होशे 3:1 - नेवाः बाइबल

¹ परमप्रभुं जितः धयादिल, “हुँ, हाकनं वनाः थः कलाःयात माया या। खः ला वयात मेम्‍ह मिजंनं माया याः अले व व्‍यभिचारिणी खः। परमप्रभुं इस्राएलीतय्‌त दया माया यानादी थें वयात दया माया या, खः ला इपिं मेपिं द्यःतपाखे फहीगु दु अले इमिसं मूर्तितय्‌त किसमिस छानाः पुजा यायेगु यानाच्‍वंगु दु।”

होशे 3:1 ပူးပေါင်းရင်းမြစ်များ

२ शमूएल 6:19

अले फुक्‍क मनूतय्‌त वा इस्राएलीतय् फुक्‍क पुचःया मिजं व मिसातय्‌त छपा छपा मरि, छगः छगः छोहरा व किसमिसया छगू छगू ज्‍वाँय् बिल। अनंलि फुक्‍क मनूत थथःगु छेँ वन।

२ राजा 13:23

तर अब्राहाम, इसहाक व याकूबलिसें बाचा चिनादीगुलिं परमप्रभुं इमित दयामाया यानादिल अले इमित वास्‍ता यानादिल। थौं तक नं वय्‌कलं इमित नाश यायेत अथवा वय्‌कःया न्‍ह्यःनं गुबलें पितनाछ्वयेगु इच्‍छा यानादीगु मदु।

१ इतिहास 16:3

अले वं सकलें इस्राएली मिजंत व मिस्‍तय्‌त छपा छपा मरि, छगः छगः खजूर व छज्‍वाँय् छज्‍वाँय् किसमिस इनाबिल।

नहेम्‍याह 9:31

अय्‌नं छि तसकं नुगः क्‍यातुम्‍ह जूगुलिं इमित त्‍वःतामदी, नाश यानामदी। छि दयादुम्‍ह व नुगः क्‍यातुम्‍ह परमेश्‍वर खः।

भजनसंग्रहया सफू 123:2

गथे दासं थः मालिकपाखे मिखा ब्‍वइ, अले दासीं थः मालिकनीपाखे मिखा ब्‍वइ, अथे हे छिं जिमित दया माया यानामदीतले जिमिसं छि परमप्रभु जिमि परमेश्‍वरपाखे मिखा ब्‍वयाच्‍वने।

प्रस्‍थान 32:6

अले कन्‍हय् खुन्‍हु सुथय् न्‍हापां मनूतय्‌सं होमबलि छाल, अले मेलबलि नं हल। इपिं फेतुनाः नयेत्‍वने धुंकाः दनाः यःयःथें सन।

श्रेष्‍ठगीत 2:5

किसमिस ज्‍वाँय्‌लं जिगु बल न्‍हूगु यानादिसँ, अले स्‍याउनं जितः ताजा यानादिसँ, छाय्‌धाःसा मतिनां जि बमलाःगु दु।

यशैया 45:22

“जिपाखे फःहिला वा, अले बचय् जु, हे पृथ्‍वीया कुन्‍चाय् थ्‍यंक च्‍वंपिं फुक्‍क मनूत, छाय्‌धाःसा जि हे परमेश्‍वर खः, जि बाहेक मेपिं सुं नं मदु।

यर्मिया 3:20

तर विश्‍वासघाती कलातं थें छं जितः ध्‍वंलात, हे इस्राएलया घराना,” परमप्रभुं धयादी।

यर्मिया 31:20

छु! एफ्राइम जिम्‍ह यःम्‍ह काय्, मखु ला? छु व जितः लय्‌तायेकीम्‍ह मचा, मखु ला? वयागु विरोधय् जिं न्‍ह्याक्‍व हे खँ ल्‍हाना सां जिं धात्‍थें वयात आः तक नं लुमंका च्‍वना। उकिं वयात जिं यय्‌का। जिं धात्‍थें वयात तसकं माया याना,” परमप्रभुं धयादी।

होशे 11:8

“अय् एफ्राइम, जिं छन्‍त गथे यानाः त्‍वःते फइ? अय् इस्राएल, जिं छन्‍त गथे यानाः दुष्‍टतय्‌गु ल्‍हातिइ लःल्‍हाये फइ? जिं छन्‍त गथे यानाः अदमायात थें नाश याये फइ? जिं छन्‍त गथे यानाः सबोयीमयात थें स्‍यंके फइ? जिगु मन जिगु दुने हिले धुंकल। जिगु मन दया मायां जाये धुंकल।

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’

होशे 4:11

वेश्‍या ज्‍याय् मन बीत, दाखमद्य व न्‍हूगु दाखमद्यं यानाः जिमि मनूतय्‌गु दुग्‍यां मदया वःगु दु।

होशे 7:5

झी जुजुया नखःया दिनय् राजकुमारत दाखमद्यं तसकं काय्‌काच्‍वनी। थःत गिजय् याइपिंनापं ल्‍हाः मिलय् याइ।

आमोस 2:8

इपिं सकलें वेदीया न्‍ह्यःने बर तयातःगु वसतय् ग्‍वारातुली। बं पूगु ध्‍यबां न्‍यागु दाखमद्य थः द्यःतय् देगलय् त्‍वनी।

आमोस 6:6

छिमिसं ततःग्‍वःगु ख्‍वलाय् दाखमद्य त्‍वनी, तसकं नस्‍वाःगु चिकं बुली। तर योसेफया सन्‍तानत नाश जूगुली भचा नं दुःखी मजू।

मीका 7:7

तर जिं धाःसा जिम्‍ह परमप्रभुयाके आशा तयाच्‍वने, जि जितः उद्धार याइम्‍ह परमेश्‍वरयात पियाच्‍वने छाय्‌धाःसा वय्‌कलं जिगु प्रार्थना बिन्‍ति न्‍यनादी।

जकरिया 1:16

“उकिं जिगु दया क्‍यनेत जि यरूशलेमय् लिहां वयागु दु। जिगु देगः हाकनं दय्‌की, यरूशलेमय् नापय् यायेगु खिपः तंके याइ, अले शहरयात हाकनं दय्‌की” दक्‍व शक्ति दुम्‍ह परमप्रभुं धयादी।

मत्ती 26:50

वय्‌कलं वयात धयादिल – “पासा, छु यायेत वयागु खः याकनं याना छ्व।” अले इमिसं वय्‌कःयात ज्‍वन।

१ कोरिन्‍थी 10:21

छिमिसं प्रभुयागु ख्‍वल्‍चां व भूतआत्‍मातय्‌गु ख्‍वल्‍चां छक्‍वलं त्‍वनेफइ मखु। अथे हे छिमिसं प्रभुयागु टेबिलं व भूतआत्‍माया टेबिलंनापं नये फइ मखु।

१ पत्रुस 4:3

परमेश्‍वरयात म्‍हमस्‍यूपिन्‍सं याना जू थें न्‍हापा छिमिसं नं थः यःथें यानाजुइगु, व्‍यभिचार यायेगु, अय्‌लाः थ्‍वँ त्‍वना जुइगु, मोजमज्‍जा यायेगु, मूर्ति पुजा यायेगु याना जुइ धुंकल।

न्‍यायकर्ता 10:16

अले इमिसं मेपिं द्यःतय्‌त त्‍वःताः परमप्रभुयागु आराधना यात। अले परमप्रभुं इस्राएलीतय्‌गु अप्‍वः दुःख जूगु स्‍वयादी मफुत।

न्‍यायकर्ता 9:27

इपिं थथःगु क्‍यबय् दाख खायेधुंकाः तिस्‍सिनाः ति पिकाल। अनंलि इपिं थः द्यःया देगलय् नखः हनेत वन। अन इमिसं भ्‍वय् नयेबलय् अबीमेलेकयात सराः बिल।