होशे 13:7 - नेवाः बाइबल

⁷ अथे जुयाः जिं इमित सिंहनं थें झम्‍तय् याये। चितुवा थें जि इमिगु लँय् सुलाच्‍वने।

होशे 13:7 ပူးပေါင်းရင်းမြစ်များ

अय्‍यूब 10:16

जिं थःगु छ्यं धस्‍वाकूसां सिंह थें छिं जितः शिकार यानादी। छिं जिगु विरोधय् थःगु तःधंगु शक्ति क्‍यनादी।

यशैया 42:13

परमप्रभु तसकं बल्‍लाःम्‍ह मनू थें पिहांझाइ। वय्‌कलं लडाइँया निंतिं छम्‍ह बल्‍लाःम्‍ह सिपाइँनं क्‍यंगु थें थःगु जोश क्‍यनादी। वय्‌कः तःसलं हालादी अले तःसलं लडाइँया सः थाहांवनी। वय्‌कलं थः शत्रुतय्‌त बुकी।

यर्मिया 25:38

सिंहं थें वय्‌कलं थःगु गुफा त्‍वःतादी, अले क्‍वत्‍यलिपिनिगु तरवार व परमप्रभुया तच्‍वःगु तमं यानाः इमिगु देश झिजांमिजां दनी।

यर्मिया 5:6

उकिं जंगलं छम्‍ह सिंह वयाः इमित स्‍यानाबी, सुख्‍खा इलाकां छम्‍ह गुँखिचा वयाः इमित नाश याइ, छम्‍ह चितुवा इमिगु शहरया लिक्‍क पियाच्‍वनी, अनं सुं पिहां वःसा वयात कुचा कुचा याइ, छाय्‌धाःसा इपिं तसकं विद्रोही जुल, इमिगु अधर्म यक्‍व दु।

विलाप 3:10

हमला यायेत पियाच्‍वंम्‍ह भालू व सुलाच्‍वंम्‍ह सिंहं थें

होशे 5:14

छाय्‌धाःसा जि सिंहनं थें इस्राएल व यहूदाया मनूतय्‌त हय्‌काये। इमित कुचा कुचा यानाः जि थःगु लँय् वने, जिं इमित लुया यने, इमित बचय् याइपिं सुं नं दइ मखु।

आमोस 1:2

वं धाल, “परमप्रभु सियोन पर्वतं सिंह थें गर्जय् जुयादी, अले वय्‌कः यरूशलेमं थ्‍वय्‌क हालादी। फैजवाःतय्‌गु घाँय्‌ख्‍यः व कर्मेल डाँडाया च्‍वकाय् दुगु घाँय् गनावनी।”

आमोस 3:4

शिकार मदय्‌कं झालय् सिंह हाली ला? छुं हे मदय्‌कं व थःगु गुफाय् घ्‍वारघ्‍वार याइ ला?

आमोस 3:8

सिंह गर्जय् जुइबलय् सु मग्‍याइ? परमेश्‍वरं न्‍ववानादीबलय् सुनां अगमवाणी न्‍वमवासे च्‍वने फइ?

प्रकाश 13:2

व पशु चितुवा थें च्‍वं। वयागु तुति भालुयागु, म्‍हुतु सिंहयागु थें च्‍वं। अले वयात हे अजिङ्गरं थःगु शक्ति, थःगु सिंहासन व तःधंगु अधिकार बिल।