एज्रा 9:12 - नेवाः बाइबल

¹² उकिं छिमिसं थः म्‍ह्याय्‌पिन्‍त इमि काय्‌पिंलिसें व छिमि काय्‌पिन्‍त इमि म्‍ह्याय्‌पिंलिसें ब्‍याहा यानाबी मते। छिमिसं गुबलय् नं इपिं लिसे स्‍वापु तये मते, छिमिसं थ्‍व उजं पालन यात धाःसा छिपिं बल्‍लाइ अले छिमिसं थ्‍व देशयागु भिंगु भिंगु नसा नइ। अले थ्‍व देश छिमि सन्‍तानयागु अधिकारय् न्‍ह्याबलें दयाच्‍वनी।’

एज्रा 9:12 ပူးပေါင်းရင်းမြစ်များ

१ इतिहास 28:8

“उकिं जिं छिमित फुक्‍क इस्राएल व परमप्रभुया खलकं खंक व झी परमेश्‍वरं ताय्‌कः थ्‍व जिम्‍मा बियाच्‍वनागु दु – परमप्रभु छिमि परमेश्‍वरयागु उजं होशियार जुयाः मानय् या। अले छिमिसं थ्‍व भिंगु देशय् अधिकार याये फइ। अले थुकियात न्‍ह्याबलेंया निंतिं छिमि सन्‍तानयात सर्बयकथं बी फइ।

२ इतिहास 19:2

हनानीया काय् अगमवक्ता येहूं वयात नापलाः वन। येहूं यहोशापातयात थथे धाल, “छिं मभिंपिं मनूतय्‌त छाय् ग्‍वाहालि यानादियागु? छिं परमप्रभुयात मयय्‌कीपिन्‍त छाय् माया यानादियागु? छिं थथे यानादीगु खनाः परमप्रभु तंचायादीगु दु।

एज्रा 9:2

इस्राएलयापिं मिजंतय्‌सं मेगु जातियापिं मिस्‍तलिसें ब्‍याहा यानाच्‍वंगु दु। थुकथं परमेश्‍वरया पवित्र जाति स्‍यनावंगु दु। अले थ्‍व अपराधय् न्‍ह्यलुवा जुयाः यंकूगुलिइ मू नायःत व हाकिमत थुपिं हे खः।”

प्रस्‍थान 23:32

“छिमिसं इपिं नापं अले इमि द्यःत नापं स्‍वापु तये मते।

हितोपदेश 13:22

भिंपिं मनूतय्‌सं थः छय्-छुइपिन्‍त धकाः धनसम्‍पत्ति त्‍वःताथकी। पापीतय्‌गु धन धाःसा धर्मीतय्‌गु ल्‍हातिइ लाइ।

हितोपदेश 20:7

धर्मी मनूत दोष मदय्‌क जुइ। अले परमेश्‍वरं वयां लिपाया इमि मस्‍तय्‌त आशिष बियादी।

यशैया 1:19

छिमिसं जिगु आज्ञा मानय् याये यय्‌कल धाःसा छिमिसं थ्‍व देशया भिंगु भिंगु नसा नयेखनी।

व्‍यवस्‍था 23:6

छिपिं म्‍वानाच्‍वंतले अम्‍मोनीत व मोआबीतलिसे सन्‍धि याये मते अले इमिगु भिं जुइगु ज्‍या याये मते।

व्‍यवस्‍था 23:7

एदोमीतय्‌त धाःसा क्‍वह्यंके मते। इपिं छिमि दाजुकिजा खः। सुं मिश्रीयात नं क्‍वह्यंके मते। छाय्‌धाःसा छिपिं परदेशी जुयाः इमिगु देशय् न्‍हापा च्‍वनाच्‍वंगु खः।

व्‍यवस्‍था 7:3

इपिंलिसे ब्‍याहा याये मते। छिमि म्‍ह्याय्‌पिं इमि काय्‌पिन्‍त बी मते, अले इमि म्‍ह्याय्‌पिं छिमि काय्‌पिनिगु लागि हये मते।