होशे 12:3 - नेवाः बाइबल

³ मांयागु कोखय् हे याकूब थः दाजु एसावनापं ल्‍वात। तःधिक जुइ धुंकाः व परमेश्‍वरनापं ल्‍वात।

होशे 12:3 ပူးပေါင်းရင်းမြစ်များ

उत्‍पत्ति 25:26

वयां लिपा बूम्‍ह मचा थः दाजु एसावयागु ग्‍वालि ज्‍वनाः बुल। उकिं इमिसं वयागु नां याकूब तल। इपिं बूबलय् इसहाक खुइदँ दये धुंकल।

२ राजा 17:18

उकिं परमप्रभु इस्राएल खनाः तंचायादिल। इमित थःगु न्‍ह्यःनं अलग यानादिल। यहूदाया कुल जक ल्‍यनाच्‍वन।

२ राजा 17:20

उकिं परमप्रभुं इस्राएलयापिं फुक्‍क मनूतय्‌त त्‍वःतादिल। वय्‌कलं इमित दुःख बियादिल, लुटे याइपिनिगु ल्‍हातय् बियादिल। लिपतय् इमित थःगु न्‍ह्यःनं पितिनाछ्वयादिल।

२ राजा 17:23

परमप्रभुं थः दास अगमवक्तातपाखें ख्‍याच्‍वः बियादीगु थें इमित थःगु न्‍ह्यःनं पितिनामदीतले इपिं उकिं लिहां मवः। उकिं इस्राएलीतय्‌त ज्‍वनाः इमिगु देशं अश्‍शूरय् यंकल। इपिं थौं तक अन दनि।

यर्मिया 2:9

“उकिं जिं हाकनं छिमित पाः याये, अले छिमि छय्‌पिन्‍त नं पाः याये” परमप्रभुं धयादी।

इजकिएल 7:3

आः छंगु अन्‍त वये धुंकल, अले जिं थःगु तं छन्‍त प्‍वंके। छंगु पहःचहःकथं जिं न्‍याय याये। छंगु घच्‍चाइपुगु ज्‍याया निंतिं छन्‍त लिच्‍वः बी।

इजकिएल 7:8

जिं थःगु तं छन्‍त प्‍वंके त्‍यनागु दु। छंगु विरोधय् जिगु तं त्‍वःता हये। छंगु पहःचहःकथं जिं न्‍याय याये। छंगु फुक्‍क घच्‍चाइपुगु ज्‍याया निंतिं छन्‍त लिच्‍वः बी।

होशे 4:1

अय् इस्राएलीत, परमप्रभुया वचन न्‍यँ! छाय्‌धाःसा थ्‍व देशय् च्‍वंपिन्‍त परमप्रभुया द्वपं दु – “थ्‍व देशय् विश्‍वास याये बहसू मदु। सदां दइगु दयामाया मदु, व परमेश्‍वरया बारे ज्ञान नं मदु।

होशे 4:9

पुजाहारीतय्‌सं नं मनूतय्‌सं थें सजाँय फयेमाली। जिं इमित सजाँय बी अले इमिसं थःम्‍हं याःगु मभिंगु ज्‍याया लिच्‍वः जिं इमित बी।

आमोस 2:4

परमप्रभुं थथे धयादी – “यहूदाया मनूतय्‌सं तःक्‍व हे पापयात, जिं इमित सजाँय मब्‍यूसे त्‍वःते मखु। इमिसं परमप्रभुया व्‍यवस्‍थायात हेला यात, वय्‌कःया विधित पालन मयात। इमि पुर्खात ल्‍यूवंपिं द्यःतय्‌सं इमित मखुगु लँय् यंकल।

मीका 6:2

“हे पर्वतत, हे पृथ्‍वीया बल्‍लाःगु जग परमप्रभुयागु द्वपं ध्‍यान बियाः न्‍यँ। छाय्‌धाःसा थः प्रजालिसे वय्‌कःया छगू मुद्दा दु, वय्‌कलं इस्राएलयात छगू अपराधया द्वपं बियादीगु दु।

रोमी 9:11

अले निम्‍हं काय् बुइ न्‍ह्यः हे, अले भिंगु मभिंगु ज्‍याखँ मयाःनिबलय् हे थःत यःथें परमेश्‍वरं ल्‍ययादिल।