होशे 4:11 - नेवाः बाइबल

¹¹ वेश्‍या ज्‍याय् मन बीत, दाखमद्य व न्‍हूगु दाखमद्यं यानाः जिमि मनूतय्‌गु दुग्‍यां मदया वःगु दु।

होशे 4:11 ပူးပေါင်းရင်းမြစ်များ

हितोपदेश 20:1

दाखमद्यं हाःहू याकी, अय्‌लाखं ल्‍वापु हइ। थ्‍व नितां त्‍वनीपिन्‍के बुद्धि दइ मखु।

लूका 21:34

“अय्‌जूगुलिं छिमिसं होश‍ यानाच्‍वँ। भ्‍वय् जक नया जुइगु, अय्‌लाः थ्‍वँ जक त्‍वना जुइगु, अले थ्‍व जीवनयागु धन्‍दा कयाः जुइगु याना जुल धाःसा छिमिसं मसीक जिं धयागु दिं वइ।

यशैया 28:7

पुजाहारीतय्‌सं व अगमवक्तात नं यक्‍व दाखमद्य त्‍वनी कि इमिगु तुति थातय् लाइ मखु। इमिसं थुलि यक्‍व अय्‌ला त्‍वने धुंकूगु दु कि इपिं अलमल जुयाः तुति तक्‍यंकाः न्‍यासिवनि। अगमवक्तातय्‌सं अय्‌ला त्‍वनाः काय्‌काजुल धाःसा परमेश्‍वरं बियादीगु दर्शनयात थुइके फइ मखु अले पुजाहारीत नं अथे हे काय्‌काः थःथाय् हःगु खँया बारे बांलाक बिचाः याये फइ मखु।

होशे 4:12

इमिसं थःगु सिँया मूर्तिनापं सल्‍लाह काइ, इमिसं सिँया कथिं लिसः काइ, वेश्‍या ज्‍या याइगु आत्‍मां मखुगु लँय् यंकी, अले इपिं परमेश्‍वर प्रति विश्‍वास यायेबहः जुइ मखु।

यशैया 5:12

इमिगु भ्‍वय्‌लय् वीणा, सारंगी, खैँजडी, बाँसुरी व दाखमद्य दइ। तर इमिसं परमप्रभुं छु यानादी धयागु बारे छुं हे बिचाः याइ मखु।

उपदेशक 7:7

ख्‍यानाः धिबा कायेगु ज्‍यां बुद्धि दुम्‍ह मनूयात नं मूर्ख यानाबी, अले घुसं नुगःयात स्‍यंकाबी।

हितोपदेश 6:32

तर सुनानं व्‍यभिचार यात धाःसा व तःधंम्‍ह मूर्ख खः, वं थःत हे स्‍यंकी।

लेवी 10:9

“नापलायेगु पालय् वनेबलय् छ व छिमि काय्‌पिन्‍सं दाखमद्य वा थ्‍वँ त्‍वनाः वने मते, मखुसा छिपिं सी। थ्‍व छिमि पुस्‍तौं पुस्‍तातय्‌गु निंतिं न्‍ह्याबलेंया नियम खः।

१ शमूएल 25:36

अबीगेल छेँ थ्‍यनाः वं अन नाबालं जुजुपिन्‍त नकेगु भ्‍वय् थें नयाच्‍वंगु खन। नाबाल लय्‌तायाः दाखमद्य त्‍वनाः तसकं काय्‌काच्‍वंगु दु। अथे जुयाः वया कलातं वयात सुथ तक नं छुं मधासे च्‍वन।

हितोपदेश 31:4

हे लमूएल! जुजुतय्‌सं दाखमद्य त्‍वनाः जुइ मज्‍यू, शासकतय्‌सं अय्‌लाः त्‍वनेत इच्‍छा याये मज्‍यू।

होशे 7:11

“एफ्राइम बुद्धि मदुम्‍ह छम्‍ह बखुं थें खः – अःपुक हे ध्‍वं लायेफुम्‍ह व मूर्ख। आः हे इमिसं मिश्रयाके ग्‍वाहालि फ्‍वनी, आः हे इपिं अश्‍शूरपाखें वनी।

यर्मिया 23:13

“सामरियायापिं अगमवक्तातय्‌के जिं छगू घच्‍चाइपुगु खँ खना। इमिसं बालद्यःया नामय् अगमवाणी ल्‍हात अले जि प्रजायात मखुगु लँय् यंकल।

होशे 5:4

“इमिगु ज्‍यां इमित थः परमेश्‍वरपाखे लिहां वय्‌केबी मखु। वेश्‍या ज्‍या यायेगु आत्‍मा इमिगु नुगलय् दु, इमिसं परमप्रभुयात मानय् मयाः।