8 न्हापां ला वय्कलं थथे धयादिल – “बलि बीगु व छाय्छी यायेगु ज्यां छि लय्मता। होमबलि व शुद्ध जुइगु बलि छिं यय्कामदी।” (गुगु व्यवस्थाय् च्वया तःकथं याइगु खः)
छिं जितः थ्व खँ थुइके बियादिल, जिगु न्हाय्पं चाय्कादिल, बलि बीगु व छाय्छी यायेगु ज्यां छि लय्मताः, छिं होमबलि व पापबलि नं यय्कामदी।
अथे जूगुलिं परमेश्वरयात दुनुगलंनिसें वाःचाय्काः माया यायेगु, अले बलं फतलय् माया यायेगु, अले हानं जःलाखःलायात थःत थें माया यायेगु ला बलि बीगु व होमबलि स्वयाः तसकं भिं।”
झीपिं बमलाःबलय् व्यवस्थां यायेमाःगु ज्या याये मफुगुलिं परमेश्वरं थःकाय्यात छ्वयाहयादिल। वय्कः झीपिं थें तुं मनू जुयाः झीगु पाप सिला छ्वयेत बलिदान जुयादिल। थथे यानाः वय्कलं झीगु शरीरय् पापयागु दोष क्यनादिल।
उकिं हे ला खः नि, थ्व संसारय् झाये धुंकाः ख्रीष्टं परमेश्वरयात थथे धयादीगु – “बलि बीगु व छाय्छी यायेगु ज्यां छि लय्मताः अय्नं छिं जिगु निंतिं छगू म्ह तयार यानादीगु दु।