होशे 1:7 - नेवाः बाइबल

⁷ अय्‌नं जिं यहूदाया घरानायात माया याये। इमिगु उद्वार धनुष, तरवार, लडाइँ व सलगइपिंपाखें मखु, तर परमप्रभु इमि परमेश्‍वरपाखें याये।”

होशे 1:7 ပူးပေါင်းရင်းမြစ်များ

२ राजा 19:29

“अले यशैयां थथे धाल, हे हिजकिया, छंगु निंतिं थ्‍व चिं जुइ– “थ्‍व दँय् छिमिसं थथःम्‍हं बुयावःगु नइ। अले निगूगु दँय् थुकिं हे सयावःगु नइ। अले स्‍वंगूगु दँय् छिमिसं पुसा ह्व, बाली ल, अले दाखमा पिनाः उकी सयावःगु फल न।

२ राजा 19:34

थःगु निंतिं व जिमि च्‍यः दाऊदया निंतिं, जिं थ्‍व शहरयात रक्षा यानाः बचय् याये।”

२ राजा 19:35

अले उखुन्‍हु चान्‍हय् हे परमप्रभुया दूत पिहां वल, वं अश्‍शूरीतय्‌गु छाउनीइ १,८५,००० म्‍ह अश्‍शूरी सिपाइँतय्‌त स्‍यानाबिल। कन्‍हय् सुथ न्‍हापां मनूत दंबलय् छाउनीइ सीम्‍हया सीम्‍ह जक दु।

२ राजा 6:18

शत्रुत इपिंपाखे क्‍वहां वःबलय् एलीशां प्रार्थना यात, “हे परमेश्‍वर, थुपिं मनूतय्‌त कां यानादिसँ।” एलीशां प्रार्थना याःथें हे परमप्रभुं अरामी सिपाइँतय्‌त कां यानादिल।

भजनसंग्रहया सफू 33:16

सुं नं जुजु बल्‍लाःपिं सिपाइँत दयेवं जक त्‍याइ मखु। अले सुं नं सिपाइँनं थःगु बलं जक त्‍याकेफइ मखु।

भजनसंग्रहया सफू 44:7

तर छिं जिमित जिमि शत्रुतपाखें बचय् यानादिल, अले जिमित मयय्‌कीपिन्‍त लज्‍या चाय्‌कादिल।

प्रस्‍थान 14:13

मोशां इमित धाल, “ग्‍याये मते। नुगः बल्‍लाकि। धिसिलाक्‍क च्‍वँ। अले परमप्रभुं छिमित थौं बियादीत्‍यंगु मुक्तियात स्‍व। थौं खंपिं मिश्रीतय्‌त छिमिसं गुबलें खनी मखुत।

प्रस्‍थान 14:30

थुकथं उखुन्‍हु परमप्रभुं इस्राएलीतय्‌त मिश्रीतय्‌गु ल्‍हातं बचय् यानादिल। इमिसं मिश्रीतय्‌त समुद्रया सिथय् सिनाच्‍वंगु खन।

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 30:18

अय्‌नं परमप्रभुं छिमिगु निंतिं दया यायेगु मतिइ तयादी। छिमिगु निंतिं माया यायेत वय्‌कः दनादी, छाय्‌धाःसा परमप्रभु न्‍याय यानादीम्‍ह परमेश्‍वर खः। वय्‌कःयात लं च्‍वनीम्‍ह धन्‍य खः।

यशैया 49:6

वय्‌कलं थथे धयादी, “याकूबया मनूतय्‌त हाकनं थापं यायेत व इस्राएलयापिं ल्‍यंदुपिं फुक्‍क लित हयेत छ जिमि दास जुइगु खँ चिचाधंगु खँ खः ला? पृथ्‍वीयागु कुन्‍चाय् कुन्‍चाय् तक जिं जिगु उद्धार थ्‍यनेमा धकाः यहूदीमखुपिनिगु निंतिं जिं छन्‍त जः नं दय्‌काबी।”

यशैया 7:14

अथे जुयाः परमप्रभु थःम्‍हं हे छन्‍त छगू चिं बियादी। ब्‍याहा मयानिम्‍ह छम्‍ह मिसां काय् बुइकी, वय्‌कःया नां इम्‍मानुएल तइ।

यर्मिया 25:5

इमिसं धाल, ‘आः छिपिं सकसिनं थथःगु मभिंगु पहःचहः व मभिंगु ज्‍या त्‍वःति, अले जक छिपिं परमप्रभुं छिमि पुर्खातय्‌त शुरुंनिसें न्‍ह्याबलेंया लागि बियादीगु देशय् च्‍वने फइ।

यर्मिया 25:6

विदेशी द्यःतय्‌गु ल्‍यू वनाः इमित सेवा नं याये मते, पुजा नं याये मते। थःगु ल्‍हाःया ज्‍यां जितः तं चाय्‌के मते। अले जिं छिमिगु छुं स्‍यंके मखु।’”

यर्मिया 33:26

अले जक जिं याकूबयात व जिम्‍ह दास दाऊदया सन्‍तानयात त्‍वःताबी, अले वया सन्‍तानत मध्‍ये छम्‍हय्‌सित नं अब्राहाम, इसहाक व याकूबया वंशयात राज्‍य यायेत जिं ल्‍यये मखु। छाय्‌धाःसा जिं इमिगु सुख शान्‍ति लित हयाबी अले इमित दयामाया याये।’”

होशे 1:8

गोमेरं म्‍ह्याय्‌यात दुरु त्‍वंकेगु दिके धुंकाः वया हाकनं प्‍वाथय् दत अले मेम्‍ह काय् बुइकल।

होशे 11:12

एफ्राइमं जितः मखुगु खं घेरय् याःगु दु, अले इस्राएलं जितः ध्‍वंलानाः घेरय् याःगु दु। तर यहूदां आः नं परमेश्‍वरया आज्ञा मानय् मयाः, आः नं पवित्र परमेश्‍वर प्रति इमान्‍दार मजू।

जकरिया 4:6

उकिं वं जितः धाल, “थ्‍व यरूबाबेलया निंतिं परमप्रभुया वचन खः, ‘शक्तिं मखु, बलं नं मखु, तर जिगु आत्‍मापाखें’ धकाः दक्‍व शक्ति दुम्‍ह परमप्रभुं धयादी।

१ शमूएल 17:47

अले थन दुपिं सकसिनं सीकी परमप्रभुं नं तरवारं न भालां बचय् यानादी। छाय्‌धाःसा लडाइँ परमप्रभुयागु हे खः, अले वय्‌कलं हे छिपिं सकले जिमिगु ल्‍हातय् लःल्‍हानादीगु दु।”