हिब्रू 2:3 - नेवाः बाइबल

³ थपाय् मछिधंगु मुक्तियात झीसं च्‍यूताः मतल धाःसा झीत सजाँय बियामदी ला? प्रभु थःम्‍हय्‌सिनं हे दकलय् न्‍हापालाक थ्‍व मुक्तियागु खँ न्‍यंकादिल। न्‍यंपिन्‍सं थ्‍व खँ सत्‍य खः धकाः झीत क्‍यनाबिल।

हिब्रू 2:3 ပူးပေါင်းရင်းမြစ်များ

यशैया 12:2

परमेश्‍वर धात्‍थें जितः उद्धार याइम्‍ह खः, जिं वय्‌कःयात विश्‍वास याये अले जि छति नं ग्‍याये मखु। परमप्रभु जिगु शक्ति व भजन खः, वय्‌कः हे जिगु निंतिं छुत्‍कारा बीम्‍ह जुयादीगु दु।”

यशैया 20:6

व दिंखुन्‍हु समुद्रया सिथय् च्‍वंपिं फुक्‍क मनूतय्‌सं धाइ, ‘स्‍व, अश्‍शूरया जुजुपाखें बचय् जुइत सुयाके सुयाके झीसं भलसा तयागु खः व गुम्‍हय्‌सिथाय् ग्‍वाहालिया निंतिं झीपिं बिस्‍युं वयागु खः, इमिगु हे हालत थथे धाःसा झीपिं गुकथं बिस्‍युं वने फइ?’”

यशैया 51:5

जिगु दया व न्‍याय याकनं हे लिक्‍क थ्‍यंगु दु। जिगु उद्धार लँपुइ हे दु, जिगु बल्‍लाःगु ल्‍हातं जाति-जातितय्‌गु निंतिं न्‍याय हये। तातापाक्‍क च्‍वंगु फुक्‍क देशं जिके मिखा ब्‍वयाच्‍वनी, अले जिगु बल्‍लाःगु ल्‍हातय् आशा तयाः पियाच्‍वनी।

यशैया 51:8

छाय्‌धाःसा वसः किलं नः थें इमित नइतिनि। ऊनयात किलं नः थें इमित नइतिनि। जिगु धार्मिकता धाःसा न्‍ह्याबलेंया निंतिं दयाच्‍वनी, जिगु उद्धार पुस्‍तां पुस्‍ता तक दयाच्‍वनी।”

यशैया 62:11

परमप्रभुं पृथ्‍वीयागु कुन्‍चाय् तक घोषणा यानादीगु दु, “यरूशलेमया यःपिं मनूतय्‌त धा, ‘स्‍व, छिमि मुक्तिदाता वयेत्‍यंगु दु! स्‍व, वय्‌कःया लिच्‍वः वय्‌कःयाके हे दु, अले वय्‌कःया इनाम वय्‌कःनापं हे दु।’”

इजकिएल 17:15

तर जुजुं सलत व तःधंगु सेना कयाहयेत मिश्र देशय् दूतत छ्वयाः वयागु विरोधय् विद्रोह यात। छु व ताःलाइ ला? थज्‍याःगु ज्‍या याइम्‍ह छु व बचय् जुइ ला? सन्‍धि त्‍वाःथलाः नं छु व सजाँयपाखें बचय् जुइ ला?

इजकिएल 17:18

वं बाचा त्‍वाःथल, अले पाफःगुयात हेला यात, बचं बियाः नं वं थ्‍व फुक्‍क याःगुलिं व बचय् जुइ मखु।

मत्ती 23:33

अय् सर्पत, अय् बिख दुम्‍ह सर्पया सन्‍तान, छिपिं गुकथं नरकयागु मिं बचय् जुइ फइ?

मत्ती 4:17

उबलय् निसें वय्‌कलं थथे धकाः न्‍यंकादिल – “पश्‍चाताप या, छाय्‌धाःसा स्‍वर्गयागु राज्‍य न्‍ह्यःने थ्‍यंकः वये धुंकल।”

मर्कूस 1:14

यूहन्‍नायात ज्‍वने धुंकाः येशूं भिंगु खँ न्‍यंकुं न्‍यंकुं गालीलय् झायाः थथे धयादिल –

लूका 1:2

शुरु शुरुंनिसें थ्‍व खँ खंपिन्‍सं व न्‍यंका जूपिन्‍सं जिमित कना थकूगु गथे खः अथे हे च्‍वयाच्‍वना।

लूका 1:69

वय्‌कलं हे झीत छम्‍ह तसकं तःधंम्‍ह मुक्तिदाता बियादिल। झीम्‍ह मुक्तिदाता वय्‌कःया च्‍यः जुजु दाऊदया सन्‍तानपाखें झाइ।

लूका 24:19

अले वय्‌कलं धयादिल – “छु खँ?” इमिसं धाल – “थ्‍व खँ नासरतयाम्‍ह येशूयागु खः। वय्‌कः छम्‍ह अगमवक्ता खः। वय्‌कलं परमेश्‍वर व मनूतय्‌गु न्‍ह्यःने ततःधंगु ज्‍याखँ यानादीगु खः।

यूहन्‍ना 15:27

छिपिं न्‍हापांनिसें हे जि लिसे दुगुलिं छिमिसं नं जिगु साक्षी बी।”

प्रेरित 1:22

थ्‍व मनू यूहन्‍नां बप्‍तिस्‍मा ब्‍यूबलय् निसें येशू स्‍वर्गय् झायादीबलय् तकं झीनाप दुम्‍ह जुइमाः। वं झीसं थें येशू सिनाः म्‍वानावःगु खँय् साक्षी बीमाः।”

प्रेरित 2:22

“अय् इस्राएली दाजुकिजापिं, जिं धायेत्‍यनागु खँ न्‍यनादिसँ – परमेश्‍वरं हे छिकपिनिगु न्‍ह्यःने नासरतयाम्‍ह येशूयात ततःधंगु व अजू चायापुगु ज्‍या व चिं याकाः छिकपिन्‍त नं क्‍यनादिल। थ्‍व खँ ला छिकपिन्‍सं सि हे स्‍यू।

प्रेरित 4:12

“अय्‌जूगुलिं येशूयागु नामं जक मुक्ति दइ, मेपिनिगु नामं मुक्ति दइ मखु। सारा संसारय् झीत बचय् याये फुम्‍ह मेम्‍हय्‌सिगु नां परमेश्‍वरं बियादीगु मदु।”

रोमी 11:14

थुकथं जिमि यहूदी दाजुकिजापिं मध्‍ये गुम्‍हं गुम्‍हय्‌सित बचय् यायेत जिं इमित नुगः मुइके बी।

रोमी 2:3

अय् मनूत, छिमिसं थुकथं ज्‍याखँ यानाजुइपिन्‍त दोष बियाजुइगु? छिमिसं नं इमिसं थें याना जुल धाःसा परमेश्‍वरं न्‍याय यानादीबलय् छिमित त्‍वःतादी धकाः बिचाः यानाच्‍वनागु ला?

१ कोरिन्‍थी 1:21

थःगु हे ज्ञान बुद्धिं मनूतय्‌सं परमेश्‍वरयात म्‍हसीके फइ मखु धयागु खँ वय्‌कलं स्‍यू। उकिं सःस्‍यूपिन्‍सं मूर्ख खँ ताय्‌कूगु येशू क्रूसय् सिनादीगु खँ न्‍यनाः विश्‍वास याःपिन्‍त बचय् यायेगु क्‍वःछिनादिल।

१ थेसलोनिकी 5:3

मनूतय्‌सं प्‍यखें “शान्‍ति दु, ग्‍याये माःगु मदु” धया च्‍वनीबलय् लाक्‍क हे इमिके प्‍वाथय् दुम्‍ह मिसायात मचाबुइ ब्‍यथा जू थें आकाझाकां विनाश जू वइ। अले इपिं छुं यानाः नं बचय् जुइ फइ मखु।

१ तिमोथी 1:15

पापीतय्‌त मुक्ति बीत ख्रीष्‍ट येशू थ्‍व संसारय् झायादीगु धात्‍थें हे खः धयागु खँ फुक्‍कसिनं मानय् याये हे माः। पापीत मध्‍ये नं जि तसकं पापीम्‍ह खः।

तीतस 2:11

परमेश्‍वरं फुक्‍कसितं मुक्ति बीत दया माया यानादीगु खः। थ्‍व हे खँ फुक्‍कसितं सीके ब्‍यूगु दु।

हिब्रू 1:1

न्‍हापा न्‍हापा अगमवक्तातय्‌पाखें परमेश्‍वरं झी तापाःबाज्‍यापिं नाप तःकः मछि तःकथं नवानादिल।

हिब्रू 1:14

अय्‌सा स्‍वर्गदूतत धयापिं सु खः लय्? इपिं परमेश्‍वरयात सेवा याइपिं आत्‍मात खः। अले मुक्ति काइपिं मनूतय्‌त ग्‍वाहालि यायेत छ्वयाहःपिं खः।

हिब्रू 1:2

तर आः दक्‍वसिबय् लिपा वय्‌कः थः काय्‌पाखें झीपिंलिसें नवानादीगु दु। काय्‌यात हे वय्‌कलं फुक्‍क सृष्‍टिया हामा यायेत ल्‍ययादिल। वय्‌कःपाखें हे थ्‍व संसारयागु सृष्‍टि यानादिल।

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

हिब्रू 4:1

थथे झासु लंके बियादी धकाः परमेश्‍वरं पाफयादीगु झीगु निंतिं नं खः। उकिं होश या, छिपिं मध्‍ये सुं नं झासु लने मखंकाः च्‍वने म्‍वाःलेमा।

हिब्रू 4:11

थथे जूगुलिं झीसं नं फक्‍व कुतः यानाः झासु लने थाय् वनेगु स्‍वये माल। तापाःबाज्‍यापिन्‍सं वय्‌कःयात मानय् मयाःगुलिं वय्‌कः नाप झासु लने मखन, उकिं झीसं नं इमिसं थें याये मज्‍यू।

हिब्रू 5:9

अले छकः फुक्‍क पूवंम्‍ह जुयादी धुंकाः वय्‌कः थःगु आज्ञा मानय् याइपिन्‍त सदां दयाच्‍वनीगु मुक्ति बियादीम्‍ह जुयादिल।

हिब्रू 9:28

अथे हे तःम्‍हय्‌सिगु पाप हुया छ्वयेत ख्रीष्‍ट नं छकः सिनादिल। वय्‌कः निक्‍वः खुसि नं झाइतिनि। उबलय् वय्‌कः पाप हुया छ्वयेत मखु, बरु वय्‌कःयागु लँ स्‍वयाच्‍वंपिन्‍त बचय् यायेत झाइ।

१ यूहन्‍ना 1:1

न्‍हापांनिसें जीवन बीगु वचन दु। थ्‍व हे वचनया बारे जिमिसं च्‍वयाच्‍वनागु दु। थ्‍व हे वचन जिमिसं न्‍यनागु नं दु। जिमिगु हे मिखां खनागु नं दु, बांलाक स्‍वयागु नं दु, ल्‍हातं थियागु नं दु।

यहूदा 1:17

यःपिं दाजुकिजापिं, झी प्रभु येशू ख्रीष्‍टया प्रेरिततय्‌सं कनावंगु खँ बांलाक लुमंकी।

प्रकाश 7:10

इपिं थुकथं ततःसलं हाल – “सिंहासनय् फ्‍यतुनादीम्‍ह झी परमेश्‍वरयाके व चीधिकःम्‍ह भ्‍याःचायाके हे जक मनूतय्‌त उद्धार यायेगु अधिकार दु।”