होशे 5:12 - नेवाः बाइबल

¹² अथे जुयाः जि एफ्राइमया निंतिं नवंकी थें व यहूदाया घरानाया निंतिं ध्‍वग्‍गीगु सिँ थें जुइ।

होशे 5:12 ပူးပေါင်းရင်းမြစ်များ

यशैया 51:8

छाय्‌धाःसा वसः किलं नः थें इमित नइतिनि। ऊनयात किलं नः थें इमित नइतिनि। जिगु धार्मिकता धाःसा न्‍ह्याबलेंया निंतिं दयाच्‍वनी, जिगु उद्धार पुस्‍तां पुस्‍ता तक दयाच्‍वनी।”

अय्‍यूब 13:28

उकिं जि ध्‍वग्‍गिगु चिज व किलं नःगु वसः थें नाश जुयाः वनाच्‍वंगु दु।”

योना 4:7

तर कन्‍हय् खुन्‍हु सुथय् हे परमेश्‍वरया आज्ञा कथं उकी की दाल। अले व फसिमा गना वन।

यशैया 50:9

परमप्रभु परमेश्‍वरं थःम्‍हं हे जितः ग्‍वाहालि यानादी। व सु खः, जि दोषी खः धकाः धाइम्‍ह? इपिं फुक्‍क वसः थें भ्‍वाथः जुयावनी। कीनं इमित नयाछ्वइ।

हितोपदेश 12:4

भिंम्‍ह कलाः वया भाःतया मुकुट खः, तर भाःतयात मछालापुकीम्‍ह मिसा ध्‍वगीगु क्‍वँय् थें खः।

भजनसंग्रहया सफू 39:11

छिं मनूतय्‌त इमिसं याःगु पापया निंतिं ब्‍वःबियादी, अले सजाँय बियादी। इमिगु सम्‍पत्तियात किलं नः थें नाश यानादी। मनूत धयापिं ला धात्‍थें हे छम्‍हू सासः जक खनि। सेला

यशैया 5:24

अथे जुयाः गथे मिं सुयात भस्‍म याइ अले गंगु घाँय्‌यात मिप्‍वालं भस्‍म याइ अथे हे इपिं नं हानापं गनावनी अले इमिगु स्‍वां धू थें ब्‍वयावनी। छाय्‌धाःसा इमिसं दक्‍व शक्ति दुम्‍ह परमप्रभुया व्‍यवस्‍थायात क्‍वह्यंकूगु दु अले इस्राएलया पवित्र परमेश्‍वरया वचनयात हेला याःगु दु।