होशे 4:1 - नेवाः बाइबल

¹ अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

होशे 4:1 ပူးပေါင်းရင်းမြစ်များ

१ राजा 22:19

मीकायां हानं धाल, “उकिं परमप्रभुया थ्‍व वचन न्‍यनादिसँ– जिं परमप्रभुयात थःगु सिंहासनय् च्‍वनादीगु व स्‍वर्गया फुक्‍क सेना वय्‌कःया जवय् व खवय् दनाच्‍वंगु खना।

भजनसंग्रहया सफू 81:9

छिमिथाय् पिनेयापिं द्यःत गुबलें मदयेमाः छिमिसं पिनेयापिं द्यःतय्‌गु न्‍ह्यःने भ्‍वपुले हे मते।

यशैया 1:10

अय् सदोमया शासकत, परमप्रभुया वचन न्‍यँ! अय् गमोराया मनूत, परमेश्‍वरया आज्ञा मानय् या! परमप्रभुं छिमित छु धयादीगु दु व बांलाक न्‍यँ!

यशैया 1:18

परमप्रभुं थथे धयादी, “थन वा, झीपिंनापं च्‍वनाः थःथवय् खँल्‍हाबल्‍हा याये। छिमिगु पाप ह्याउँसे च्‍वंसां उपिं च्‍वापु थें तुयुसे च्‍वंकाबी। उपिं तच्‍वकं ह्याउँसे च्‍वंसां ऊन थें तुयुसे च्‍वनी।

यशैया 28:14

अथे जुयाः हे हेबाय्‌चबाय् याइपिं मनूत, सुनां यरूशलेमय् थुपिं प्रजातय्‌त शासन याइ, परमप्रभुया वचन न्‍यँ।

यशैया 34:1

हे जात-जातियापिं मनूत, जिगु न्‍ह्यःने वा अले बांलाक न्‍यँ। हे मनूत, ध्‍यान ब्‍यु! पृथ्‍वी व अन च्‍वंपिं फुक्‍कसिनं तायेमा। संसार व उकी दयावःगु फुक्‍कसिनं तायेमा।

यशैया 34:8

परमप्रभुं सियोनया पंलिनाः बदला कायेगु छगू दिं दु व सजाँय बीगु छगू दँ दु।

यशैया 5:3

उकिं जिमि पासां धाइ, “हे यरूशलेम व यहूदाय् च्‍वंपिं मनूत, जिगु व जिगु दाखक्‍यबया दथुइ न्‍याय यानाब्‍यु।

यशैया 59:4

सुनानं न्‍याय फ्‍वंगु मदु। सुनानं विश्‍वास यायेबहः जुयाः न्‍याय याःगु मदु। इमिसं ज्‍यागलय् मज्‍यूगु खँय् भरोसा तइ व मखुगु खँ ल्‍हाइ। इमिसं मभिंगु जाः ग्‍वइ अले अधर्म बुइकी।

यशैया 59:8

इमिसं शान्‍तिया लँ म्‍हमस्‍यू, अले इमिगु लँपुइ न्‍याय मदु। इमिसं थःगु लँपु बेक्‍वय्‌कूगु दु। व लँपुइ न्‍यासि जुइपिं सुयातं नं शान्‍ति दइ मखु।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

यर्मिया 11:7

जिं छिमि पुर्खातय्‌त मिश्र देशं पित हयागु दिनंनिसें थौं तक इमित मदिक्‍क बारम्‍बार ‘जिगु उजं पालन या’ धकाः ख्‍याच्‍वः बियावयाच्‍वनागु दु।

यर्मिया 19:3

छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

यर्मिया 2:4

हे याकूबया घराना, इस्राएलया घराना, परमप्रभुया वचन न्‍यँ।

यर्मिया 2:9

“उकिं जिं हाकनं छिमित पाः याये, अले छिमि छय्‌पिन्‍त नं पाः याये” परमप्रभुं धयादी।

यर्मिया 25:31

हल्‍लाया लिथ्‍वः पृथ्‍वीया ताताःपाःगु थासय् तक ताये दइ। छाय्‌धाःसा पृथ्‍वीया फुक्‍क जातितलिसें परमप्रभुया मुद्दा दु, वय्‌कलं फुक्‍क मनूतय्‌गु न्‍याय यानादी। दुष्‍टतय्‌त धाःसा वय्‌कलं तरवारं पालादी,’” परमप्रभुं धयादी।

यर्मिया 34:4

“‘अय्‌नं हे यहूदायाम्‍ह जुजु सिदकियाह, परमप्रभुयागु थ्‍व वचन न्‍यँ। छंगु बारे परमप्रभुं थथे धयादी – छन्‍त तरवारं स्‍याइगु जुइ मखु।

यर्मिया 4:22

“जिमि प्रजा मूर्ख खः, इमिसं जितः म्‍हमस्‍यू। इपिं मभिंपिं मस्‍त खः। इमिके दुग्‍यां मदु। मभिंगु ज्‍या यायेत इपिं चलाख तर भिंगु ज्‍या याये मसः।”

यर्मिया 4:28

अथे जुयाः पृथ्‍वी ह्वाँय्‌ह्वाँय् ख्‍वइ। आकाश खिउँसे च्‍वनी। जिं धायेधुन अले जिं थःगु मन हीके मखु। जिं क्‍वःछीधुन, जिं थःगु बिचाः हिले मखु।”

यर्मिया 5:4

जिं बिचाः याना, “थुपिं सकलें गरीब व मूर्ख खः। छाय्‌धाःसा इमिसं परमप्रभुया लँ अथवा थः परमेश्‍वरया कानून मस्‍यू।

यर्मिया 51:5

इस्राएल व यहूदायात इमि परमेश्‍वर, दक्‍व शक्ति दुम्‍ह परमप्रभुपाखें त्‍वःतूगु मदु, खः ला इस्राएलया पवित्र परमेश्‍वरया न्‍ह्यःने इमिगु देश दोषं जाःगु दु।

यर्मिया 6:13

“दक्‍कलय् चिधंम्‍हंनिसें दक्‍कलय् तःधंम्‍ह तक फुक्‍कं लोभी जूगु दु। अगमवक्तात व पुजाहारीत सकसिनं ध्‍वंलायेगु ज्‍या याइगु।

यर्मिया 7:28

अथे जूगुलिं छं इमित धा, परमप्रभु थः परमेश्‍वरया आज्ञा पालन मयाःगु व वय्‌कलं स्‍यनातःगु खँयात नालामकाःगु जाति थ्‍व हे खः। सत्‍य नाश जूगु दु, थ्‍व इमिगु म्‍हुतुं तापाःगु दु।

यर्मिया 9:20

हे मिस्‍त, परमप्रभुया थ्‍व वचन न्‍यँ, वय्‌कःया वचन ध्‍यान बियाः न्‍यँ! थः म्‍ह्याय्‌पिन्‍त ख्‍वयेगु स्‍यँ, छम्‍हय्‌सिनं मेम्‍हय्‌सित विलापया म्‍ये स्‍यँ!

यर्मिया 9:3

“इमिसं मखुगु खँ ल्‍हायेत थःपिनिगु मेयात धनुष थें बेक्‍वयेकीगु। इमिगु देशय् सत्‍य मखु, बेइमानी हे बेइमानी दु। इमिसं मभिंगु ज्‍या याना जुइ, इमिसं जितः म्‍हमस्‍यू,” परमप्रभुं धयादी।

यर्मिया 9:7

उकिं दक्‍व शक्ति दुम्‍ह परमप्रभुं थथे धयादी, “स्‍व! जिं थःम्‍हं हे इमित धातुयात थें शुद्ध याये अले जाँचय् याये। जिमि प्रजां मभिंगु ज्‍या याःगु दु। उकिं जिं इमित मेगु छु यायेगु?

इजकिएल 16:35

“‘उकिं अय् वेश्‍या, परमप्रभुयागु वचन न्‍यँ!

होशे 12:2

यहूदाया विरोधय् परमप्रभुयाके छगू द्वपं दु। अले याकूबयात वं याःगु व्‍यवहारया कारणं वय्‌कलं सजाँय बियादी, वं याःगु ज्‍याकथं वय्‌कलं वयात पलेसा बियादी।

होशे 12:3

मांयागु कोखय् हे याकूब थः दाजु एसावनापं ल्‍वात। तःधिक जुइ धुंकाः व परमेश्‍वरनापं ल्‍वात।

होशे 5:1

“अय् पुजाहारीत, थ्‍व खँ न्‍यँ! अय् इस्राएलीत, ध्‍यान बियाः न्‍यँ! अय् जुजुया घराना, ध्‍यान बियाः न्‍यँ! थ्‍व न्‍यायया फैसला छिमिगु विरोधय् दु। छिपिं मिस्‍पाय् जाः व तबोरय् पानातःगु जाः जूगु दु।

होशे 5:4

“इमिगु ज्‍यां इमित थः परमेश्‍वरपाखे लिहां वय्‌केबी मखु। वेश्‍या ज्‍या यायेगु आत्‍मा इमिगु नुगलय् दु, इमिसं परमप्रभुयात मानय् मयाः।

योएल 1:2

हे थकालिपिं मनूत, थ्‍व खँ न्‍यँ! हे यहूदा देशय् च्‍वंपिं सकल मनूत, बांलाक ध्‍यान बियाः न्‍यँ! छु छिमिगु इलय् अथवा छिमि तापाःबाज्‍यापिनिगु इलय् गुबलें थथे जूगु दु ला?

आमोस 3:1

अय् इस्राएलयापिं मनूत, परमप्रभुं छिमिगु विरोधय् अर्थात मिश्र देशं जिं हयापिं फुक्‍क खलःया विरोधय् धयादीगु थ्‍व वचन न्‍यँ –

आमोस 7:16

अथे जुयाः आः परमप्रभुया वचन न्‍यँ। छं धाइगु, “‘इस्राएलया विरोधय् अगमवाणी धाये मते, अले इसहाकया घरानातय्‌गु विरोधय् प्रचार यायेगु त्‍वःति।’

मीका 6:2

“हे पर्वतत, हे पृथ्‍वीया बल्‍लाःगु जग परमप्रभुयागु द्वपं ध्‍यान बियाः न्‍यँ। छाय्‌धाःसा थः प्रजालिसे वय्‌कःया छगू मुद्दा दु, वय्‌कलं इस्राएलयात छगू अपराधया द्वपं बियादीगु दु।

यूहन्‍ना 8:55

वय्‌कःयात छिकपिन्‍सं म्‍हमस्‍यूनि, जिं धाःसा म्‍हस्‍यू। जिं वय्‌कःयात म्‍हमस्‍यू धकाः धाल धाःसा जि नं छिकपिं थें तुं मखुगु खँ ल्‍हाइम्‍ह जुइ। जिं वय्‌कःयात म्‍हस्‍यूगुलिं वय्‌कःयागु वचन मानय् यानाच्‍वना।

रोमी 1:28

थज्‍याःपिन्‍सं परमेश्‍वरयात क्‍वह्यंकूगुलिं वय्‌कलं नं इमित दकलय् क्‍वह्यंगु मन व मभिंगु बांमलाःगु बिचालय् हे त्‍वःतादिल।

१ कोरिन्‍थी 15:34

भिंगु ज्‍याखँ यायेत न्‍ह्यलं चाय्‌कि, अले पाप यायेगु त्‍वःति। छिमित मछालापुकेत जिं थथे धयाच्‍वनागु खः, छाय्‌धाःसा छिपिं गुम्‍हं गुम्‍हय्‌सिनं परमेश्‍वरयात म्‍हसीके मफुनि।

प्रकाश 2:11

“सुयाके न्‍हाय्‌पं दु वं आत्‍मां मण्‍डलीतय्‌त छु धयादिल धयागु न्‍यनाः थुइकाः का – त्‍याःपिन्‍त नरकय् छ्वइ हे मखु।

प्रकाश 2:29

सुयाके न्‍हाय्‌पं दु, वं आत्‍मां मण्‍डलीतय्‌त छु धयादिल धयागु न्‍यनाः थुइकाः का।”