होशे 10:2 - नेवाः बाइबल

² इपिं ध्‍वंलाइपिं खः। आः इमिसं थःगु दोषया सजाँय फये हे माली। परमप्रभुं इमिगु वेदीत नाश यानाबी, अले च्‍वखगु ल्‍वहंया थांत थुनाबी।

होशे 10:2 ပူးပေါင်းရင်းမြစ်များ

१ राजा 18:21

एलियां मनूतय् न्‍ह्यःने वनाः थथे धाल, “छिपिं गुबलय् तक दोमन जुयाच्‍वनेगु? परमप्रभु हे परमेश्‍वर खःसा वया ल्‍युने हुँ। बाल परमेश्‍वर खःसा वया ल्‍युने हुँ।” तर मनूतय्‌सं छुं मधाः।

प्रस्‍थान 23:24

इमि द्यःतय्‌त भागियाये मते, इमिगु पुजा याये मते। अय्‌नं उपिं द्यःतय्‌त स्‍यंकाब्‍यु। अले इमिसं पुजा याइगु ल्‍वहंतय्‌त तछ्यानाब्‍यु।

हितोपदेश 11:18

दुष्‍टत छुं ईया निंतिं जक तःमि जुइ। धर्मीतय्‌त सदांया निंतिं सिरपाः दइ।

यशैया 44:18

धात्‍थें थज्‍याःपिं मनूत मूर्ख खः, इमिसं थु हे मथू! इमिगु मिखा तिनातःगु दु अले इमिसं छुं हे मखं। इमिगु नुगः नं तिनातःगु दु अले इमिसं छुं नं मथू।

यर्मिया 43:13

वं मिश्र देशय् दुगु सूर्यया देगःया थांत स्‍यंकाबी, अले मिश्र देशया द्यःतय् देगःत मिं नकाबी।’”

इजकिएल 14:5

इमिगु मूर्तितय्‌गु कारणं जितः त्‍वःतावंपिं इस्राएलया घरानाया नुगःयात जिं हाकनं ज्‍वनेत जिं थथे याये।’

होशे 12:11

गिलाद दुष्‍ट खः ला? अन च्‍वंपिं मनूत ज्‍यालगय्‌ मजूपिं खः! इमिसं गिलगालय् द्वहंतय्‌त बलि छाइ ला? इमिगु वेदीत बुँ पालिपिन्‍सं बुँइ ल्‍वहं मुंकातःगु थें जुइ।

होशे 13:16

थः परमेश्‍वरया विरोधय् विद्रोही जूगुलिं सामरियाय् च्‍वंपिं मनूतय्‌सं थःगु दोषया निंतिं सजाँय फये हे माली। इमित तरवारं स्‍याइ, अले इमि मस्‍तय्‌त बँय् बस्‍वानाः स्‍याइ, इमि प्‍वाथय् दुपिं मिसातय्‌गु प्‍वाः फायाबी।”

होशे 3:4

थुकथं इस्राएलीत यक्‍व दिं तक राजा वा राजकुमार मदय्‌क बलिदान व पुजा यायेगु ल्‍वहंया थां मदय्‌क व एपोद व छेँया द्यःत मदय्‌काः च्‍वनी।

होशे 7:8

“एफ्राइम यक्‍व जात जातितनापं ल्‍वाकःबुकः जुइ। एफ्राइम छखें जक बूगु मरि थें खः।

लेवी 26:30

जिं छिमिगु पुजा यायेगु देगःचात स्‍यंकाबी, अले छिमिगु धुपाँय्‌ च्‍याकेगु मकःयात नं स्‍यंकाबी, अले छिमिगु सीम्‍हयात उपिं जीवन मदुगु मूर्तितय्‌गु द्यःने तयाबी। जिं स्‍वइबलय् छिपिं घचाइपुसे च्‍वंपिं जुइ धुंकूगु दु।

मीका 5:13

छिमिसं दय्‌कातःगु मूर्ति अले च्‍वखगु ल्‍वहंत नं नाश यानाबी। अले हाकनं छिपिं छिमिसं हे दय्‌कातःगु मूर्तिया न्‍ह्यःने क्‍वछुइ मखु।

सपन्‍याह 1:5

छेँयागु कःसि च्‍वनाः नगुत पुज्‍याइपिन्‍त, क्‍वछुनाः परमप्रभुया नामं पाफया नं मोलोखया नामं नं पाफइपिन्‍त,

जकरिया 13:2

“उखुन्‍हु हे जिं देशं मूर्तितय्‌गु नां तक हे ल्‍यं मदय्‌क हुयाछ्वये। अले इमिगु लुमन्‍ति तक हे दइ मखु। फताहा अगमवक्तातय्‌त व अशुद्ध आत्‍मायात नं जिं देशं पितिनाछ्वये धकाः दक्‍व शक्ति दुम्‍ह परमप्रभुं धयादी।

मत्ती 6:24

“सुनानं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।

लूका 16:13

“सुं च्‍यलं निम्‍ह मालिकयागु सेवा याये फइ मखु, छाय्‌धाःसा वं छम्‍ह मालिकयात अप्‍वः यय्‌कूसा, मेम्‍ह मालिकयात यय्‌की मखु। वं छम्‍हय्‌सिनं धाःथें याःसा, मेम्‍हय्‌सिनं धाःगु खँ न्‍यनी मखु। अथे हे छिमिसं परमेश्‍वर व धन निगूयां सेवा याये फइ मखु।”

याकूब 1:8

थथे दोमन जूम्‍ह मनूयागु ज्‍याखँ थातय् लाइ मखु।

याकूब 4:4

हे विश्‍वास त्‍वःतूपिं मनूत, संसारयात माया याइपिं परमेश्‍वरया शत्रु खः धकाः छिमिसं मस्‍यू ला? संसार नाप मिलय् जुइपिन्‍सं परमेश्‍वरयात शत्रु याइ।

१ यूहन्‍ना 2:15

थ्‍व संसारयात माया याये मते। थ्‍व संसारय् च्‍वंगु चिजबिजयात नं ल्‍वःवंके मते। संसारयात माया यानाजुइम्‍ह मनुखं परमेश्‍वरयात माया याइ मखु।

१ शमूएल 5:4

तर कन्‍हय् खुन्‍हु सुथय् इपिं दनावःबलय् हाकनं व मूर्ति परमप्रभुया सनूया न्‍ह्यःने भ्‍वसुलाच्‍वंगु खन। अले वया छ्यं व निपा ल्‍हाः नं छुतय् जुयाः लुखा क्‍वय् लाःवनाच्‍वन। वयागु म्‍ह धाःसा तमज्‍याः।