होशे 4:9 - नेवाः बाइबल

⁹ पुजाहारीतय्‌सं नं मनूतय्‌सं थें सजाँय फयेमाली। जिं इमित सजाँय बी अले इमिसं थःम्‍हं याःगु मभिंगु ज्‍याया लिच्‍वः जिं इमित बी।

होशे 4:9 ပူးပေါင်းရင်းမြစ်များ

हितोपदेश 11:31

पृथ्‍वीइ धर्मीतय्‌गु ला न्‍याय जुइ धाःसा दुष्‍ट व पापी मनूतय्‌त गुलि न्‍याय जुइगु जुइ।

हितोपदेश 12:14

झीत झीगु ज्‍या व खँ कथंया हे सजाँय व सिरपाः दइ।

हितोपदेश 5:22

दुष्‍ट मनू थःगु मभिंगु ज्‍यां थःगु हे जालय् क्‍यनी। वयागु पापया खिपतं वयात हे ची।

यशैया 24:2

पुजाहारी व प्रजा, मालिक व च्‍यः, न्‍याइपिं व मिइपिं, त्‍यासा काइपिं व त्‍यासा बिइपिं, तःमिपिं व मगाःमचाःपिं फुक्‍कसिगु दशा अथे हे जुइ।

यशैया 3:10

धर्मी मनूतय्‌त धा, “छिमित भिं हे जुइ, छिमिसं थःम्‍हं याःगु ज्‍याया सिरपाः कायेखनी।”

यर्मिया 5:31

अगमवक्तातय्‌सं मखुगु अगमवाणी यानाच्‍वंगु दु, पुजाहारीतय्‌सं इमिगु थःगु हे अधिकारं शासन यानाच्‍वंगु दु, जिमि मनूतय्‌सं थथे जुइगु हे यय्‌की। तर लिपतय् छिमिसं छु यायेगु?”

इजकिएल 44:10

“‘इस्राएलीत मखुगु लँय् वंगु दिनंनिसें जिपाखें तापाना वंपिं लेवीतय्‌सं व जितः त्‍वःताः थःगु मूर्तिया ल्‍यूल्‍यू जुया जूपिं लेवीतय्‌सं थःगु पापया सजाँय फये हे माः।

इजकिएल 44:12

तर उपिं लेवीतय्‌सं थःगु हे मूर्तितय्‌गु न्‍ह्यःने मनूतय्‌गु सेवा याःगु, अले इस्राएलया घरानायात पापय् कुर्काब्‍यूगु जुयाः इमिसं थःगु पापया सजाँय फये हे माः धकाः जिं थःगु ल्‍हाः ल्‍ह्वनाः पाफयागु दु, जि, परमप्रभु परमेश्‍वर न्‍ववानागु दु।

होशे 1:4

अले परमप्रभुं होशेयात धयादिल, “वयागु नां यिजरेल ति, छाय्‌धाःसा जिं याकनं हे येहूया घरानायात यिजरेलय् जूगु हत्‍याया सजाँय बी। इस्राएलया राज्‍य अन्‍त यानाबी।

होशे 10:10

गुबलय् जिगु इच्‍छा जुइ जिं इमित सजाँय बी। इमिगु निदुगं अधर्मया निंतिं इमित चीत जात जातित मुनी।

होशे 12:2

यहूदाया विरोधय् परमप्रभुयाके छगू द्वपं दु। अले याकूबयात वं याःगु व्‍यवहारया कारणं वय्‌कलं सजाँय बियादी, वं याःगु ज्‍याकथं वय्‌कलं वयात पलेसा बियादी।

होशे 12:3

मांयागु कोखय् हे याकूब थः दाजु एसावनापं ल्‍वात। तःधिक जुइ धुंकाः व परमेश्‍वरनापं ल्‍वात।

होशे 7:2

तर जिं इमिसं याःगु दक्‍व दुष्‍ट ज्‍यायात लुमंकी धकाः इमिसं बिचाः हे मयाः। इमिसं याःगु पापया ज्‍यां हे इमित घेरय् यानातःगु दु। उपिं ज्‍या न्‍ह्याबलें जिगु न्‍ह्यःने दु।

होशे 8:13

इमिसं जितः बलि छाइ, अले व ला नइ, तर परमप्रभु इपिंनापं लय्‌तायामदी। आः जिं इमिगु दुष्‍ट ज्‍या लुमंकाः इमिगु पापया निंतिं सजाँय बी। इपिं मिश्र देशय् लिहांवनी।

होशे 9:15

“इमिसं गिलगालय् याःगु दक्‍व बांमलाःगु दुष्‍ट ज्‍याया कारणं जिं इमित घृणा याना। इमिगु मभिंगु ज्‍याया कारणं जिं इमित जिगु देगलं पितिनाछ्वये। आः जिं आवंलि इमित माया याये मखुत। इमि दक्‍व न्‍ह्यलुवाःत विरोधी जूगु खः।

होशे 9:9

गिबाया दिनय् थें इमिसं थःम्‍हं थःत तसकं स्‍यंकूगु दु। परमेश्‍वरं इमिगु अधर्मया ज्‍या लुमंकी, अले वय्‌कलं इमित पापया सजाँय बियादी।

जकरिया 1:6

अय्‌नं जिं थः दास अगमवक्तातय्‌पाखें छिमि पुर्खातय्‌त बियागु वचन व ख्‍याच्‍वः इमिके पूरा जुल। “अले इमिसं पस्‍ताय् चायाः धाल, ‘दक्‍व शक्ति दुम्‍ह परमप्रभुं झीगु पहःचहः व ज्‍याकथं झीलिसें छु यायेगु क्‍वःछिनादीगु खः व वय्‌कलं झीपिंलिसे यानादिल।’”

मत्ती 15:14

इमित त्‍वःताछ्व। इपिं कांपिं लँजवाः खः। कांम्‍ह मनुखं कांम्‍ह मनूयात ल्‍हाः ज्‍वनाः यंकूसा इपिं निम्‍हं गालय् लाइ।”