हिब्रू 3:3 - नेवाः बाइबल

³ छेँ स्‍वयाः छेँ दय्‌कूम्‍हय्‌सिया इज्‍जत तःधं जुइ। अथे हे मोशा स्‍वयाः येशू यक्‍व अप्‍वः इज्‍जत याये बहःम्‍ह जुयादिल।

हिब्रू 3:3 ပူးပေါင်းရင်းမြစ်များ

जकरिया 4:9

“यरूबाबेलया ल्‍हातं थ्‍व देगःया जग तःगु दु, वं हे थःगु ल्‍हातं देगः दय्‌केगु ज्‍या सिधय्‌की।” अले दक्‍व शक्ति दुम्‍ह परमप्रभुं हे जितः छन्‍थाय् छ्वयाहयादीगु खः धकाः छं सी।

मत्ती 16:18

अथे जूगुलिं जिं छन्‍त धाये, छ धात्‍थें हे पत्रुस ल्‍वहं खः। जिं थ्‍व हे ल्‍वहँतय् थःगु मण्‍डली दय्‌के। अले शैतानं तकं थ्‍व मण्‍डलीयात बुके फइ मखु।

१ कोरिन्‍थी 3:9

जिपिं ला परमेश्‍वरयागु ज्‍या याः जुइपिं ज्‍यामित जक खः, अले छिपिं परमेश्‍वरयागु बुँ खः। छिपिं परमेश्‍वरयागु छेँनं खः।

२ कोरिन्‍थी 3:7

ल्‍वहंयागु ग्‍वरलय् व्‍यवस्‍था च्‍वयाः ब्‍यूबलय् परमेश्‍वरयागु जलं मोशायागु ख्‍वाः झल्‍ल थिनावल। अले इस्राएलीतय्‌सं वयागु ख्‍वाः तकं चूलाक स्‍वये मफुत। व हे जः खिउँया वनाच्‍वंगु दु। मनूतय्‌त स्‍याकीगु व्‍यवस्‍था ब्‍यूबलय् ला अथे झःझः धाः धाःसा

कलस्‍सी 1:18

मण्‍डली वय्‌कःयागु म्‍ह खः, अले वय्‌कः मण्‍डलीयागु छ्यं खः। वय्‌कः हे दकलय् न्‍हापा दुम्‍ह, अले दकलय् न्‍हापां सिनाः म्‍वानावःम्‍ह खः। वय्‌कःयात फुक्‍कसियां प्रभु यायेत थथे यानादीगु खः।

हिब्रू 2:9

अथेसां झीसं वय्‌कःयात थुकथं हे खनाच्‍वना, गुम्‍हय्‌सित छुं ईया लागि स्‍वर्गदूतत स्‍वयाः भचा चिधं यानादीगु खः। अले परमेश्‍वरयागु दया मायां यानाः वय्‌कः फुक्‍क मनूतय्‌गु निंतिं सिनादिल। थथे सिनादीगुलिं वय्‌कःयात तःधंकाः च्‍वय् तयादिल।

हिब्रू 3:4

फुक्‍क छेँ मनूतय्‌सं हे दय्‌कूगु खः। अय्‌नं दक्‍व फुक्‍कं दय्‌कादीम्‍ह ला परमेश्‍वर हे खः।

हिब्रू 3:6

ख्रीष्‍ट धाःसा परमेश्‍वरयागु छेँय् अधिकार दुम्‍ह काय् थें विश्‍वास याये बहःम्‍ह जुयादिल। झीसं आशा याना थें उत्‍थें साहस व भरोसा तयाच्‍वन धाःसा झीपिं हे परमेश्‍वरया छेँ जुइ।