होशे 11:4 - नेवाः बाइबल

⁴ जिं इमित मनूतय्‌गु दया व मायाया खिपतं सालाः हया। इमिगु गःपतं जुवा ल्‍ह्वनाबिया अले इमित नकेत जि क्‍वछुना।

होशे 11:4 ပူးပေါင်းရင်းမြစ်များ

२ शमूएल 7:14

जि वया बौ जुइ अले व जिम्‍ह काय् जुइ। वं अधर्म यात धाःसा कथिं वयात जिं सजाँय बी अले मनूत छ्यलाः वयात कोर्रां दाये तर जिं छ स्‍वयाः न्‍हापा शासन याइम्‍ह शाऊलपाखें लित कयागु थें जिं वपाखें धाःसा जिगु सदां दयाच्‍वनीगु दयामाया गुबलें लित काये मखु।

भजनसंग्रहया सफू 105:40

इमिसं फ्‍वंबलय् वय्‌कलं इमिथाय् बट्टाई झंगःत छ्वयादिल। वय्‌कलं स्‍वर्गं मरि बियाः इमिगु प्‍वाः जाय्‌कादिल।

प्रस्‍थान 16:32

मोशां धाल, “परमप्रभुं आज्ञा बियादीगु दु, ‘छिमित मिश्रं पित हयाबलय् मरुभूमिइ गज्‍याःगु नसा नकागु खः, लिपा वइपिं पुस्‍तातय्‌सं नं खनेमा धकाः इमिगु निंतिं छगू ओमेर कयाः तयाति।’”

श्रेष्‍ठगीत 1:4

जितः छिनापं हे यंकादिसँ, झीपिं याकनं हे बिस्‍युं वनेनु! जुजुं जितः थः द्यनेगु कोथाय् यंकादीमा। जिपिं छिके लय्‌ताये अले खुशी जुये, अले दाखमद्य स्‍वयाः नं छिगु मायाया प्रशंसा याये। इमिसं छितः ल्‍वय्‌क माया याइ।

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

लेवी 26:13

जि छिमित मिश्र देशं पितहयाम्‍ह परमप्रभु छिमि परमेश्‍वर खः। छिपिं मिश्रीतय् दास जुयाच्‍वने मज्‍यू धकाः जिं छिमित मिश्रं पित हयागु खः। जिं छिमित झ्‍यातुगु कु लिकयाः छ्यं धस्‍वाकाः जुइपिं यानागु दु।

यूहन्‍ना 12:32

जितः यख्‍खाइबलय् जिं फुक्‍क मनूयात थःथाय् सालाकाये।”

२ कोरिन्‍थी 5:14

ख्रीष्‍टं जिमित माया यानादीगुलिं थुकथं जिमिसं ज्‍या यानाच्‍वनेमाःगु खः। फुक्‍क मनूतय्‌गु निंतिं ख्रीष्‍ट सिनादीगु खः, उकिं सिनादीम्‍ह ख्रीष्‍टनाप फुक्‍क मनूत सित।

व्‍यवस्‍था 32:12

परमप्रभु याकःचां हे इमित लँपु क्‍यनादिल, इपिं विदेशी द्यःतय् ल्‍यू मवं।

व्‍यवस्‍था 32:14

वय्‌कलं इमित सा-द्वहंया बथां व फैच्‍वलय्‌या पुचःपाखें धौ, दुरु बियादिल। स्‍वयेज्यूपिं चिधिकःपिं भ्‍याःचा व च्‍वलय्‌, दुगु व बाशानया भिंभिंपिं फैत अले भिंगु छुचुं इमित नकेत बियादिल। भिंगु दाखमद्य नं त्‍वनेत इमित बियादिल।