होशे 13:9 - नेवाः बाइबल

⁹ “अय् इस्राएल, जिं छिमित भज्‍यंक नाश यानाबी, छाय्‌धाःसा छिपिं जिगु विरोधय् दु, छिमित ग्‍वाहालि याःम्‍हय्‌सिगु विरोधय्।

होशे 13:9 ပူးပေါင်းရင်းမြစ်များ

२ इतिहास 28:23

वं थःत बुकूपिं दमस्‍कसयापिं द्यःतय्‌त बलि छाल, छाय्‌धाःसा वं थथे बिचाः यात, “अरामया जुजुपिनि द्यःतय्‌सं इमित ग्‍वाहालि यात। उकिं इमिसं जितः नं ग्‍वाहालि यायेमा धकाः जिं नं इमित बलि छाये।” तर इपिं वयागु व फुक्‍क इस्राएलया नाशया कारण जुल।

भजनसंग्रहया सफू 146:5

धन्‍य खः व मनू, गुम्‍हय्‌सिया ग्‍वाहालि याकूबया परमेश्‍वर खः, गुम्‍हय्‌सिनं परमप्रभु परमेश्‍वरयागु भलसा काइ।

भजनसंग्रहया सफू 33:20

झीसं परमप्रभुयागु हे भलसा काये वय्‌कः हे झीगु ग्‍वाहालि व ढाल खः।

भजनसंग्रहया सफू 46:1

परमेश्‍वर झीगु शरण कायेगु थाय् व बल खः, अले दुःखया इलय् अःपुक दइगु ग्‍वाहालि खः।

हितोपदेश 6:32

तर सुनानं व्‍यभिचार यात धाःसा व तःधंम्‍ह मूर्ख खः, वं थःत हे स्‍यंकी।

हितोपदेश 8:36

सुनां जितः मालेत स्‍वइ मखु, वं थःत थःम्‍हं हे स्‍यंकी। सुनां जितः घृणा याइ, वं मृत्‍युयात यय्‌की।”

यशैया 3:11

धिक्‍कार दुष्‍टतय्‌त! दुष्‍ट मनूतय्‌गु धाःसा पक्‍का हे नाश जुइ। अले इमिगु ल्‍हातं याःगु ज्‍याया पाय्‌छिगु ज्‍याला दइ।

यशैया 3:9

इमिगु दोष ख्‍वालं हे सी दु। सदोमया मनूतय्‌सं थें इमिसं थःगु पाप क्‍यना जुइ। इमिसं थुकियात सुचुका तइ मखु। धिक्‍कार इमित! इमिसं थःगु नाश थःम्‍हं हे हःगु दु।

यर्मिया 2:17

परमप्रभु छिमि परमेश्‍वरं छन्‍त लँय् यंकूसां हे वयात त्‍वःतूगुलिं छं थ्‍व खँ थःके हःगु मखु ला?

यर्मिया 2:19

छंगु थःगु हे मभिंगु ज्‍यां छन्‍त सजाँय बी अले छं जितः त्‍वःतूगुलिं छं थःत हे दोष बी। छं जि परमप्रभु थः परमेश्‍वरयात त्‍वःतूगु व जिगु भय छंके मदुगु छगू मभिंगु व म्‍हाइपूगु खँ खः धकाः सीकाति,” प्रभु, दक्‍व शक्ति दुम्‍ह परमप्रभुं धयादी।

यर्मिया 4:18

“हे यहूदा, छंगु ज्‍याखं थ्‍व खँ छं थःके हल। छंगु पापं छंके थ्‍व दुःखकष्‍ट हःगु खः। उकिं छंगु नुगलय् सूगु दु।”

यर्मिया 5:25

छिमिगु मभिंगु ज्‍यां यानाः थुपिं खँयात तापाक तःगु दु। छिमिगु पापं यानाः छिमित थ्‍व भिंगु खं तापाकाब्‍यूगु दु।

होशे 13:4

“तर जि ला परमप्रभु छिमि परमेश्‍वर खः। जिं छिमित मिश्र देशं पित हयागु खः। छिमिसं जि बाहेक सुं मेपिन्‍त परमेश्‍वर धकाः मानय् मयायेगु, छाय्‌धाःसा छिमित उद्धार याइम्‍ह जि जक खः।

होशे 14:1

अय् इस्राएल, परमप्रभु थः परमेश्‍वरयाथाय् लिहां वा। छंगु पापं यानाः हे छ पतन जूगु दु।

होशे 7:14

इमिसं दुनुगलंनिसें जितः प्रार्थना याइ मखु, तर थःगु लासाय् बिलाप याइ। अन्‍न व न्‍हूगु दाखमद्यया निंतिं इपिं मुनाच्‍वनी, तर जिपाखें धाःसा ख्‍वाः फस्‍वय्‌की।

होशे 7:15

जिं इमित स्‍यनेकने यानाः अले बल्‍लाका, अय्‌नं इमिसं जिगु विरोधय् जाः ग्‍वयाजुइ।

मलाकी 1:12

“छिमिसं धाःसा ‘परमप्रभुया टेबिल अशुद्धगु खः’ अले ‘उकी दुगु नयेगु नसा नं अशुद्धगु खः’ धकाः धयाः ‘जिगु नां क्‍वह्यंकाच्‍वंगु दु।’

मलाकी 1:13

छिमिसं थथे नं धाइ, ‘ओह! थुपिं गुलि दिक्‍क चाइपुगु बलि खः।’ छिमिसं उकियात हेला यात, अले बांमलाःगु व्‍यवहार यात। छिमिसं घाःपाः जूम्‍ह, खुत्‍यां काःम्‍ह व ल्‍वगि पशु हयाः जितः छाइ। छु जिं थज्‍याःगु देछा छिमिगु ल्‍हातं कायेगु ला?” दक्‍व शक्ति दुम्‍ह परमप्रभुं धयादी।

मलाकी 1:9

“हे पुजाहारीत, जिमित दया यानादिसँ धकाः परमेश्‍वरयात बिन्‍ति या! छिमिगु ल्‍हातं थज्‍याःगु बलि छानाः छु वय्‌कलं छिमित नाला कयादी ला?” दक्‍व शक्ति दुम्‍ह परमप्रभुं धयादी।

व्‍यवस्‍था 33:26

“येशूरुनया परमेश्‍वर थें जाःम्‍ह मेम्‍ह सुं मदु। वय्‌कः इमित झःझः धाय्‌क आकाशं झायादी। वय्‌कः सुपाँचं गयाः छिमित ग्‍वाहालि बीत झायादी।

व्‍यवस्‍था 33:29

इस्राएल, छिपिं धन्‍यपिं खः! छिमित थें मेपिं सुयात बचय् यानादीगु दु, छिपिं थें ज्‍याःपिं धन्‍य जाति मेपिं सु दु? परमप्रभु थः हे छिमित ग्‍वाहालि याइगु ढाल व त्‍याकीगु तरवार खः। छिमि शत्रुत छिमिगु न्‍ह्यःने ग्‍यानाः कय्‌कुनाच्‍वनी, अले छिमिसं इमित न्‍हुइ।”