होशे 13:1 - नेवाः बाइबल

¹ एफ्राइम कुलं नवाइबलय् मनूत ग्‍यानाः थरथर खाइगु। इस्राएलय् एफ्राइम कुलयात तःधंकल, तर बालद्यःयात पुजा याःगुलिं इपिं दोषी जुल, अले इपिं सित।

होशे 13:1 ပူးပေါင်းရင်းမြစ်များ

उत्‍पत्ति 2:17

भिं व मभिंया ज्ञान बीगु सिमाया फल छता धाःसा नये मज्‍यू। नल धाःसा छ उखुन्‍हु हे सी।”

१ राजा 12:25

यारोबामं एफ्राइमया पहाडी देशय् च्‍वंगु शकेम शहरयात पखाः व ध्‍वाखा दय्‌काः बल्‍लाकल, अले व अन हे च्‍वन। वं अनं वनाः पनीएल शहर नं बल्‍लाक दय्‌कल।

अय्‍यूब 29:21

“मनूतय्‌सं यक्‍व आशा यानाः जिगु खँ न्‍यनीगु, अले जिगु सल्‍लाहया निंतिं सुम्‍क पियाच्‍वनीगु।

अय्‍यूब 29:22

जिं न्‍ववाये धुंकाः इमिसं छुं खँ तनी मखु। जिगु खँ इमिगु नुगलय् वा वइबलय् बँ प्‍याथें प्‍याइगु।

हितोपदेश 18:12

क्‍वमिलुपिन्‍त हनाबना तइ। घमण्‍डीत विनाशपाखे न्‍ह्यांवनाच्‍वनी।

यशैया 66:2

छु थःगु हे ल्‍हातं जिं आकाश व पृथ्‍वी दय्‌कागु मखु ला? अले फुक्‍कं थथे जू वःगु मखु ला? परमप्रभुं घोषणा यानादी। “आत्‍माय् चीमि खनीपिं व नुगः ख्‍वःपिन्‍त अले जिगु वचनय् थरथर खाइपिन्‍त जिं दयां स्‍वये।

यशैया 7:8

छाय्‌धाःसा अराम वया राजधानी दमस्‍कस स्‍वयाः बमलाः अले दमस्‍कस धाःसा जुजु रसीन स्‍वयाः नं बमलाः। तर इस्राएल खुइ न्‍यादँ दुने थःगु नां हे ल्‍यं मदय्‌क कुचा कुचा दलाः नाश जुयावनी।

होशे 11:2

तर जिं गुलि गुलि इस्राएलयात सःता, उलि उलि हे इपिं जिपाखें तापात। इमिसं बालद्यःतय्‌त बलि छाल। मूर्तिया थासय् धुँपाय् च्‍याकल।

होशे 2:10

वया प्रेमीतय्‌गु न्‍ह्यःने जिं लं त्‍वकाः पचिंनांगा यानाबी, सुनानं वयात जिगु शक्तिं बचय् याये फइ मखु।

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

होशे 8:4

इमिसं जितः न्‍यं हे मन्‍यंसे जुजुत ल्‍यल, इमिसं जितः न्‍यं हे मन्‍यंसे भारदारत ल्‍यल। इमिसं थःगु हे नाशया निंतिं थःगु लुँ व वहलं थःगु निंतिं मूर्ति दय्‌की।

गन्‍ती 10:22

अनंलि थःगु झण्‍डा ज्‍वनाः एफ्राइमया छाउनीया पुचः न्‍ह्यात। इमि न्‍ह्यलुवाः अम्‍मीहूदया काय् एलीशामा खः।

गन्‍ती 13:16

मोशां देशया चिवा कायेत छ्वःपिं मनूत थुपिं हे खः। नूनया काय् होशियायागु नां मोशां यहोशू छुनाबिल।

गन्‍ती 13:8

एफ्राइमया कुलपाखें नूनया काय् होशिया,

लूका 14:11

सुनां थःत थःम्‍हं तःधंकी व चिधनी। अले सुनां थःत थःम्‍हं चिधं ताय्‌की व तःधनी।”

रोमी 5:12

छम्‍ह मनुखं यानाः थ्‍व संसारय् पाप वल। अले थ्‍व पापं यानाः मनूत सी माल। फुक्‍क मनूतय्‌सं पाप याःगुलिं फुक्‍क मनूत सी माल।

२ कोरिन्‍थी 5:14

ख्रीष्‍टं जिमित माया यानादीगुलिं थुकथं जिमिसं ज्‍या यानाच्‍वनेमाःगु खः। फुक्‍क मनूतय्‌गु निंतिं ख्रीष्‍ट सिनादीगु खः, उकिं सिनादीम्‍ह ख्रीष्‍टनाप फुक्‍क मनूत सित।

यहोशू 3:7

परमप्रभुं यहोशूयात धयादिल, “थनिंनिसें जिं सकल इस्राएलीतय्‌गु न्‍ह्यःने छन्‍त तःधंके। अले इमिसं जि मोशालिसें दुगु थें छलिसें नं दु धकाः सी।

न्‍यायकर्ता 12:1

छुं ई लिपा एफ्राइमयापिं मनूतय्‌सं थः सेनायात मुंकल। अले खुसिया उखे वनाः सापोनय् इमिसं यिप्‍तायात धाल, “अम्‍मोनीतलिसें लडाइँ याःवनाबलय् जिमित छाय् सःता मदीयागु? जिमिसं छितः व छिगु छेँ छ्वयेकाबी।”

न्‍यायकर्ता 8:1

एफ्राइमया मनूतय्‌सं गिदोनयात धाल – “छिं छाय् जिपिंलिसें थज्‍याःगु व्‍यवहार यानादियागु? मिद्यानलिसें ल्‍वाःवंबलय् छिं जिमित छाय् सःताः मदीयागु?” थ्‍व खँयात कयाः इपिं वलिसें कचकच याः वल।

१ शमूएल 15:17

शमूएलं धाल, “उगु इलय् छि थःम्‍हं थःत जि ला छुं नं मखु धकाः ताय्‌कल, तर आः ला छि इस्राएली कुलतय् नायः खः। अले परमप्रभुं हे छितः जुजु अभिषेक यानादिल।