होशे 12:9 - नेवाः बाइबल

⁹ “छिमित मिश्र देशं लिगनाहयाम्‍ह परमप्रभु परमेश्‍वर जि हे खः। छिमिगु क्‍वःछिनातःगु नखःचखःया दिनय् थें जिं हाकनं छिमित पालय् च्‍वने माय्‌काबी।

होशे 12:9 ပူးပေါင်းရင်းမြစ်များ

उत्‍पत्ति 25:27

इपिं तःधि जुसेंलिं एसाव छम्‍ह बांलाःम्‍ह शिकारी व पिने जुयाः जुइम्‍ह जुल। याकूब धाःसा सोझाम्‍ह व छेँज्‍या जक याइम्‍ह जुल।

२ शमूएल 7:2

दाऊदं नातान अगमवक्तायात धाल, “थन जि देवदारु सिं दय्‌कूगु लाय्‌कुलिइ च्‍वनाच्‍वनागु दु, परमप्रभुया बाचाया सनू धाःसा पालय् दु।”

एज्रा 3:4

इमिसं नियमकथं बल्‍चाबाय्‌या नखः हन। नखःया छन्‍हु छन्‍हुया निंतिं क्‍वःछिनातःगु ल्‍याःकथं इमिसं होमबलि छाल।

भजनसंग्रहया सफू 49:7

धात्‍थें सुं नं मनुखं मेम्‍हय्‌सित गुबलें मू पुलाः त्‍वःतके फइ मखु, इमिसं परमेश्‍वरयात थःगु प्राणया मू पुले फइ मखु।

भजनसंग्रहया सफू 81:10

मिश्र देशं छिमित लिगनाः हयाम्‍ह जि हे छिमि परमप्रभु परमेश्‍वर खः। छिमिसं थःपिनिगु म्‍हुतु चाय्‌कि, जिं जाय्‌काबी।

प्रस्‍थान 20:2

“छिपिं दास दासी जुयाच्‍वंगु मिश्र देशं पित हयाम्‍ह जि परमप्रभु छिमि परमेश्‍वर खः।

हितोपदेश 30:12

छथ्‍वः मनूत अशुद्ध जूसां थःपिन्‍त तसकं शुद्ध ताय्‌काजुइपिं दु।

यर्मिया 35:7

छिमिसं गुबलें छेँय् दय्‌के मते, पुसा नं तये मते वा दाखक्‍यब नं दय्‌के मते। छिमिसं थज्‍याःगु ज्‍या गुबलें याये मते। तर जिवंकाःछि हे छिपिं पालय् च्‍वँ। अले छिपिं चाचाःहिला जुयाच्‍वंगु थ्‍व देशय् ताःई तक च्‍वनी।’

यर्मिया 5:27

गथे पंजः शिकारीं झंगःतय्‌सं जाइ, अथे हे इमिगु छेँनं छलं जाःगु दु। उकिं इपिं तःमि व बल्‍लाःपिं जूगु दु।

होशे 11:1

“इस्राएलयात मचाबलय् निसें हे जिं माया याना। जिं थःकाय्‌यात मिश्र देशं सःता।

होशे 13:4

“तर जि ला परमप्रभु छिमि परमेश्‍वर खः। जिं छिमित मिश्र देशं पित हयागु खः। छिमिसं जि बाहेक सुं मेपिन्‍त परमेश्‍वर धकाः मानय् मयायेगु, छाय्‌धाःसा छिमित उद्धार याइम्‍ह जि जक खः।

होशे 2:15

अन जिं वयात वयागु दाखया क्‍यब लितबी, अले आकोरया ब्‍यासियात आशाया लुखा यानाबी। अन वं थःगु ल्‍याय्‌म्‍हबलय्‌यागु दिं थें व मिश्र देशं वःगु दिं थें म्‍ये हाली।

लेवी 19:36

छिमिसं ठीक कथंयागु धःताल्‍जु अले ठीक कथंयागु नाप तौल नं तयेमाः। जि परमप्रभु छिमि परमेश्‍वर खः। जिं छिमित मिश्र देशं पित हया।

लेवी 26:13

जि छिमित मिश्र देशं पितहयाम्‍ह परमप्रभु छिमि परमेश्‍वर खः। छिपिं मिश्रीतय् दास जुयाच्‍वने मज्‍यू धकाः जिं छिमित मिश्रं पित हयागु खः। जिं छिमित झ्‍यातुगु कु लिकयाः छ्यं धस्‍वाकाः जुइपिं यानागु दु।

मीका 6:4

जिं ला छिमित मिश्र देशं पित हया, छिमित दासत्‍वया देशं लिफ्‍याना हया। अले मोशा, हारून व मरियमयात छिमिगु नायः जुइत छ्वयाहया।

जकरिया 11:5

न्‍यानायंकीपिन्‍सं फैयात स्‍याइ, अय्‌नं इमित सजाँय जुइ मखु। इमित म्‍यूपिन्‍सं थथे धाइ, ‘परमप्रभुयात तःधंकि, जिपिं तःमि जुल।’ फैजवाःतय्‌सं थः बथांयात दया मया।

गन्‍ती 15:41

छिमि परमेश्‍वर जुइत छिमित मिश्र देशं पितहयाम्‍ह परमप्रभु छिमि परमप्रभु परमेश्‍वर जि हे खः।’”

यूहन्‍ना 7:2

थुबलय् यहूदीतय्‌गु बल्‍चाबाय्‌या नखः थ्‍यंकः वये धुंकल।