उत्‍पत्ति 5:2 - नेवाः बाइबल

² वय्‌कलं इमित मिजं व मिसा दय्‌कादिल। अले आशिष बियादिल। वय्‌कलं इमित “मनू” धकाः नां तयादिल।

उत्‍पत्ति 5:2 ပူးပေါင်းရင်းမြစ်များ

उत्‍पत्ति 1:27

थुकथं परमेश्‍वरं मनूयात थःगु हे ख्‍वाःलसि वयेक दय्‌कादिल। परमेश्‍वरयागु हे ख्‍वाःलसि वयेक वय्‌कलं इमित दय्‌कादिल। वय्‌कलं इमित मिजं व मिसा यानाः दय्‌कादिल।

उत्‍पत्ति 1:28

परमेश्‍वरं इमित आशिष बियाः धयादिल, “छिमि मचाखाचा यक्‍व दयाः पृथ्‍वी जायेमा, अले पृथ्‍वीइ अधिकार यायेमा। समुद्रय् च्‍वंपिं न्‍या, आकाशय् च्‍वंपिं झंगःपंक्षी व बँय् घिसय् जुइपिन्‍त अधिकार यायेमा।”

उत्‍पत्ति 2:15

अले परमप्रभु परमेश्‍वरं मनूयात बुँ ज्‍यायेत व थुकिया बिचाः यायेत अदन धाःगु क्‍यबय् यंकाः तयादिल।

उत्‍पत्ति 2:23

अले मनुखं धाल, “थ्‍व ला जिगु हे क्‍वँचं दुगु क्‍वँय् व लां दुगु ला खः। थ्‍वयात मिसा धकाः धायेगु जुइ। छाय्‌धाःसा वयात मिजंया म्‍हं लिकयाः दय्‌कूगु खः।”

उत्‍पत्ति 5:3

सच्‍छि व स्‍विदँ दुबलय् आदमया थःथें तुं च्‍वंम्‍ह काय् बुल। वं वयागु नां शेत तल।

मलाकी 2:15

वय्‌कलं छ व छिमि कलाःयात छम्‍ह हे यानाः दय्‌कादीगु मखु ला? म्‍हय् व आत्‍माय् छिपिं वय्‌कःया हे खः। अले वय्‌कलं छु इच्‍छा यानादी? छिमिगुपाखें परमेश्‍वरयागु भय काइपिं सन्‍तान मालाच्‍वंगु दु। अथे जुयाः छिमिसं थःगु मनयात रक्षा या, अले थः ल्‍याय्‌म्‍हबलय्‌याम्‍ह कलाःयात ध्‍वंलाये मते।

मत्ती 19:4

वय्‌कलं लिसः बियादिल – “छिमिसं धर्मशास्‍त्रय् थथे च्‍वयातःगु ब्‍वनागु मदु ला? ‘सृष्‍टि यानादीबलय् हे परमेश्‍वरं इमित मिजं मिसा यानाः दय्‌कादीगु खः’ –

मर्कूस 10:6

दकलय् न्‍हापा सृष्‍टि यानादीबलय् हे परमेश्‍वरं इमित मिजं व मिसा यानाः दय्‌कादीगु खः।

प्रेरित 17:26

वय्‌कलं छम्‍ह हे मनूयापाखें फुक्‍क मनूतय्‌त दय्‌कादिल। अले न्‍हापांनिसें हे इमित गन गन तयेगु, अले गुबलय् तक म्‍वाका तयेगु धयागु खँ क्‍वःछिना तयादी धुंकल।