हिब्रू 4:3 - नेवाः बाइबल

³ अय्‌नं झीसं परमेश्‍वरयात विश्‍वास यानाच्‍वनागुलिं झीपिं वय्‌कः नाप च्‍वनाः आराम काये खनीतिनि। विश्‍वास मयाःपिन्‍त वय्‌कलं थथे धयादीगु दु – “उकिं जिं तमं पाफयाः धया – ‘छिपिं जिगु झासु लनेगु थासय् गुबलें दुहां वये फइ मखु।’” संसारया सृष्‍टि याये धुंकूबलय् निसें हे परमेश्‍वरया फुक्‍क ज्‍या सिधय् धुंकूसां वय्‌कलं थथे धयादिल –

हिब्रू 4:3 ပူးပေါင်းရင်းမြစ်များ

उत्‍पत्ति 1:31

परमेश्‍वरं थःम्‍हं दय्‌कूगु फुक्‍क स्‍वयादिल। वय्‌कःयात थ्‍व तसकं बांलाः ताल। चा फुनाः सुथ जुल। थुकथं – खुन्‍हु जुल।

भजनसंग्रहया सफू 95:11

उकिं जिं तमं पाफयाः धया, ‘छिपिं जिगु झासु लनेगु थासय् गुबलें दुहां वये फइ मखु।’”

प्रस्‍थान 20:11

खुन्‍हु तक परमप्रभुं आकाश व पृथ्‍वी, समुद्र व उकी दुगु फुक्‍कं दय्‌कादिल। अले न्‍हय्‌न्‍हु खुन्‍हु आराम कयादिल। उकिं परमप्रभुं विश्रामबारयात आशिष बियाः उकियात पवित्र यानादिल।

यशैया 28:12

इमित वय्‌कलं धयादिल, “झासु लंकेगु थाय् थ्‍व हे खः, त्‍यानुचाःपिं थन हे झासु लंकः वा। अले आराम कायेगु थाय् थ्‍व हे खः।” अय्‌नं इमिसं वय्‌कःया खँ मन्‍यन।

यर्मिया 6:16

परमप्रभुं थथे धयादी, “प्‍यकालँय् दनाः स्‍व! पुलांगु लँ गन दु धकाः न्‍यँ! भिंगु लँयागु बारे न्‍यँ, व लँय् हुँ! अले छिमिगु मन याउँसे च्‍वनी। तर इमिसं धाल, ‘जिपिं व लँय् वने मखु।’

इजकिएल 20:38

जिं छिपिं मध्‍ये जिगु विरोधय् अपराध याइपिं फुक्‍क विद्रोहीतय्‌त पितछ्वयाः छिमित शुद्ध याये। इपिं च्‍वनाच्‍वंगु देशं इमित जिं हयेगु जूसां इपिं इस्राएल देशय् दुहां वने दइ मखु। अले जि हे परमप्रभु खः धकाः छिमिसं म्‍हसी।

मत्ती 13:35

थुकथं अगमवक्तां थथे धकाः धयाथकूगु खँ पूवन – “जिं मनूतय्‌त उखान छुनाः जक खँ कने। संसारयागु सृष्‍टि जूसांनिसें सुचुकातःगु खँ उला बी।”

मत्ती 25:34

“अले जुजुं थःगु जवय् च्‍वंपिन्‍त थथे धाइ – ‘जिमि बाःनं आशिष बियातःपिं मनूत छिपिं हे खः। वा, संसार सृष्‍टि मजूनिबलय् निसें छिमित बी धकाः तयातःगु राज्‍यय् आः छिमिसं हे अधिकार या।

एफिसी 1:4

संसार मदुनिबलय् हे परमेश्‍वरं झीत वय्‌कःया न्‍ह्यःने धर्मी ठहरय् जुइत व पवित्र यायेत ल्‍ययादीगु खः।

हिब्रू 3:11

अय्‌जूगुलिं जिं तमं पाफयाः थथे धया – ‘छिमिसं गुबलें नं जिं बीगु आराम काये खनी मखु।’”

हिब्रू 3:14

झीसं न्‍हापांनिसें लिपा तकं विश्‍वास थातं तयाच्‍वने फुसा झीपिं ख्रीष्‍टनापं च्‍वने दइ।

हिब्रू 9:26

थथे झाःझाः पतिं झायेमाःगु जूसा ला ख्रीष्‍टं संसारयागु सृष्‍टि जूसांनिसें तःकः मछि दुःख सी मालिगु खः। तर वय्‌कः संसारयागु अन्‍त जुइ त्‍यय्‌काः आः सदांयात छकलं झायाः मनूतय्‌गु पाप हुया छ्वयेत थः हे बलिदान जुयादिल।

१ पत्रुस 1:20

थथे यायेत परमेश्‍वरं ख्रीष्‍टयात संसार सृष्‍टि याये न्‍ह्यः हे ल्‍ययादीगु खः। अय्‌जूगुलिं छिमिगु निंतिं वय्‌कः आः फुक्‍कसिया न्‍ह्यःने खंक झाःगु दु।