होशे 3:4 - नेवाः बाइबल

⁴ थुकथं इस्राएलीत यक्‍व दिं तक राजा वा राजकुमार मदय्‌क बलिदान व पुजा यायेगु ल्‍वहंया थां मदय्‌क व एपोद व छेँया द्यःत मदय्‌काः च्‍वनी।

होशे 3:4 ပူးပေါင်းရင်းမြစ်များ

उत्‍पत्ति 31:19

उबलय् लाबान फैतय्‌त सँ चाकःवनाच्‍वंगु खः। थः बौ मदुबलय् राहेलं थः बौया छेँय् च्‍वंगु मूर्तित खुयाहल।

उत्‍पत्ति 31:34

राहेल धाःसा छेँया मूर्तित ऊँटया फ्‍यतुसाय् तयाः थः उकी द्यःने फ्‍यतुनाच्‍वन। लाबानं पाल दुने गुलि मालं नं लुइके मफु।

उत्‍पत्ति 49:10

यहूदाया ल्‍हातिइ न्‍ह्याबलें राजदण्‍ड दइ, वया सन्‍तानं न्‍ह्याबलें शासन याइ। जाति जातितय्‌सं वयात कोसेलि हइ अले इमिसं वयाः वयात भागि याइ।

२ शमूएल 6:14

दाऊदं सूती कापःयागु एपोद फिनाः परमप्रभुया न्‍ह्यःने थःगु बलं फतले प्‍याखं हुल।

२ राजा 23:24

हानं परमप्रभुया देगलय् दकलय् तःधंम्‍ह पुजाहारी हिल्‍कियाहं लुइकूगु व्‍यवस्‍थाया सफुलिइ च्‍वयातःगु खँ पूवंकेत योशियाहं फुक्‍क तन्‍त्रमन्‍त्र याइपिं, बोक्‍सी ज्‍या याइपिं, छेँ द्यःत व मूर्तित अले यहूदा व यरूशलेमय् खनेदुगु फुक्‍क घचाइपुगु चिजयात मदयेका छ्वल।

२ इतिहास 15:2

अले व आसा जुजुयात नापलाः वन। वं आसायात थथे धाल, “अय् आसा, अय् यहूदा व बेन्‍यामीनयापिं सकलें मनूत! छिपिं परमप्रभुनापं दतले वय्‌कः नं छिपिंनाप दइ। छिमिसं वय्‌कःयात माल धाःसा छिमिसं वय्‌कःयात लुइकी। छिमिसं वय्‌कःयात त्‍वःतल धाःसा वय्‌कलं नं छिमित त्‍वःतादी।

प्रस्‍थान 28:4

इमिसं सुइमाःगु वसः थथे दु– छातिपाता, एपोद, पुजाहारीया लं, जामालं, बेतालि व जँनी। इमिसं छिमि दाजु हारून व वया काय्‌पिन्‍सं पुजाहारीया ज्‍या यायेगु निंतिं थुकथं पवित्र वसःत दय्‌केमाः।

प्रस्‍थान 28:6

“इमिसं एपोद वँचुगु, प्‍याजीगु व ह्याउँगु रंगयागु का, लुँयागु का व भिंगु सूती कापःयागु स्‍यल्‍लाक सुइमाः।

विलाप 2:9

वयागु मू ध्‍वाखात बँय् तुनावन। वय्‌कलं वयागु गजबारत कुचा कुचा यानाः नाश यानादिल। वया जुजु व राजकुमारतय्‌त मेपिं जातितय्‌गु दथुइ पितिनाछ्वःगु दु, आः ला व्‍यवस्‍था मन्‍त। अले वया अगमवक्तातय्‌सं नं परमप्रभुपाखें छुं हे दर्शन कायेखनी मखु।

इजकिएल 19:14

उकिया मू कचात मध्‍ये छपु कचां मि पिहां वल, अले उकिं उकिया फलत व कचात भस्‍म यानाबिल। आः उकी शासकया राजदण्‍ड यायेत ज्‍यूगु छपु नं कचा मन्‍त।’ “थ्‍व छपु बिलापया म्‍ये खः अले मनूतय्‌सं इपिं गुलि दुःखी जूगु खः धकाः क्‍यनेत थ्‍व म्‍ये हालाच्‍वनी।”

इजकिएल 20:32

“‘छिमिसं धाइगु, “जिमित सिँ व ल्‍वहंयागु सेवा याइपिं जातित थें, संसारयापिं मनूत थें जुइ मास्‍ति वः।” तर छिमिगु मनय् दुगु खँ गुबलें पूरा जुइ मखु।

इजकिएल 21:21

छाय्‌धाःसा बेबिलोनयाम्‍ह जुजु ज्‍वखना स्‍वयेत निपु लँ बायावनीगु थासय् दोबातय् दनी। वं वाणत चिट्ठा तइ, वं थः मूर्तितलिसें सल्‍लाह काइ, वं पशुया स्‍येँ जाँचय् याइ।

इजकिएल 21:31

जिं थःगु तं छंके प्‍वंके। जिगु च्‍याःगु तंया मि छंगु विरोधय् पिकाये। जिं छन्‍त नाश याये सःपिं व दयामदुपिं मनूतय्‌गु ल्‍हातय् बी।

दानिएल 11:31

“वया सिपाइँतय्‌सं देगःयात अशुद्ध याइ, न्‍हियान्‍हिथं छाइगु बलि दिकी। इमिसं देगलय् घच्‍चायापुगु व ग्‍यानापुगु मूर्ति पलिस्‍था याइ।

दानिएल 12:11

“न्‍हियान्‍हिथं छाइगु देछा दिकूगु व देगलय् घच्‍चायापुगु व ग्‍यानापुगु मूर्ति पलिस्‍था याइगु इलंनिसें १,२९० दिं जुइ।

दानिएल 9:27

छवाःया लागिं थ्‍व हे शासकं यक्‍वनापं क्‍वातूगु बाचा ची, तर वाःया दथुइ वं बलि व देछा छायेगु दिकी। अले देगलय् घच्‍चाइपुगु व ग्‍यानापुगु मूर्ति खने दइ। व मूर्ति तःम्‍ह शासकयाके परमेश्‍वरं क्‍वःछिनादीगु नाश मलातले व मूर्ति अन दइ।”

होशे 13:10

छिमित बचय् यायेत छिमि जुजुपिं गन दु? छिमि शहर शहरया शासकत गन दु, गुपिनिगु बारे छिमिसं थथे धाइगु, ‘जिमित छम्‍ह जुजु व राजकुमारत बियादिसँ?’

होशे 13:11

जिं जिगु तमं छिमित छम्‍ह जुजु बिया, अले जिगु तःच्‍वगु तमं वयात लिकया।

होशे 2:11

जिं वयागु दक्‍व लसताया नखःचखः, लय्‌पतिकंया अमइया नखः, विश्रामबारया दिं – क्‍वःछिनातःगु फुक्‍क नखःचखः बन्‍द यानाबी।

लेवी 8:7

वं हारूनयात जामालं फिकाः जँनी चिनाबिल। पुजाहारीया लं फिकाः उकी एपोद तयाबिल। एपोदया बांलाःगु बुत्ता दुगु जँनिखं हिनाबिल।

जकरिया 10:2

मूर्तितय्‌सं ध्‍वंलाइगु खँ ल्‍हाइ, तन्‍त्रमन्‍त्र याइपिन्‍सं मखुगु दर्शन खनी। म्‍हगसया अर्थ कनीपिन्‍सं सान्‍त्‍वना मबीगु मखुगु खँ ल्‍हाइ। उकिं जिमि मनूत तंपिं फैत थें उखेलाः थुखेलाः मदइ। जवाः मदयाः इमिसं दुःख सी।

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

लूका 21:24

गुलिसित तरवारं पालाः स्‍याइ, गुलिसित ज्‍वनाः देश देशय् यंकी, अले यहूदीमखुपिनिगु ई पूमवंतले इमिसं यरूशलेमयात न्‍हुत्तुन्‍हुया तइ।”

यूहन्‍ना 19:15

अले इपिं फुक्‍कं तस्‍सलं हाला हल – “वयात स्‍याये यंकि, वयात स्‍याये यंकि, वयात क्रूसय् यख्‍खानाः स्‍यानाछ्व।” पिलातसं इमित धाल – “छु छिमि जुजुयात जिं क्रूसय् यख्‍खायेगु ला?” अले तःधंपिं पुजाहारीतय्‌सं लिसः बिल – “कैसर स्‍वया जिमि मेम्‍ह जुजु मदु।”

हिब्रू 10:26

सत्‍य छु खः धयागु सीधुंकाः नं झीसं पाप याना जुल धाःसा झीगु पाप हुयाछ्वयेगु गुगुं बलिदान हे दइ मखुत।

न्‍यायकर्ता 17:5

थ्‍व हे मीका धाःम्‍ह मनूया छगू पुजा याइगु कोथा दुगु जुयाच्‍वन। वं छगू एपोद व छुं झ्‍वातात दय्‌कल। अले थःकाय्‌पिं मध्‍ये छम्‍ह काय्‌यात पुजाहारीया थासय् तल।

न्‍यायकर्ता 18:14

अबलय् लेश देशया चिवा काःवंपिं न्‍याम्‍ह मनूतय्‌सं थथे धकाः थः दाजुकिजापिंलिसें खँ ल्‍हात, “छु थुपिं छेँ मध्‍ये छखा छेँय् एपोद, छेँ द्यःत, छगू कियातःगु झ्‍वाता व छगू ढलौतया मूर्ति दु धकाः छिमिसं स्‍यू ला? आः छु यायेमाःगु खः व छिमिसं स्‍यू।”

न्‍यायकर्ता 8:27

गिदोनं व लुं छगू एपोद दय्‌कल, अले व थःगु हे शहर ओप्राय् तल। अथे जूगुलिं सकल इस्राएलीतय्‌सं उकियात पुजा यानाः परमप्रभुयात विश्‍वासघात यात। अले व गिदोन व वया परिवारयात तक्‍यंकीगु जाः जुल।

१ शमूएल 14:3

उपिं मध्‍ये ईकाबोदया किजा अहीतूबया काय् अहियाह पुजाहारीया भिंगु सूती कापःया वसः फिनातःम्‍ह खः। अहीतूब पीनहासया काय् अले शीलोय् च्‍वंम्‍ह परमप्रभुया पुजाहारी एलीया छय् खः। अले जोनाथन वंगु मनूतय्‌सं मसिल।

१ शमूएल 15:23

वय्‌कःया आज्ञा मानय् मयायेगु हे तन्‍त्रमन्‍त्र यायेगु पाप थें खः, अले तःधंछुइगु मूर्ति पुज्‍यायेगु ति हे मभिंगु खः। छिसं परमप्रभुया वचनयात त्‍वथूगु दु, अथे जुयाः परमप्रभुं नं छितः जुजुया सिंहासनं लिकयादीगु दु।”

१ शमूएल 2:18

उबलय् शमूएल भिंगु सूती कापःया एपोद फिनाः परमप्रभुया न्‍ह्यःने सेवा याना हे च्‍वन।

१ शमूएल 21:9

पुजाहारीं लिसः बिल, “एलाहया ब्‍यासिइ छिसं स्‍यानादीम्‍ह पलिश्‍ती गोल्‍यतया तरवार थन दु। थ्‍व कापतं हिनाः पुजाहारीया भिंगु सूती कापःया लंया ल्‍युने तया तयागु दु। व यंकेगु इच्‍छा दुसा यंकादिसँ थन मेगु छुं ल्‍वाभः मदु।” दाऊदं धाल, “थ्‍व थें ज्‍याःगु तरवार मेगु मदु। जितः थ्‍व हे बियादिसँ।”

१ शमूएल 22:18

अथे जुयाः जुजुं एदोमी दोएगयात धाल, “अय् दोएग, वनाः पुजाहारीतय्‌त स्‍या।” अले एदोमी दोएगं वनाः पुजाहारीतय्‌त स्‍यात। उखुन्‍हु वं चयन्‍याम्‍ह एपोद फिनातःपिं पुजाहारीतय्‌त थःगु हे ल्‍हातं स्‍यात।

१ शमूएल 23:6

अहीमेलेकया काय् अबियाथार बिस्‍युं वनाः दाऊदनापं मिलय् जूवःबलय् थःनापं पुजाहारीया भिंगु सूती कापःया लं नं यंकूगु खः।

१ शमूएल 23:9

शाऊलं थःत हमला यायेत तयार याःगु दु धइगु खँ न्‍यनाः दाऊदं पुजाहारी अबियाथारयात धाल, “एपोद ज्‍वनाः थन वा।”

१ शमूएल 30:7

दाऊदं अहीमेलेकया काय् पुजाहारी अबियाथारयात धाल, “पुजाहारीया भिंगु सूती कापःया लं जिथाय् हजि।” अले अबियाथारं व हयाबिल।