होशे 13:4 - नेवाः बाइबल

⁴ “तर जि ला परमप्रभु छिमि परमेश्‍वर खः। जिं छिमित मिश्र देशं पित हयागु खः। छिमिसं जि बाहेक सुं मेपिन्‍त परमेश्‍वर धकाः मानय् मयायेगु, छाय्‌धाःसा छिमित उद्धार याइम्‍ह जि जक खः।

होशे 13:4 ပူးပေါင်းရင်းမြစ်များ

२ राजा 18:35

छु! थुपिं देशयापिं द्यःत मध्‍ये सुनानं थःगु देशयात जिगु ल्‍हातं बचय् याये फुगु दु ला? परमप्रभुं यरूशलेमयात गथे यानाः बचय् याये फइ?”

यशैया 43:3

छाय्‌धाःसा जि परमप्रभु छिमि परमेश्‍वर खः, इस्राएलया पवित्र परमेश्‍वर, छिमि मुक्तिदाता। छन्‍त त्‍वतकेत मिश्र देश अले छंगु पलेसा कूश व सेबा जिं बी।

होशे 11:1

“इस्राएलयात मचाबलय् निसें हे जिं माया याना। जिं थःकाय्‌यात मिश्र देशं सःता।

होशे 12:10

जिं छिमित ख्‍याच्‍वः बीत अगमवक्तात छ्वयाहया, इमित यक्‍व दर्शन बिया, अले इमिपाखें हे जिं उखानत धया।”

होशे 12:9

“छिमित मिश्र देशं लिगनाहयाम्‍ह परमप्रभु परमेश्‍वर जि हे खः। छिमिगु क्‍वःछिनातःगु नखःचखःया दिनय् थें जिं हाकनं छिमित पालय् च्‍वने माय्‌काबी।

होशे 2:15

अन जिं वयात वयागु दाखया क्‍यब लितबी, अले आकोरया ब्‍यासियात आशाया लुखा यानाबी। अन वं थःगु ल्‍याय्‌म्‍हबलय्‌यागु दिं थें व मिश्र देशं वःगु दिं थें म्‍ये हाली।

होशे 2:20

जिं छन्‍त जिगु विश्‍वास बहःगुलीं थः कलाः यानातये, अले छं जितः परमप्रभु धकाः म्‍हसी।”

योना 2:10

अले परमप्रभुं न्‍यायात आज्ञा बियादिल। न्‍यां समुद्रया सिथय् वयाः योनायात ल्‍ह्वयाबिल।

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”