एज्रा 9:4 - नेवाः बाइबल

⁴ अले ज्‍वनायंकाः लित छ्वयाहःपिन्‍सं याःगु अपराधया कारणं इस्राएलया परमेश्‍वरयागु वचनपाखें ग्‍याःपिं सकल मनूत जिथाय् मुंवल। सन्‍ध्‍याया बां बीगु इलय् तक जि अथे हे वातां जुयाः च्‍वनाच्‍वना।

एज्रा 9:4 ပူးပေါင်းရင်းမြစ်များ

२ इतिहास 34:27

छं जिगु खँ न्‍यनाः पश्‍चाताप यात अले थ्‍व थाय् व थनयापिं मनूतय्‌गु बारे जिं धयागु खँ न्‍यनाः परमेश्‍वरया न्‍ह्यःने छ क्‍वमिलु जुल, छं थःगु वसः खुत अले जिगु न्‍ह्यःने ख्‍वल। उकिं जिं छंगु प्रार्थना न्‍यनागु दु, परमप्रभुं धयादी,

एज्रा 10:3

अथे जुयाः आः झीसं झी प्रभुयागु व थः परमेश्‍वरयागु आज्ञा मानय् याइपिनिगु सल्‍लाहकथं थज्‍याःपिं सकलें मिस्‍त व इमि मस्‍ततय्‌त त्‍वःतेत परमेश्‍वरया न्‍ह्यःने छगू बाचा चीनु। अले व्‍यवस्‍थाकथं ज्‍या यायेनु।

एज्रा 10:9

स्‍वन्‍हुया दुने, गुंगूगु लाया निइन्‍हुखुन्‍हु यहूदा व बेन्‍यामीनया सकलें मनूत यरूशलेमय् मुन। सकलें मनूत थ्‍व तःधंगु घटनां यानाः दुखी जुयाः अले तसकं वा वयाः चिकुसे च्‍वंगुलिं थुरथुर खानाः परमप्रभुया देगःया न्‍ह्यःने चुकय् च्‍वनाच्‍वन।

भजनसंग्रहया सफू 119:136

जिगु मिखां ख्‍वबिया धाः हाया हे च्‍वनी, छाय्‌धाःसा मनूतय्‌सं छिं स्‍यनातःगु खँयात मानय् याइ मखु।

प्रस्‍थान 29:39

छम्‍ह सुथय् अले मेम्‍ह सन्‍ध्‍याकाः इलय् छा।

प्रस्‍थान 29:41

मेम्‍ह चिधिकःम्‍ह भ्‍याःचा सन्‍ध्‍याकाः इलय् छा। सुथय् थें अन्‍नबलि व त्‍वँसाबलि नापं छायेमाः। थ्‍व परमप्रभुया निंतिं नस्‍वाःगु विशेष देछा जुइ।

यशैया 66:2

छु थःगु हे ल्‍हातं जिं आकाश व पृथ्‍वी दय्‌कागु मखु ला? अले फुक्‍कं थथे जू वःगु मखु ला? परमप्रभुं घोषणा यानादी। “आत्‍माय् चीमि खनीपिं व नुगः ख्‍वःपिन्‍त अले जिगु वचनय् थरथर खाइपिन्‍त जिं दयां स्‍वये।

यशैया 66:5

छिपिं मध्‍ये सुनां परमप्रभुया वचनया भय काइ, वय्‌कःया वचन न्‍यँ, “छिकपिनि थः मनूत, सुनां छिमित यय्‌की मखु, सुनां छिमित जिगु नांया निंतिं हेला याइ, इमिसं छिमित थथे धाइ, ‘परमप्रभुया महिमा जुइमा, अले जिमिसं छिमिगु आनन्‍द स्‍वये।’ अय्‌नं इपिं लाजय् लाइ।

इजकिएल 9:4

अले वयात धयादिल, “यरूशलेम शहरया फुक्‍क थासय् वनाः अन याःगु फुक्‍क घच्‍चाइपुगु ज्‍याया निंतिं नुगः मछिंकुपिं व बिलाप याःपिं सकलें मनूतय्‌गु कपालय् छगू चिं ति!”

दानिएल 10:2

अबलय् जि दानिएल स्‍वँगू वाः तक दुखं च्‍वना।

दानिएल 9:21

जिं प्रार्थना यानाच्‍वनाबलय् जिं थःगु न्‍हापांयागु दर्शनय् खनाम्‍ह मनू, गब्रिएल याकनं ब्‍वयाः सन्‍ध्‍याया बां बीगु इलय् जिथाय् वल।

गन्‍ती 25:6

इस्राएलीत नापलायेगु पालया ध्‍वाखाय् ख्‍वयाच्‍वंबलय् हे छम्‍ह मनुखं मोशा व इस्राएलया फुक्‍क खलःया न्‍ह्यःने छम्‍ह मिद्यानी मिसायात थःगु छेँजःपिन्‍थाय् हल।

प्रेरित 3:1

छन्‍हु पत्रुस व यूहन्‍ना न्‍हिनय्‌सिया स्‍वताः इलय्, प्रार्थना यायेगु इलय् देगलय् वनाच्‍वन।