होशे 2:7 - नेवाः बाइबल7 व थः प्रेमीपिनिगु ल्यूल्यू वनी तर वं नापलाके फइ मखु। वं इमित माली तर लुइकी मखु। अले वं थथे धाइ, ‘जि न्हापायाम्ह भाःतयाथाय् हे लिहां वने, छाय्धाःसा जिगु न्हापायागु अवस्था आःयागु अवस्था स्वयाः बांलाः।’ အခန်းကိုကြည့်ပါ။ |
होशे 2:7
41 ပူးပေါင်းရင်းမြစ်များ
जिमिसं याये धकाः धयागु फुक्क ज्या या हे याये। स्वर्गयाम्ह रानी जिमि द्यःमय्जुया निंतिं जिमिसं अथे हे धुपाँय् च्याके अले त्वँसाबलि नं वयात छाये गथे जिमि पुर्खा, जुजुपिं व नायःतय्सं यहूदाया शहर शहरय् व यरूशलेमया गल्लि गल्लिइ छाःगु खः। उबलय् जिमिके नयेगु नसा गाक्क दुगु खः, जिमित बांलानाच्वंगु खः, जिमिके विपत्ति नं वःगु मदु।
“‘थज्याःगु फैसला पिवाः स्वर्गदूततय्सं क्वःछ्यूगु खः। दक्वसिबय् तःधंम्ह परमेश्वरया संसारया फुक्क देशय् अधिकार दु, अले वय्कलं थःम्हं हे ल्ययादीपिन्त शासन यायेत देशत बियादी, अज्ज ला उकी शासन यायेत दकलय् चिधंपिन्त नं तयादी, धयागु खँ फुक्क मनूतय्सं सीमा धकाः पवित्रपिन्सं थज्याःगु फैसला घोषणा याःगु खः।’
वय्कःयात मनूतय् दथुं पित छ्वत अले वय्कःयागु मनयात पशुयागु मन थें यानाबिल। देश देशय् दक्वसिबय् तःधंम्ह परमेश्वरं राज्य यानादी व थःत यःम्हय्सित देशयाम्ह शासक दय्कादी धयागु खँ वय्कलं सीकामकातले वय्कः गुँ गधातलिसे च्वन, सा-द्वहंतय्सं थें घाँय् नल। वय्कःयागु म्हयात आकाशया सुति लखं प्याकल।
ကြော်ငြာတွေ