होशे 10:5 - नेवाः बाइबल

⁵ सामरियाय् च्‍वंपिं मनूतय्‌सं बेथ-आवनय् इमि द्वहंचाया मूर्तियात छु गथे जुइ धकाः धन्‍दा काइ। इपिं व मूर्तिया निंतिं दुखं च्‍वनी, अले मूर्तियात पुजा याइपिं पुजाहारीत नं, गुपिं महिमाया कारणं लय्‌लय् ताःगु खः, छाय्‌धाःसा व मूर्तियात देशं पिने यंकी।

होशे 10:5 ပူးပေါင်းရင်းမြစ်များ

२ राजा 10:29

तर यारोबाम जुजुं इस्राएलयात याकूगु पाप वं थःम्‍हं नं याना हे च्‍वन। येहूं बेथेल व दानय् लुँया द्वहंचाया पुजा यायेगु चलनयात न्‍हंकामछ्व।

२ राजा 17:16

इमिसं परमप्रभु इमि परमेश्‍वरया फुक्‍क आज्ञा त्‍वःतल, अले पुजा यायेत धातुया निम्‍ह द्वहं दय्‌कल। इमिसं अशेरा द्यःमय्‌जुया छगू थां दय्‌कल। इमिसं आकाशया नगुयात भागि यात, बालद्यःयागु सेवा यात।

२ राजा 23:5

अले वं यहूदाया जुजुपिन्‍सं यहूदाया शहर शहरय् व यरूशलेमया लिक्‍क लाःगु पुजा याइगु थासय् बालद्यः, सूर्य, तिमिला, नगुतय्‌गु लागि धुपाँय् च्‍याकेत यहूदायापिं जुजुपिन्‍सं ल्‍ययातःपिं द्यःपालातय्‌त लिकाल।

२ इतिहास 11:15

जुजु यारोबामं आराधना यायेगुथाय् व थःम्‍हं दय्‌कूपिं दुगुचा व द्वहंचाया मूर्तिया लागि थः पुजाहारीत ल्‍यल।

२ इतिहास 13:8

“आः छिमिसं परमप्रभुं दाऊदया सन्‍तानया ल्‍हातय् बियादीगु राज्‍यलिसें ल्‍वायेगु बिचाः यानाच्‍वंगु दु। छिमिके छगू तःधंगु सेना व यारोबामं छिमिगु निंतिं द्यः धकाः दय्‌काब्‍यूगु लुँयापिं द्वहंचात दु।

यशैया 46:2

द्यःत क्‍वछुइ अले नापं भ्‍वसुली। द्यःतय्‌सं थःत बचय् याये फइ मखु। इपिं द्यःतय्‌त कब्‍जा यानाः यंकी।

होशे 13:2

इमिसं धातुयागु मूर्तित दय्‌काः आः झन यक्‍व पाप याइ, अले इमिसं थःगु हे निंतिं शिल्‍पकारतय्‌सं दय्‌कूगु वहःयागु मूर्तित दय्‌कल। थुपिं मनूतय्‌गु खँय् थथे धयातःगु दु, “इमिसं मनू बलि छाइ, द्वहंया मूर्तियात चुप्‍पा नइ।”

होशे 4:15

“अय् इस्राएल, छं व्‍यभिचार याःसां नं यहूदा दोषी मजुइमा।” “छिपिं गिलगालय् वने मते बेथ-आवनय् नं वने मते, अले म्‍वानाच्‍वंम्‍ह परमप्रभुयात साक्षी तयाः पाफये मते।

होशे 5:8

“गिबाय् तुरही व रामाय् नेकू पु। बेथ-आवनय् लडाइँया सः पिका। अय् बेन्‍यामीन, न्‍ह्यलुवाः जु।

होशे 9:1

अय् इस्राएलयापिं मनूत! मेगु जात जातियापिं मनूत थें लय् लय्‌ताये मते। छाय्‌धाःसा छिपिं थः परमेश्‍वरनापं विश्‍वास यायेबहः मजूगु दु। अन्‍नया दक्‍व खलाय् वेश्‍या ज्‍या याइपिनिगु ज्‍याला कायेत छिमिसं यय्‌काच्‍वन।

होशे 9:11

एफ्राइमया गौरव झंगः थें ब्‍वयावनी, छाय्‌धाःसा छिमि सुं मिसां न मचा बुइकी, न प्‍वाथय् दइ, न प्‍वाथय् मचा थाइ।

आमोस 3:14

“जिं इस्राएलीतय्‌त इमिसं याःगु पापया सजाँय बीगु दिनय् इमिसं याःगु पापया निंतिं सजाँय बी, जिं बेथेलया वेदीतय्‌त भज्‍यंक नाश याये, अले वेदीया नेकूत त्‍वधुलाः बँय् कुतुंवइ।

सपन्‍याह 1:4

“यहूदाया विरोधय् अले यरूशलेमय् च्‍वंपिं सकल मनूतय्‌गु विरोधय् जिं थःगु ल्‍हाः ल्‍ह्वने। अले थ्‍व थासं बालद्यःया ल्‍यंदुपिन्‍त व मूर्ति व द्यः पुज्‍याइपिं पुजाहारीतय्‌गु लुमन्‍ति हे ल्‍यं मदय्‌क न्‍हंकाछ्वये।

प्रेरित 19:27

थथे हे जुया च्‍वंसा ला झीगु मूर्ति दय्‌केगु ज्‍या जक छखे लाइगु मखु, अपाय्‌धंम्‍ह आर्तेमिसयागु देगःनापं ज्‍यालगय् जुइ मखुत। अले हानं सारा एशियायापिं व सारा संसारयापिन्‍सं पुजा यानातःम्‍ह अपाय्‌धंम्‍ह द्यःमय्‌जुयात पुजा यायेगु नं त्‍वःता हइ।”

यहोशू 7:2

यहोशूं बेथेलया पुर्बपाखे व बेथ-आवनया न्‍ह्यःने लाःगु ऐ शहरय् यरीहों थथे धयाः मनूत छ्वल, “अन वनाः उकियागु चिवा का।” उपिं मनूत वन अले ऐ शहरयागु चिवा काल।

न्‍यायकर्ता 18:24

मीकां धाल – “जिं थःगु लागि दय्‌कागु जिमि द्यःत छिमिसं यंकल। छिमिसं जिमि पुजाहारी नं यंकल। छिमिसं जितः छुं नं त्‍वःमतू। छिमिसं– ‘छन्‍त छु जुल? धकाः गथे यानाः न्‍यने फुगु?’”