राएलय् एफ्राइम कुलयात तःधंकल, तर बालद्यःयात पुजा याःगुलिं इपिं दोषी जुल, अले इपिं सित।

होशे 13:5

जिं छिमित सुखागु मरुभूमिइ व लः मदुगु थासय् सुसाःकुसाः याना।

होशे 5:11

एफ्राइमयात क्‍वत्‍यलातःगु दु। न्‍यायलय् वयात न्‍हूत्तुमतु न्‍हूगु दु। व मूर्तिया ल्‍यू वनेत स्‍वःगु दु।

होशे 5:13

“एफ्राइमं थःगु ल्‍वय् खंबलय् अले यहूदां थःगु घाः खंबलय् एफ्राइमं अश्‍शूरया तःधंम्‍ह जुजुयाथाय् ग्‍वाहालिया निंतिं मनूत छ्वत। अय्‌नं वं छन्‍त लंके फइ मखु, वं छंगु घाःयात लंके फइ मखु।

होशे 5:9

न्‍याय जुइगु दिनय् एफ्राइम झिजांमिजां जुइ। गुगु खँ धात्‍थें जुइ, व इस्राएलया कुलया दथुइ जिं घोषणा याये।

होशे 6:10

इस्राएलया घरानाय् जिं छगू घच्‍चाइपुगु ज्‍या खनागु दु। एफ्राइमया वेश्‍या ज्‍या अन दु अले इस्राएलं थःत अशुद्ध याःगु दु।

होशे 6:4

“अय् एफ्राइम, जिं छन्‍त छु यायेगु? अय् यहूदा, जिं छन्‍त छु यायेगु? छंगु दयामाया सुथया खसु थें व याकनं मदयावनीगु सुतिलः थें च्‍वं।

होशे 8:11

“एफ्राइमं शुद्ध जुइगु बलिया वेदीत यक्‍व दय्‌कल। उपिं वेदीत हे वयागु निंतिं पाप याइगु वेदीत जूगु दु।

आमोस 3:2

“पृथ्‍वीइ च्‍वंपिं फुक्‍क परिवारतय्‌गु दथुइ जिं छिमित जक ल्‍ययागु दु। अथे जुयाः छिमिगु दक्‍व पाप व अधर्मया निंतिं जिं छिमित सजाँय बी।”

आमोस 5:12

छाय्‌धाःसा छिमिगु द्वंबिद्वं गुलि यक्‍व दु अले छिमिगु पाप गुलि तःधं धकाः जिं स्‍यू। छिमिसं धर्मीपिन्‍त दुःख बी अले घुस काइ, अदालतय् गरीबतय्‌गु न्‍याय स्‍यंकूगु दु।

व्‍यवस्‍था 33:17

इमिके द्वहंयाके थें बल दु। इमिगु नेकू गुँद्वहंयागु नेकू थें खः। उपिंपाखें हे इमिसं जातितय्‌त, पृथ्‍वीया कुन्‍चा कुन्‍चाय्‌पिन्‍त नं च्‍वइ। एफ्राइम कुलया लखं लख थथे हे खः। मनश्‍शे कुलया द्वलंद्वः थथे हे खः।”

हिब्रू 4:13

परमेश्‍वरं मखंगु छुं हे मदु। सृष्‍टियागु फुक्‍क खँ वय्‌कलं खं। थ्‍व हे परमेश्‍वरयात झीसं थथःगु ल्‍याःचाः बीमाः।

प्रकाश 3:15

“छिमिगु आनिबानि फुक्‍कं जिं स्‍यू। छिपिं न क्‍वा हे क्‍वाः, न ख्‍वाउँसे हे च्‍वं, बरु छिपिं कि क्‍वाःसा ज्‍यू कि ख्‍वाउँसा ज्‍यू।