होशे 2:2 - नेवाः बाइबल

² “अय् जिमि काय्‌म्‍ह्याय्‌पिं, थः मांयात ब्‍वःब्‍यु, खः ला व आः जिमि कलाः मखुत, न जि वया भाःत खः। वं थःगु ख्‍वालं वेश्‍याया ज्‍या व थःगु निगू दुरुपाया दथुं व्‍यभिचारयात चीकाछ्वयेमाः।

होशे 2:2 ပူးပေါင်းရင်းမြစ်များ

यशैया 11:12

वय्‌कलं जाति-जातितय्‌गु निंतिं छगू चिंया झण्‍डा धस्‍वाकादी अले त्‍वःतकाहःपिं इस्राएलया मनूत व छ्यालब्‍याल जुयाच्‍वंपिं यहूदाया मनूतय्‌त पृथ्‍वीया कूंकुलामं मुंकाः छथाय् हयादी।

यशैया 50:1

परमप्रभुं थथे धयादी, “जिं छिमि मांयात पारपाचुकेगु पौ बियाः तापाक मछ्वया! अले जिं छन्‍त गुम्‍हं साहुया ल्‍हातय् ममिया! तर स्‍व, छिमिगु हे पापं यानाः छिपिं मियाछ्वःगु खः, अले छिमिगु हे मभिंगु ज्‍याया कारणं छिमि मांयात तापाक छ्वःगु खः।

यशैया 58:1

“तसकं हा, सुम्‍क च्‍वने मते! तुरहीया सः थें च्‍वंक तसकं हा। जिमि प्रजायात इपिं विद्रोही खः धकाः व याकूबया घरानायात इमिगु पाप क्‍यनाब्‍यु।

यर्मिया 19:3

छं थथे धा, ‘हे यहूदाया जुजुपिं व यरूशलेमयापिं सकलें मनूत, परमप्रभुया वचन न्‍यँ! दक्‍व शक्ति दुम्‍ह परमप्रभु इस्राएलया परमेश्‍वरं थथे धयादी – न्‍यँ, जिं थःम्‍हं हे थ्‍व थासय् थज्‍याःगु सर्वनाश हये गुकिं यानाः उकिया बारे न्‍यनीपिं सकसिगु न्‍हाय्‌पं वाइंया मिनी।

यर्मिया 2:2

“छं वनाः यरूशलेमय् च्‍वंपिं सकसितं थ्‍व खबर न्‍यंकि, “परमप्रभुं थथे धयादी, ‘छं ल्‍याय्‌म्‍हबलय्‌यागु भक्ति, “‘भम्‍चा थें छं जितः माया याःगु जि लुमंसे वः। मरुभूमिइ, पुसा मह्वःगु थासय् छ जिगु ल्‍यूल्‍यू जुइगु।

यर्मिया 3:1

“सुं मनुखं थः कलाःयात त्‍वःतल धाःसा अले व मिसा वयाथासं वनाः मेम्‍ह मिजंया कलाः जुल धाःसा छु व मनू हाकनं वयाथाय् लिहांवनी ला? छु व देश अशुद्ध मजुइ ला? छ छम्‍ह वेश्‍या थें यक्‍वसिथाय् वंगु दु, छु छ आः जिथाय् लिहां वयेगु ला?” परमप्रभुं धयादी।

यर्मिया 3:13

“छं थः परमप्रभु परमेश्‍वरया विरोधय् विद्रोही जुया, छं फुक्‍क वाउँगु सिमाया क्‍वय् द्यःतय्‌त पुजा यानाः जिगु विरोधय् व्‍यभिचार याना धकाः स्‍वीकार जक या,” परमप्रभुं धयादी।

यर्मिया 3:18

अबलय् इस्राएलया मनूत यहूदाया मनूतलिसें मिलय् जुइ, इपिं छकलं उत्तरय् च्‍वंगु देशं लिहां वयाः जिं इमि पुर्खातय्‌त न्‍ह्याबलेंया निंतिं बियागु देशय् वइ।

इजकिएल 16:20

“‘अले छं जिगु निंतिं बुइकूपिं छिमि काय् म्‍ह्याय्‌पिन्‍त यंकाः मूर्तितय्‌गु लागि नयेगु नसाकथं बलि छाल। छु छंगु थ्‍व वेश्‍याया ज्‍या चिधंगु खँ खः ला?

इजकिएल 16:25

लँया कुं पतिकं छं थःगु निंतिं पुजा यायेगु तःजाःगु थाय् दय्‌कल, अले अनं जुया वनीपिं न्‍ह्याम्‍हसित नं थःगु म्‍ह लःल्‍हानाः छं थःगु वेश्‍याया ज्‍या अप्‍वय्‌कल अले थःगु बांलाःसूयात घच्‍चाइपुइकल।

इजकिएल 20:4

“छं इमिगु न्‍याय या, इजकिएल! छं इमिगु न्‍याय या! इमित इमि पुर्खातय्‌गु घच्‍चाइपुगु ज्‍या लुमंकाब्‍यु!

इजकिएल 23:43

व्‍यभिचार यायां बुरी जुइ धुंकूम्‍ह छम्‍हय्‌सिगु बारे जिं धया, ‘आः वयात मेपिं वेश्‍यायात थें छ्यलेमा, छाय्‌धाःसा व व हे जक खः।’

इजकिएल 23:45

तर धर्मी मनूतय्‌सं धाःसा इमित व्‍यभिचारिणी व मनू स्‍याइपिं मिस्‍त धकाः न्‍यायया सजाँय बी, छाय्‌धाःसा इपिं व्‍यभिचारिणी मिस्‍त खः। इमिगु ल्‍हातय् मनू स्‍याःगुया हि लाःगु दु।

होशे 1:2

परमप्रभुं होशेपाखें दकलय् न्‍हापा नवानादीबलय्, परमप्रभुं होशेयात धयादिल, “हुँ, वनाः छम्‍ह वेश्‍यालिसें ब्‍याहा या। वयागु वेश्‍या ज्‍यां बूम्‍ह सन्‍तानयात थः नाला का, छाय्‌धाःसा इस्राएलं परमप्रभुया ल्‍यू वनेगु त्‍वःताः वेश्‍यायागु थें यक्‍व ज्‍या याःगु दु।”

होशे 2:1

“छिमिसं थः इस्राएली दाजुकिजापिन्‍त ‘अम्‍मी’ व थः तताकेहेँपिन्‍त ‘रुहामा’ धा।

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’

होशे 4:5

छिपिं चान्‍हि लुफिं हाइ। अगमवक्तात नं छिपिंनापं हे लुफिं हाइ। जिं छिमि मां इस्राएलयात नाश याये।

मीका 2:13

लँ दय्‌कादीम्‍ह इमिगु न्‍ह्यःने झाइ। इपिं ध्‍वाखा स्‍यंकाः पिने पिहांवनी। इमि जुजु इमिगु न्‍ह्यः न्‍ह्यः वनी। परमप्रभु इमिगु न्‍ह्यःने न्‍ह्यःने दइ।”

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।