होशे 11:3 - नेवाः बाइबल

³ एफ्राइमयात ल्‍हाः ज्‍वनाः न्‍यासि वनेत स्‍यनाबियाम्‍ह जि हे खः। तर जिं इमित लंका बियागु धकाः इमिसं मसिल।

होशे 11:3 ပူးပေါင်းရင်းမြစ်များ

भजनसंग्रहया सफू 107:20

वय्‌कलं थःगु वचन छ्वयाः इमित लंकादिल, अले इमित सीगालं बचय् यानादिल।

प्रस्‍थान 15:26

वय्‌कलं धयादिल, “छिमिसं थःपिनि परमप्रभु परमेश्‍वरया खँ ध्‍यान बियाः बांलाक न्‍यन धाःसा अले वय्‌कःया मिखाय् छु छु पाय्‌छि जू व यात धाःसा अले वय्‌कःया उजंयात न्‍हाय्‌पं बियाः न्‍यन धाःसा अले वय्‌कःया फुक्‍क नियमत बांलाक पालन यात धाःसा जिं मिश्रीतय्‌थाय् छ्वयाहयागु छुं हे ल्‍वय् छिमिथाय् छ्वयाहये मखु। छाय्‌धाःसा जि हे छिमित लंकाबीम्‍ह परमप्रभु खः।”

प्रस्‍थान 19:4

‘जिं मिश्रीतय्‌त छु याना, अले छिमित गुकथं इमां थः मचायात पपुतिइ क्‍वबियाहः थें क्‍वबियाः थःथाय् हया धकाः ला छिमिसं थःपिन्‍सं हे खंगु दु।

प्रस्‍थान 23:25

“छिमिसं परमप्रभु थः परमेश्‍वरयागु जक आराधना या अले वय्‌कलं छिमिगु नसा त्‍वंसाय् आशिष बियादी। अले जिं छिमिथासं ल्‍वय् चीकाछ्वये।

यशैया 1:2

हे आकाश, न्‍यँ! हे पृथ्‍वी, बांलाक ध्‍यान बियाः न्‍यँ! छाय्‌धाःसा परमप्रभुं थथे धयादीगु दु, “जिं थःकाय् म्‍ह्याय्‌पिन्‍त सुसाःकुसाः यानाः ब्‍वलंका, अय्‌नं इपिं जिराहा जुयाः जिगु विरोधय् विद्रोह यात।

यशैया 30:26

परमप्रभुं थः प्रजायात घाः चिनादी खुन्‍हु अले वय्‌कलं इमित यानादीगु घाः लाय्‌कादी खुन्‍हु तिमिला सूर्य थें च्‍वनी अले सूर्यया जः न्‍हय्‌न्‍हुया जः थें न्‍हय्‌दुगं अप्‍वः ज्‍वाल्‍ल थी।

यशैया 46:3

परमप्रभुं धयादी, “हे याकूबया घराना न्‍यँ! इस्राएलया घरानाय् बचय्‌जूपिं सकसिनं न्‍हाय्‌पं ब्‍यु! छिपिं बूसांनिसें जिं छिमित सुसाःकुसाः यानागु दु।

यशैया 63:9

इमिगु फुक्‍क दुःखकष्‍टय् वय्‌कः नं दुःखी जुयादिल, अले वय्‌कःया दूत इमित बचय् यायेत इमिथाय् वल। वय्‌कःया दयामाया व कृपाय् वय्‌कलं मू पुलाः इमित छुत्‍कारा यानादिल। वय्‌कलं इमित दुःखकष्‍टपाखें थकयादिल, अले न्‍हापा न्‍हापायागु इलय्‌ वय्‌कलं इमित क्‍वबियादिल।

यर्मिया 30:17

परमप्रभुं धयादी, ‘जिं छन्‍त वासः यानाः छंगु घाः लाय्‌काबी, छाय्‌धाःसा छन्‍त सकसिनं अलग यानातःम्‍ह सुनां वास्‍ता मयाःम्‍ह सियोन धकाः धाइगु।’

यर्मिया 8:22

छु गिलादय् मलहम मदु ला? छु अन सुं वैद्य मदु ला? जिमि मनूत छाय् मलंगु लय्?

होशे 14:4

“जिमि थः मनूत मखुगु लँय् वंगुलिइ जिं इमित क्षमा यानाबी, जिं थःयत्‍थें इमित माया याये, आवंलि गुबलें इपिंनापं तंम्‍वय् मखु।

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

होशे 7:1

जिं इस्राएलयात लाय्‌काबीबलय् एफ्राइमया दुष्‍टता, व सामरियाया दुष्‍ट ज्‍या खनेदः वइ। इमिसं मेपिन्‍त ध्‍वंलानां तुं च्‍वनी खुँतय्‌सं छेँ स्‍यंकी, खुयायंकी, डाँखुतय्‌सं लँय् लुतय् याइ।

होशे 7:15

जिं इमित स्‍यनेकने यानाः अले बल्‍लाका, अय्‌नं इमिसं जिगु विरोधय् जाः ग्‍वयाजुइ।

प्रेरित 13:18

पिइदँ तक मरुभूमिइ च्‍वंबलय् इमिगु मभिंगु ज्‍याखँयात सह यानादिल।

व्‍यवस्‍था 1:31

परमप्रभु छिमि परमेश्‍वरं छिपिं थन थ्‍यंकः मवतले गथे यानाः छम्‍ह बौनं काय्‌यात क्‍वब्‍यूगु थें लँ धुछि छिमित क्‍वबियाः हयादीगु खः व छिमिसं मरुभूमिइ नं खन।”

व्‍यवस्‍था 33:27

छिमिगु शरण कायेगु थाय् सदांयाम्‍ह परमेश्‍वर खः, छिमिगु क्‍वय् वय्‌कःया ल्‍हाः न्‍ह्याबलें दयाच्‍वनी। ‘इमित नाश या’ धाधां वय्‌कलं छिमिगु न्‍ह्यःनेनं छिमि शत्रुतय्‌त लिनाछ्वइ।

व्‍यवस्‍था 8:2

छिमित क्‍वमिलु यायेत, छिमिगु मन स्‍वयेत अले वय्‌कःया आज्ञा मानय् याइ कि मयाइ धकाः सीकेत थुपिं पिइदँ यंकं मरुभूमिया लँपुइ परमप्रभु छिमि परमेश्‍वर न्‍ह्यलुवाः जुयाः गथे यानाः छिमित हयादिल व लुमंकि।