हिब्रू 7:3 - नेवाः बाइबल

³ वया मांबौ व तापाःबाज्‍यापिनिगु खँ गनं हे च्‍वयातःगु मदु। अले व सीगु व बूगु खँ नं गनं च्‍वयातःगु मदु। व परमेश्‍वरया काय् थें सदांयात पुजाहारी जुयाच्‍वनी।

हिब्रू 7:3 ပူးပေါင်းရင်းမြစ်များ

प्रस्‍थान 6:18

कहातया काय्‌पिं अम्राम, यिसहार, हेब्रोन व उज्‍जीएल खः। कहात सछि व स्‍विस्‍वदँ तक म्‍वात।

गन्‍ती 1:18

अले निगूगु लाया न्‍हापांगु दिंखुन्‍हु फुक्‍क खलःयात मुंकाः इमिगु वंश व छेँजःकथं निइदँ व वस्‍वयां च्‍वय्‌यापिं मिजंतय्‌गु नां धलः दय्‌कल,

मत्ती 4:3

अबलय् हे शैतानं वयाः वय्‌कःयात थथे धाल – “छि परमेश्‍वरया काय् खःसा थ्‍व ल्‍वहंयात मरि जुइमा धकाः धयादिसँ।”

हिब्रू 4:14

स्‍वर्गय् झायादीम्‍ह परमेश्‍वरया काय् येशू हे झी दक्‍वसिबय् तःधंम्‍ह पुजाहारी जूगुलिं झीसं मानय् यानाः वयागु विश्‍वासयात अज्‍जं क्‍वात्तुकाच्‍वनेमाः।

हिब्रू 7:1

थ्‍व मल्‍कीसेदेक शालेमयाम्‍ह जुजु, अले दकलय् तःधंम्‍ह परमेश्‍वरया पुजाहारी खः। लडाइँलय् जुजुपिन्‍त त्‍याकाः लिहां वयाच्‍वंम्‍ह अब्राहामयात नाप लानाः मल्‍कीसेदेकं आशिष बिल।

हिब्रू 7:17

धर्मशास्‍त्रय् हे थथे च्‍वयातःगु दु – “मल्‍कीसेदेक थें छ नं न्‍ह्याबलेंया लागिं पुजाहारी खः।”

हिब्रू 7:2

अब्राहामं जुजुपिन्‍त त्‍याकाः हःगु सम्‍पत्तियागु झिब्‍वय् छब्‍व मल्‍कीसेदेकयात बिल। मल्‍कीसेदेकया नांया अर्थ “धार्मिकताया जुजु” खः, अले शालेमयाम्‍ह जुजु जूगुलिं वयागु नांयागु अर्थ “शान्‍तिया जुजु” धकाः नं थुइकू।

हिब्रू 7:6

मल्‍कीसेदेकं लेवीया सन्‍तान मखुसां अब्राहामयाके झिब्‍वय् छब्‍व सम्‍पत्ति काल। अले हानं परमेश्‍वरं बाचा चिनादीम्‍हय्‌सित हे आशिष बिल।