होशे 2:12 - नेवाः बाइबल

¹² जिं वयागु दाखमा व यःमरिया सिमात नाश यानाबी। थुकियागु खँय् वं धाइ, थुपिं जिमि प्रेमीपिन्‍सं ब्‍यूगु जिगु ज्‍याला खः। जिं उपिं मायात छगू गुँ यानाबी, व गुँपशुतय्‌सं उपिं नयाबी।

होशे 2:12 ပူးပေါင်းရင်းမြစ်များ

भजनसंग्रहया सफू 80:12

अय्‌नं जिमिगु प्‍यखेंया पःखाः छाय् थुनादिया? आः थन न्‍ह्याम्‍हं दुहां वयाः दाख खुयाः यंके फु।

यशैया 29:17

छु याकनं हे लेबनान बांलाक अन्‍न सइगु बुँइ हिला मवनी ला? अले बांलाक अन्‍न सइगु बुँत गुँ थें खने मदइ ला?

यशैया 5:5

स्‍व, जिं जिगु दाखक्‍यबयात छु याये, व जिं छिमित धाये – जिं उकिया बाःर चीकाछ्वये, उकियात नाश जुइके बी, जिं उकिया पःखाः थुनाबी, गुँपशुतय्‌त व न्‍हुत्तुमत्तु न्‍हुकेबी।

यशैया 7:23

उगु इलय् ११.५ किलोग्राम वहः मू तूगु द्वःछिमा दाखमा दुगु क्‍यबय् कंमा व झाः जक बुया वइ।

यर्मिया 13:26

उकिं जिं थःम्‍हं हे छंगु लज्‍या खनेदयेमा धकाः छंगु पतसि त्‍वःकाः छंगु ख्‍वालय् थ्‍यंकाबी।

यर्मिया 26:18

“यहूदाया जुजु हिजकियाया इलय् मोरेशेतयाम्‍ह मीकां अगमवाणी ल्‍हात। यहूदायापिं फुक्‍क मनूतय्‌त वं थथे धाल, ‘दक्‍व शक्ति दुम्‍ह परमप्रभुं थथे धयादी, “‘सियोनयात बुँ थें जोते याइ, यरूशलेम नाश जुयाः द्वँ चिनी, देगः दुगु डाँडा धाःसा झाःया झाः दुगु द्वम्‍बःचा थें जुइ।’

यर्मिया 5:17

इमिसं छिमिगु बाली व नसा क्‍वाप्‍प नयाबी, छिमि काय् म्‍ह्याय्‌पिन्‍त क्‍वाप्‍प नयाबी, इमिसं छिमि सा द्वहं व फै-च्‍वलय् क्‍वाप्‍प नयाबी, छिमिगु दाख व यःमरिमा क्‍वाप्‍प नयाबी। छिमिसं भलसा याःगु पःखाः ग्‍वयातःगु शहरत इमिसं तरवारं नाश याइ।”

यर्मिया 8:13

“‘जिं इमिगु बाली यंके। दाखमाय् दाख दइ मखु। यःमरिमाय् यःमरिया फल दइ मखु। अले उमिगु हः सुकुगनी। जिं इमित बियागु नं इमिपाखें लाका काइ।’” परमप्रभुं धयादी।

होशे 13:8

मचात लाका काःम्‍ह मांम्‍ह भालुं थें जिं इमित झम्‍तय् यानाः फायाबी। सिंहनं थें जिं इमित नापलाःगु थासय् हे नुनाछ्वये अले गुँइ च्‍वंपिं पशुतय्‌सं थें कुचा कुचा यानाबी।

होशे 2:5

इमि मां विश्‍वास याये बहःम्‍ह मजुल, इपिं सुयागु प्‍वाथय् दुगु खः, वं मछालापुस्‍से च्‍वंगु ज्‍या याःगु दु। वं धाल, ‘जितः मरि, लः, ऊन, वसः, जैतूनया चिकं व दाखमद्य बीपिं थः प्रेमीतय्‌गु ल्‍यूल्‍यू जि वने।’

होशे 5:14

छाय्‌धाःसा जि सिंहनं थें इस्राएल व यहूदाया मनूतय्‌त हय्‌काये। इमित कुचा कुचा यानाः जि थःगु लँय् वने, जिं इमित लुया यने, इमित बचय् याइपिं सुं नं दइ मखु।

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।

मीका 3:12

अथे जुयाः छिमिगु कारणं यानाः सियोनयात बुँ थें जोतय् याइ, यरूशलेम नाश जुयाः द्वँ चिनी, देगःया डाँडा धाःसा झाः बुयावया त्‍वःपुयाच्‍वंगु द्वम्‍बःचा थें जुइ।