उत्‍पत्ति 11:8 - नेवाः बाइबल

⁸ थुकथं परमप्रभुं इमित पृथ्‍वी न्‍यंक छ्यालब्‍याल यानाबिल। अले इमिसं व शहर दय्‌केगु ज्‍या त्‍वःतल।

उत्‍पत्ति 11:8 ပူးပေါင်းရင်းမြစ်များ

उत्‍पत्ति 10:25

एबेरया निम्‍ह काय् दत। तःधीम्‍हसिया नां पेलेग खः। थ्‍वयागु हे इलय् पृथ्‍वीइ मनूत बायावंगु खः। वया किजाया नां योक्तान खः।

उत्‍पत्ति 10:32

नोआया काय्‌पिनि सन्‍तान कथहं थुपिं हे खः। खुसिबाः वःगु लिपा थुपिं हे थीथी जात जातियापिं जुयाः पृथ्‍वीइ न्‍यनावन।

उत्‍पत्ति 10:5

थुमिपाखें हे समुद्र सिथय् च्‍वनीपिं मनूत न्‍यनावन। थुकथं येपेतया सन्‍तान थीथी थाय्, भाय्, जात व जाति जुयाः न्‍यनावन।

उत्‍पत्ति 11:4

अले इमिसं धाल, “आः छगू शहर दय्‌के, अले स्‍वर्ग तक थ्‍यनीगु धरहरा दय्‌काः झीगु नां तये। थुकथं झी पृथ्‍वी न्‍यंक छ्यालब्‍याल जुइ मखु।”

उत्‍पत्ति 11:9

अथे जुयाः उगु शहरयागु नां बाबेल च्‍वन। छाय्‌धाःसा परमप्रभुं अन मनूतय्‌गु भाय्‌यात ल्‍वाकःबुकः यानादीगु खः, अले इमित पृथ्‍वी न्‍यंक छ्यालब्‍याल यानादीगु खः।

उत्‍पत्ति 49:7

इमिगु तंयात सराः लायेमा छाय्‌धाःसा व तसकं ग्‍यानापु। इमिगु तंयात सराः लायेमा छाय्‌धाःसा व तसकं छाः। जिं इमित ब्‍वथलाबी जिं इमित इस्राएलय् छ्यालब्‍याल यानाबी।

भजनसंग्रहया सफू 33:10

परमप्रभुं जातितय्‌गु फुक्‍क ग्‍वसाः चुंदंकाबी, अले इमिसं क्‍वःछिनातःगु ज्‍याखँयात पनादी।

भजनसंग्रहया सफू 92:9

हे परमप्रभु, छिकपिनि शत्रुत नाश जुयावनी, अले दुष्‍टत उखेलाः थुखेलाः मदइ धकाः जिमिसं स्‍यू।

लूका 1:51

वय्‌कलं थःगु ल्‍हाःयागु शक्ति क्‍यनादीगु दु। वय्‌कलं घमण्‍ड याइपिनिगु मनय् च्‍वंगु ग्‍वसाः फुक्‍कं स्‍यंकादीगु दु।

व्‍यवस्‍था 32:8

दक्‍वसिबय् तःधंम्‍हय्‌सिनं जाति जातियात इमिगु सर्बय बियादिल। गबले वय्‌कलं मानव जातियात अलग अलग तयादिल अले इस्राएलीतय्‌गु ल्‍याःकथं इमिगु सिमाना क्‍वःछिनादिल।