हिब्रू 2:2 - नेवाः बाइबल

² परमेश्‍वरं स्‍वर्गदूततय्‌पाखें बियातःगु व्‍यवस्‍था सत्‍य खः। अले थ्‍व खँ मानय् मयाःपिन्‍त सजाँय बियादिल धासेंलि

हिब्रू 2:2 ပူးပေါင်းရင်းမြစ်များ

भजनसंग्रहया सफू 68:17

परमेश्‍वर थःगु बबल्‍लाःगु द्वलंद्वः रथया दथुइ च्‍वनाः परमेश्‍वर सीनै पहाडं पवित्र थासय् झाइ।

गन्‍ती 11:33

ला म्‍हुतुइ दुबलय् हे, नये न्‍ह्यः हे परमप्रभुं इपिं खनाः तंम्‍वयाः छाउनीइ महामारी छ्वयादिल।

गन्‍ती 16:49

कोरह नापं जानाः सीपिं त्‍वःता उबलय् महामारीं सीपिं झिंप्‍यद्वः व न्‍हय्‌सःम्‍ह (१४,७००) मनूत दु।

गन्‍ती 21:6

अले परमप्रभुं इमिगु थासय् बिख दुपिं सर्प छ्वयादिल अले सर्पतय्‌सं मनूतय्‌त न्‍यानाः तःम्‍ह हे इस्राएलीत सित।

गन्‍ती 25:9

उगु महामारीइ २४,००० म्‍ह मनूत सिनावन।

प्रेरित 7:53

स्‍वर्गदूततय्‌पाखें परमेश्‍वरं बियादीगु व्‍यवस्‍था काये खंपिं छिकपिं हे खः, अथेसां छिकपिन्‍सं उकियात मानय् मयाः।”

गलाती 3:19

अय्‌सा व्‍यवस्‍था छाय् बिल लय्? मभिंगु ज्‍याखँ सीके बीत परमेश्‍वरं झीत व्‍यवस्‍था बियादीगु खः। अय्‌नं परमेश्‍वरं बाचा चिनातःम्‍ह ख्रीष्‍ट मझातले जक व्‍यवस्‍था दयाच्‍वनी। थ्‍व व्‍यवस्‍था परमेश्‍वरं स्‍वर्गदूततय्‌पाखें मोशायात बीके हयादीगु खः। थुकथं मोशा मनूत व परमेश्‍वरया दथुइ ज्‍या याइम्‍ह जुल।

व्‍यवस्‍था 17:12

सुं मनुखं परमप्रभु छिमि परमेश्‍वरयागु सेवा यायेत च्‍वनाच्‍वनीम्‍ह न्‍यायकर्ता वा पुजाहारीयात क्‍वह्यंकल धाःसा वयात स्‍यानाछ्व। छिमिसं थज्‍याःगु मभिंगु ज्‍या छिमिगु दथुं चीकाः छ्वयेमाः।

व्‍यवस्‍था 17:2

परमप्रभु छिमि परमेश्‍वरं छिमित बियादीगु शहरय् छिमिगु दथुइ च्‍वनीम्‍ह सुं मिसा वा मिजंनं परमप्रभु छिमि परमेश्‍वरयागु मिखाय् मभिंगु ज्‍या यानाः बाचायात त्‍वाथुलाः

व्‍यवस्‍था 17:5

सु मिसा वा मिजंनं थज्‍याःगु मभिंगु ज्‍या याःगु खः, व मिसा वा मिजंयात शहरया मू ध्‍वाखाय् हयाः ल्‍वहँतं कय्‌काः स्‍या।

व्‍यवस्‍था 27:26

“थ्‍व व्‍यवस्‍थाया नियमयात स्‍वीकार मयाःम्‍ह व मानय् मयाःम्‍ह मनूयात सराः लायेमाः।” अले फुक्‍कसिनं “आमेन” धायेमाः।

व्‍यवस्‍था 32:2

जिं स्‍यनेकने यायेगु खँ वा वः थें कुहां वइ अले वाउँगु घाँसय् च्‍वंगु सुतिलः थें च्‍वनी, वाउँगु घाँसय् फुति फुति वःगु वा थें, क्‍यातूगु माचाय् झ्‍वार्र वःगु वा थें।

हिब्रू 1:1

न्‍हापा न्‍हापा अगमवक्तातय्‌पाखें परमेश्‍वरं झी तापाःबाज्‍यापिं नाप तःकः मछि तःकथं नवानादिल।

हिब्रू 10:28

मोशायागु व्‍यवस्‍था मानय् मयाइम्‍ह मनूयात निम्‍ह स्‍वम्‍ह मनुखं साक्षी बिल धाःसा दया मतसे स्‍यानाछ्वइ धाःसा

हिब्रू 10:35

अय्‌जूगुलिं छिमिसं साहस यायेगु त्‍वःते मते। छिमिसं थुकियागु तःधंगु इनाम काये खनीतिनि।

हिब्रू 11:26

मिश्रयागु दक्‍व सम्‍पत्ति स्‍वयाः मुक्ति बीम्‍ह ख्रीष्‍टया निंतिं हेला याका जुइगु हे वं तःधं ताय्‌कल, छाय्‌धाःसा व परमेश्‍वरं बीगु सिरपाः कायेत पियाच्‍वंम्‍ह खः।

हिब्रू 11:6

विश्‍वास मयाय्‌कं परमेश्‍वरयात लय्‌ताय्‌के फइ मखु। वय्‌कःयाथाय् वइम्‍ह मनुखं परमेश्‍वर दि, अले वय्‌कःयात मालिपिन्‍त वय्‌कलं इनाम बियादी धकाः विश्‍वास याये हे माः।

हिब्रू 12:25

होश या, छिपिंलिसे नवानादीम्‍हय्‌सिगु खँ मन्‍यंसे च्‍वने मते। थ्‍व संसारय् च्‍वनाः परमेश्‍वरयागु खँ न्‍यंकीम्‍हय्‌सिगु खँ मन्‍यंपिन्‍त ला मल्‍यंकू धासेंलि स्‍वर्गं हे नवानादीम्‍हपाखे फस्‍वया जुइपिन्‍त जक ल्‍यंकी ला?

२ पत्रुस 1:19

अय्‌जूगुलिं न्‍हापायापिं अगमवक्तातय्‌गु खँ सत्‍य खः धकाः जिमिसं झन बांलाक सिल। थ्‍व खँ छिमिसं न्‍यंगु नं तसकं हे बांलात, छाय्‌धाःसा इमिसं धयावंगु खँ ला सुथ मजुतले खिउँथाय् च्‍यानाच्‍वंगु मत थें खः। अले छिमिगु नुगलय् थिनाच्‍वंगु सुथसिगु नगु खः।

यहूदा 1:5

परमेश्‍वरं इस्राएलीतय्‌त मिश्र देशं लिगना हयादिल। अय्‌नं लिपा वय्‌कःयात विश्‍वास मयाःपिं मनूतय्‌त नाश यानादिल। थ्‍व खँ छिमिसं बांलाक सि हे स्‍यू। अथेसां छिमित थ्‍व खँ लुमंकाबी मास्‍ति वल।