होशे 2:1 - नेवाः बाइबल

¹ “छिमिसं थः इस्राएली दाजुकिजापिन्‍त ‘अम्‍मी’ व थः तताकेहेँपिन्‍त ‘रुहामा’ धा।

होशे 2:1 ပူးပေါင်းရင်းမြစ်များ

उत्‍पत्ति 22:17

जिं छन्‍त आकाशय् च्‍वंगु नगु व फिसलय् च्‍वंगु फि थें यक्‍व सन्‍तान दय्‌काबी। इमिसं थः शत्रुतय्‌त बुकाः इमिगु शहर त्‍याकाकाइ।

यर्मिया 31:33

“उबलय् जिं इस्राएलया घरानानापं चीत्‍यनागु बाचा थुकथं खः, जिं थःगु नियम इमिगु मनय् तयाबी अले इमिगु नुगलय् च्‍वयाबी। जि इमि परमेश्‍वर जुइ अले इपिं जिम्‍ह मनूत जुइ।

यर्मिया 32:38

इपिं जिम्‍ह प्रजा जुइ, जि इमि परमेश्‍वर जुइ।

यर्मिया 51:5

इस्राएल व यहूदायात इमि परमेश्‍वर, दक्‍व शक्ति दुम्‍ह परमप्रभुपाखें त्‍वःतूगु मदु, खः ला इस्राएलया पवित्र परमेश्‍वरया न्‍ह्यःने इमिगु देश दोषं जाःगु दु।

इजकिएल 11:20

अले इपिं जिगु विधिकथं जुइ, जिगु नियम पालन यायेत होसियार जुइ। अले इपिं जिम्‍ह प्रजा जुइ, जि इमि परमेश्‍वर जुइ।

इजकिएल 36:11

जिं छिमि मनूतय्‌गु व पशुतय्‌गु ल्‍याः अप्‍वय्‌काबी। इमिगु ल्‍याः न्‍हापा स्‍वयाः यक्‍व दइ। यक्‍व काय्‌म्‍ह्याय्‌पिं बुइकी। हे इस्राएलया पहाडत, न्‍हापा थें छिमिके जिं मनूत तये, न्‍हापा स्‍वयाः अप्‍वः जिं छिमित च्‍वन्‍ह्याके। अले छिमिसं जि हे परमप्रभु खः धकाः सी।

इजकिएल 36:28

जिं छिमि पुर्खातय्‌त बियागु देशय् छिपिं च्‍वनी। छिपिं जिगु प्रजा जुइ अले जि छिमि परमेश्‍वर जुइ।

इजकिएल 37:27

जि च्‍वनेगु थाय् नं इमिगु हे दथुइ दइ। जि इमि परमेश्‍वर जुये, इपिं जिम्‍ह प्रजा जुइ।

होशे 2:2

“अय् जिमि काय्‌म्‍ह्याय्‌पिं, थः मांयात ब्‍वःब्‍यु, खः ला व आः जिमि कलाः मखुत, न जि वया भाःत खः। वं थःगु ख्‍वालं वेश्‍याया ज्‍या व थःगु निगू दुरुपाया दथुं व्‍यभिचारयात चीकाछ्वयेमाः।

होशे 2:23

जिं जिमि मनूतय्‌त पलिस्‍था याये अले इमित च्‍वन्‍ह्याके। जिं ‘गुबलें दया याये मखु’ धयाम्‍हय्‌सित हे जिं दयामाया क्‍यने। जिं ‘छिपिं जिमि प्रजा मखु’ धयापिन्‍त हे जिं ‘थः मनू’ धाये। अले इमिसं धाइ, ‘छि जिमि परमेश्‍वर खः।’”

जकरिया 13:9

थ्‍व हे स्‍वब्‍वय् छब्‍व मनूतय्‌त जाँचय् यायेत मिं वहः यचुकीगु थें जिं इमित यचुके। लुँयात जाँचय् यानागु थें जिं इमित जाँचय् याये, अबलय् इमिसं जिगु नामं बिन्‍ति याइ। अले जिं इमित लिसः बी, ‘इपिं जि प्रजा खः’ धकाः जिं इमित धाये। अले इमिसं धाइ, ‘परमप्रभु जिमि परमेश्‍वर खः।’”

२ कोरिन्‍थी 4:1

थथे परमेश्‍वरं जिमित दया माया यानाः थ्‍व ज्‍या बियातःगु खः। उकिं जिमिसं आशा त्‍वःते मखु।

१ तिमोथी 1:13

न्‍हापा जिं प्रभुयात विश्‍वास मयानानिबलय् निन्‍दा यायेगु, वय्‌कःयात विश्‍वास याइपिन्‍त लिइगु व वय्‌कःयात क्‍वह्यंका जुइगु याना, तर जिं थुपिं मसीकं व अविश्‍वासय् यानागुलिं परमेश्‍वरं जितः दया यानादिल।

१ पत्रुस 2:10

न्‍हापा छिपिं परमेश्‍वरया मनूत मखु, आः जुइ धुंकल। न्‍हापा छिमिसं वय्‌कःयागु दया माया काये मखं, आः काये खंगु दु।