होशे 4:7 - नेवाः बाइबल

⁷ गुलि गुलि पुजाहारीया ल्‍याः अप्‍वयावल, उलि हे अप्‍वः इमिसं जिगु विरोधय् पाप याना हल। अथे जुयाः जिं छिमिगु मान इज्‍जतयात लज्‍याय् हिलाबी।

होशे 4:7 ပူးပေါင်းရင်းမြစ်များ

एज्रा 9:7

जिमि पुर्खातय्‌गु इलंनिसें थौं तक हे जिमिसं तःधंगु पाप यानागु दु। जिमिगु पापं यानाः जिपिं, जिमि जुजु व पुजाहारीत विदेशी जुजुपिनिगु ल्‍हातय् लात। जिपिं मध्‍ये गुलिंसित स्‍यात, गुलिंसित ज्‍वनाः विदेशय् यंकल। जिमित लुटपाट यात, तसकं क्‍वह्यंकल, बेइज्‍जत यात। थौं तक नं अथे हे जुयाच्‍वंगु दु।

होशे 10:1

इस्राएल न्‍यनावनाच्‍वंगु छमा दाखमा खः। वं ला थःगु हे लागि फल सय्‌कल। गुलि यक्‍व वं फल सय्‌कल उलि हे वं वेदीत दय्‌कल। थःगु देशय् गुलि अन्‍न सल उलि हे वं थः पुजा यायेगु ल्‍वहंया थांत बांलाकल।

होशे 10:6

तःधंम्‍ह जुजुयात कोसेलि बीत व मूर्ति अश्‍शूरय् यंकी। एफ्राइम लाजय् लाइ। इस्राएल धाःसा थःगु हे सिँया मूर्तिपाखें लाजय् लाइ।

होशे 13:14

“जिं इमित चिहानया शक्तिपाखें मू पुलाः त्‍वतके ला? जिं इमित मृत्‍युपाखें छुत्‍कारा याये ला? अय् मृत्‍यु, छंगु ग्‍यानापुगु ल्‍वय् गन दु? अय् मृत-लोक छंगु नाश यायेगु शक्ति गन दु? “छाय्‌धाःसा जिं इमित दया याये मखुत।

होशे 13:6

गुबलय् जिं इमित नका त्‍वंका, उबले इमि प्‍वाः जाल अले सन्‍तुष्‍ट जुल। इपिं घमण्‍डी जुल, अले इमिसं जितः ल्‍वःमंकल।

होशे 4:10

“इमिसं न ला नइ तर लुधनी मखु। इमिसं व्‍यभिचार याइ तर इमिगु ल्‍याः अप्‍वइ मखु, छाय्‌धाःसा इमिसं परमप्रभुयात त्‍वःतूगु दु,

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

होशे 6:9

गथे दाखुँतय्‌सं मनूतय्‌त सुलाः पियाच्‍वनी, अथे हे पुजाहारीतय् पुचलं शकेम वनेगु लँय् मनूत स्‍यायेगु यानाच्‍वनी, इमिसं तःधंगु अपराध याःगु दु।

होशे 9:11

एफ्राइमया गौरव झंगः थें ब्‍वयावनी, छाय्‌धाःसा छिमि सुं मिसां न मचा बुइकी, न प्‍वाथय् दइ, न प्‍वाथय् मचा थाइ।

हबकूक 2:16

थथे याइम्‍हय्‌सित मान व इज्‍जतया थासय् मछालापूं जाइ। आः छंगु पा वःगु दु! छं नं मद्य त्‍वँ अले छंगु नांगांसू खनेदयेमा! परमप्रभुया जःपा ल्‍हाःया ख्‍वला छन्‍थाय् वःगु दु, अले छंगु मान व इज्‍जत मछासुं त्‍वःपुइ।

मलाकी 2:9

“अथे जुयाः जिं दक्‍व मनूतय् न्‍ह्यःने छिमित क्‍वह्यंपिं व चिधंपिं यानाबियागु दु। छाय्‌धाःसा छिपिं जिगु लँपुइ जूगु मदु। अझ व्‍यवस्‍थायागु खँय् तक ख्‍वाः स्‍वयाः ज्‍या याःगु दु।”

व्‍यवस्‍था 32:15

यशूरून बांलाक नयेत्‍वने दयाः तसकं ल्‍ह्वनावल। अले इमिसं थःपिन्‍त सृष्‍टि यानादीम्‍ह परमेश्‍वर, बल्‍लाःम्‍ह रक्षकयात त्‍वःताहल।

फिलिप्‍पी 3:19

थज्‍याःपिं मनूत नाश जुयावनी। छाय्‌धाःसा प्‍वाः हे थुमिगु द्यः खः, लज्‍या चायेमाःगु खँय् नं थुमिसं घमण्‍ड याना जुइ। अले थुमिसं थ्‍व संसारयागु ज्‍याखँय् जक मन तया जुइ।

१ शमूएल 2:30

“अथे जुयाः इस्राएलया परमप्रभु परमेश्‍वरं धयादी, ‘छिमि पुर्खां व छिमि परिवारं न्‍ह्याबलें जिगु न्‍ह्यःने सेवा यायेमा धकाः धयागु खः। तर परमप्रभुं थथे धयादी, थथे जुइ हे मज्‍यूगु खः। जितः हनाबना याइपिन्‍त जिं हनाबना याये अले जितः हेला याइपिन्‍त जिं नं हेला याये।