होशे 10:1 - नेवाः बाइबल

¹ इस्राएल न्‍यनावनाच्‍वंगु छमा दाखमा खः। वं ला थःगु हे लागि फल सय्‌कल। गुलि यक्‍व वं फल सय्‌कल उलि हे वं वेदीत दय्‌कल। थःगु देशय् गुलि अन्‍न सल उलि हे वं थः पुजा यायेगु ल्‍वहंया थांत बांलाकल।

होशे 10:1 ပူးပေါင်းရင်းမြစ်များ

१ राजा 14:23

इमिसं थःगु निंतिं पुजा याइगु थाय्, च्‍वखगु ल्‍वहंया थां व अशेरा द्यःमय्‌जुया थांत फुक्‍क गुँच्‍वकाय् च्‍वकाय् व फुक्‍क वाउँगु सिमाया क्‍वय् थापं यात।

यर्मिया 11:13

हे यहूदा, छिमिगु गुलि शहरत दु, उलि हे छिमि द्यःत नं दु। यरूशलेमय् गल्‍लि गल्‍लि दु, मछालापुसे च्‍वंम्‍ह बालद्यःया लागि छिमिसं धुपाँय् च्‍याकीगु वेदीत नं उलि हे दय्‌कूगु दु।’

यर्मिया 11:17

जि दक्‍व शक्ति दुम्‍ह परमप्रभुं, छिमित पिनागु खः, जिं छिमिथाय् विपत्ति हयेगु फैसला यानागु दु। छाय्‌धाःसा इस्राएलया घराना व यहूदाया घरानां मभिंगु ज्‍या याःगु दु। बालद्यःया निंतिं धुपाँय् च्‍याकाः जितः तंचाय्‌कूगु दु।

यर्मिया 2:28

तर छिमिसं थःगु निंतिं दय्‌कूपिं द्यःत गन वन? छिमित दुःख जुइबलय् इमिसं छिमित बचय् याये फुसा इपिं वयेमा। हे यहूदा, छिमि गुलि शहरत दु, छिमि द्यःत नं उलि हे दु।

होशे 12:11

गिलाद दुष्‍ट खः ला? अन च्‍वंपिं मनूत ज्‍यालगय्‌ मजूपिं खः! इमिसं गिलगालय् द्वहंतय्‌त बलि छाइ ला? इमिगु वेदीत बुँ पालिपिन्‍सं बुँइ ल्‍वहं मुंकातःगु थें जुइ।

होशे 12:8

एफ्राइमं तःधंछुयाः धाइ, “जि तसकं धनी खः, जि धनी जूगु दु। इमिसं जिके छुं नं अधर्म वा पाप लुइके फइ मखु।”

होशे 13:15

थः दाजुकिजातय्‌गु दथुइ व जियावसां, परमप्रभुपाखें छगू पुर्बया फय् मरुभूमिं जुया वइ। वयागु लःयागु मुहान सुनावनी, अले तुंथि च्‍वंगु लः नं सुनावनी। वयागु दक्‍व मूं वंगु चिज दुगु धुकुति लुतय् याइ।

होशे 13:2

इमिसं धातुयागु मूर्तित दय्‌काः आः झन यक्‍व पाप याइ, अले इमिसं थःगु हे निंतिं शिल्‍पकारतय्‌सं दय्‌कूगु वहःयागु मूर्तित दय्‌कल। थुपिं मनूतय्‌गु खँय् थथे धयातःगु दु, “इमिसं मनू बलि छाइ, द्वहंया मूर्तियात चुप्‍पा नइ।”

होशे 13:6

गुबलय् जिं इमित नका त्‍वंका, उबले इमि प्‍वाः जाल अले सन्‍तुष्‍ट जुल। इपिं घमण्‍डी जुल, अले इमिसं जितः ल्‍वःमंकल।

होशे 2:10

वया प्रेमीतय्‌गु न्‍ह्यःने जिं लं त्‍वकाः पचिंनांगा यानाबी, सुनानं वयात जिगु शक्तिं बचय् याये फइ मखु।

होशे 2:8

वयात अन्‍न, न्‍हूगु दाखमद्य व जैतूनया चिकं ब्‍यूम्‍ह अले इमिसं बालद्यःयात पुजा यायेत छ्यःगु लुँ व वहः वयात यक्‍व अप्‍वः ब्‍यूम्‍ह जि हे खः धकाः वं गुबलें मानय् मयाः।

होशे 3:4

थुकथं इस्राएलीत यक्‍व दिं तक राजा वा राजकुमार मदय्‌क बलिदान व पुजा यायेगु ल्‍वहंया थां मदय्‌क व एपोद व छेँया द्यःत मदय्‌काः च्‍वनी।

होशे 4:7

गुलि गुलि पुजाहारीया ल्‍याः अप्‍वयावल, उलि हे अप्‍वः इमिसं जिगु विरोधय् पाप याना हल। अथे जुयाः जिं छिमिगु मान इज्‍जतयात लज्‍याय् हिलाबी।

होशे 8:11

“एफ्राइमं शुद्ध जुइगु बलिया वेदीत यक्‍व दय्‌कल। उपिं वेदीत हे वयागु निंतिं पाप याइगु वेदीत जूगु दु।

होशे 8:4

इमिसं जितः न्‍यं हे मन्‍यंसे जुजुत ल्‍यल, इमिसं जितः न्‍यं हे मन्‍यंसे भारदारत ल्‍यल। इमिसं थःगु हे नाशया निंतिं थःगु लुँ व वहलं थःगु निंतिं मूर्ति दय्‌की।

लेवी 26:1

“‘जि छिमि परमप्रभु परमेश्‍वर खः, अथे जुयाः छिमिसं थःगु लागि मूर्तित दय्‌के मज्‍यू। अले थःगु निंतिं पुजा यायेत गुगु नं झ्‍वाता, कियातःगु सिँया झ्‍वाता, ल्‍वहंया थां वा कियातःगु ल्‍वहं थने मज्‍यू।

नहूम 2:2

परमप्रभुं याकूबयात न्‍हापा इस्राएल झःझः धाःगु थें हाकनं झःझः धाय्‌कादी। छाय्‌धाःसा शत्रुतय्‌सं इमित लुतय् यात, अले इमिगु दाखमा भज्‍यंक नाश यात।

२ कोरिन्‍थी 5:16

अय्‌जूगुलिं आवंलि जिमिसं सुयातं ख्‍वाः स्‍वयाः लने मखुत। खः ला, छकः ख्रीष्‍टयात हे जिमिसं अथे ख्‍वाः स्‍वयाः लनेधुन। आः वय्‌कःयात जिमिसं अथे लनेगु त्‍वःतेधुन।

फिलिप्‍पी 2:21

येशू ख्रीष्‍टयागु च्‍यूताः हे मतसे मेपिं फुक्‍कं थथःगु स्‍वार्थया ज्‍याय् जक जुयाच्‍वंगु दु।